1 कोरिन्‍थ 9:25 - पुना गच्छरना NT (BSI)

²⁵ ओर्मा बीचुर गा उर्मी मदहे कत्‍था नू तमन सम्ड़'अनर। ईर नठारना इनामन ख़क्‍खा गे एन्ने नन्नर। लिकिन नाम गा मल नठारना इनामन ख़क्‍खा गे एन्ने नन्‍दत।

1 कोरिन्‍थ 9:25 ပူးပေါင်းရင်းမြစ်များ

1 कोरिन्‍थ 15:54

औंगे एकाबारी ई नठारना मॆद मल नठारनन अत्तो अरा ई खे'अना मॆद मल खे'अनन अत्तो ख़ने, नेम्‍हा पुथी ही ई कत्‍था मनो का “जीत आबो खे'अनन नुलख़िया चिच्‍चा।”

गलातिया 5:23

निभ्रना, अरा खतिर नन्‍ना रई। एन्ने एन्ने नलख ही बिड़दो नू एन्‍देर हूँ नॆग मल्‍ला।

1 तीमोथियुस 6:12

एकासे बॆस सैनस तंग्‍है लड़ाइन लड़दस अन्ने नीन पत्त'अना ही दौ अरबानखर'आ अरा जनमजुग ही उज्‍जनन धर'आ। इदगेम नीन मॆख़रकादय, अरा बग्‍गे गोवाह आलर ही मुन्‍दहारे निंग्‍है पत्त'अनन बॆस ऎदकादय।

2 तीमोथियुस 2:5

अन्नेम अखड़ा नू लड़‍'ऊ आलस नॆग ती मल लड़'ओस होले, दौ ख़ंजपा मल ख़क्‍खोस।

तीतुस 1:8

आस गे पाही ईरू, दौ नलख बिद्दू, खतीर ननू, नियाँव ननू, नेम्‍हा अरा जियन जतन‍'ऊ र'अना र'ई।

तीतुस 2:2

पचगी आलारिन सिखाब'आ का आर गे चिहुंक अरा म‍ईन जॊगे अरा नॆत नॆग ती उज्‍जू मन्ना र'ई। अरा आर गे बॆस पत्त'अना अरा चोन्‍हा ती अरा सहेलहे ती निन्‍द्रका आलर र'अना र'ई।

इब्रानी 12:28

औंगे नाम गा नुकतार'आ पोलना राजिन दिम ख़क्‍खालदत। ई चड्डे नाम धन्‍यवाद ननरकी म‍ईन अरा इल्चका गने महबा ननरकी धर्मेसिन रिझ्रत'अदत नेक‍अन।

इब्रानी 12:4

नीम निम्है पाप ही बिड़दो ही तिहा नू निम्‍है जियन चि'अना गूटी हुरभेटा मल नंजकर।

याकॊब 1:12

बिढ़्रनन सह'ऊ आलासिन धर्मेस आसीस नन्दस। एन्देरगेका आस आ बिढ़्रना नू बड़ियर र'अना ती उजगो आलस उरखका ख़ॊख़ा, धर्मेस तंग्हा नू चोन्हा ननुर गे चि'ओन एन्ने गच्छरका जनमजुग उज्जना ही इनामन आस ख़क्खोस।

1 पतरस 1:4

इदही गने धर्मेस निमा गे ओन्टा कोड़हे आसीसन मेर्ख़ा नू उइय्कादस। आद इकला हूँ मल नठार'ई अरा सोतरा मल मनी अरा मल चड़मी।

1 पतरस 5:4

नीम एन्ने ननोर होले, इकला मुध महरस दहदर मनोस, आ बारी नीम तंग्है बिल्चनन मल अम्बना महबा अरा मईन ही मुकुटन ख़क्खोर।

2 पतरस 1:6

अरा लूर गने जियन सम्ड़'अना, अरा जियन सम्ड़'अना गने खतिर नन्ना, अरा खतिर गने भगती।

दहदर मंजका कत्‍था 2:10

एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।

दहदर मंजका कत्‍था 3:11

ऎन चाँड़हे बर'आलदन, एंग्है नू जिटजिटने पत्त'अते र'आ। ख़ने नॆ हूँ निंग्‍है इनामन मल हो'ओर।

दहदर मंजका कत्‍था 4:10

आ बारी आ बारी चौबीसो सेयान आलर बॆल-गदिया नू उक्कुसी मुन्दहारे ख़ेडमूली खत्रनर ती, हुल्‍लो ती हुल्‍लो गूटी उज्‍जुसी महबा नन्नर। अरा एन्ने ब'अनुम बॆल-गदिया ही मुन्दहारे तम्है मुकुट आबोन ओक्‍त'अनर चि'अनर,

दहदर मंजका कत्‍था 4:4

आ बॆल-गदिया ही चरियो तरा चौबीस गोट बॆल-गदिया रहचा। अरा इबड़ा बॆल-गदिया नू चौबीस सेयान आलर पंडरू किचरी अत्तका ती उक्‍का रहचर। अरा आर ही कुक्‍कु नू सोना ही मुकुट रहचा।