23 ऎन दौ कत्था ही आसीस नू बटा मना गेम दौ कत्था ही चड्डे ऎन इबड़ा उर्मिन नन्दन।
नीकईम तंग्है उज्जनन तंग्गा गे उज्जा बेद्ददस होले आस धर्मेस गने जनमजुग ही उज्जनन एबस'ओस, लिकिन आस एंग्है चड्डे अरा एंग्है दौ कत्था ही चड्डे तंग्है उज्जनन चि'ओस होले आस धर्मेस गने जनमजुग ही उज्जनन ख़क्खोस।
दौ जैतून मन्न ती जोक्क डाड़न एस'अरकी तरकूटी नन्तारकी किरकी र'ई। अरा नीम नन-यहूदीरो! जंगली जैतून ही डाड़ा हिकदर, अदही अड्डा नू कलम नंजका हिकदर। अरा दौ जैतून ही पादा ती बर'ऊ अदही उज्जना ही रासी ही हिसा मंजकर।
निम्है नू दौ कत्था तिंका नन्नर गे निम्है नू ती जोक्क ख़क्खा गे अदिया र'ई होले, एमा गे हूँ अदही ती बग्गे अदिया र'ई। लिकिन ई अदियन ऎम आलर नू मल लच्चकम। ऊजी नू मसीसी दौ कत्था गे बधा मल मना गे ऎम उर्मी खिलपत आबोन सारदम।
पयहर गे ऎन पयहा मंजकन का पयहारिन मसीस गुसन ओन्द्र'ओन। एकअम अन्ने ती जोक्क आलारिन नाड़रा गे ऎन ओर्मर गे ओर्मर लेक्खा मंजकन।
एन्देर नीम इदिन बलदर का बोंगना नू बुंगुर ओर्मर गा बोंगनर, लिकिन ओर्तोस लेका इनाम ख़क्खदस? औंगे नीम जितना बेसे बोंगा।
ऎन कोड़हे कल्पारना ती अरा जिया ही दोलख़ना ती अरा ख़ंजलख़ो चुरूख़नुम चुरूख़नुम ई चिठिन निमा गे लिखचकन। ऎन निमा दुक्खे चि'आ गे मला, लिकिन ऎन निमन एका कोड़हे चोन्हा नन्दन, अदिन नीम अख़'आ गे दिम ऎन अन्ने लिखचकन।
लिकिन ऎम गा दौ कत्था ही मानी आबो निम्है गने कम्रकी र'आ गे बिद्दकम। औंगे अबड़र ही मुन्दहारे ऎम एमन ओन घड़ी गे हूँ आर ही किइय्या मना मल चिच्कम।
ख़ने ऎन चज्जरका आलर गे दौ ही चड्डे उर्मी दुक्खेन सारदन। होले अबड़र हों मसी येसुस नू पत्त'ओर ती नाड़नन जनमजुग ही महबा गने ख़क्खनर नेकअन।
अरा एका ख़ल्ल उर्बस कोड़हे अर्ज'अदस होले, ख़ंजका ही बटा आस गे दिम मुन्द ख़क्ख्रना र'ई।
औंगे मेर्ख़ा नू आसी गने र'आ गे धर्मेसी मॆख़रना नू ख़टर'ऊ नेम्हा भईरो! धर्मेस ती तइरका अरा कोहाँ नैगस येसुसी पत्त नू चिहुंक लगे सोच'आ, आसी पत्त नुम गा ऎम तेंगा लगदम।
नाम नम्है मुन्द ता पत्त'अना नू मुंज्रना गूटी बड़ियर इज्जका र'ओत होले, नाम ओर्मत मसीसी जम्मा नू सजहा मन्दत।
निम्है मझी ता सेयान आलर गे, आर ही लेक्खा संगे सेयान आलन, अरा मसीस सारचका सस्ती गुट्टी ही गोवाह, अरा दहदर मन्ना महबा नू मेस्र'ऊ र'अना एंग्है रिझ्रत'अना ईद र'ई का:
नीम हूँ एम्है गने मेस्र'आ गे, एन्द्रन ऎम ईरकादम अरा मेंजकादम अदही पत्त नू ऎम निमा मेन्त'अदम। एमा ई मेस्रना गा धर्मे बंगस गने अरा आसी ख़द्दस येसु मसीस गने र'ई।