1 कोरिन्‍थ 9:19 - पुना गच्छरना NT (BSI)

¹⁹ ऎन छछिन्‍द र'अदन, नॆखा हूँ एंग्हा म‍इय्याँ अदिया मलकी। अन्नु हूँ ऎन ओर्मर ही बिट्ठी ननू जॊंख़ मंजकन का बग्‍गे आलारिन मसीस नू ओन्‍द्र'ओन।

1 कोरिन्‍थ 9:19 ပူးပေါင်းရင်းမြစ်များ

मत्तायोस 18:15

निंग्‍है भइय्योस निंग्‍है बिड़दो गुन्‍हा ननोस होले, कला ती ओर्तलेका र'अना बेड़ा आसी गुन्‍हन आसिन तेंगा। आस निंग्‍हैन मेनोस होले नीन निंग्‍है भइय्योसिन अउरिम ख़क्‍खकय।

रोमी 1:14

उज्‍जना बिज्‍जनन बड़ियर अख़'उर अरा बल्‍लुर अरा पढ़चकर अरा बिगर पढ़चका ओर्मर ही ऎन नहड़ा र'अदन।

रोमी 11:14

एकअम ‍अन्ने ऎन एंग्‍है जातियारिन हराजीता मन्ना ती अरा ई लेक्‍खा आर ती जोक्‍कोर ही नाड़रना ही हूँ असरा नन्‍दन।

रोमी 15:2

नमा ओर्मत गे तम्‍‍है अरबर-परबारिन दौ गे आरिन पत्त'अना नू बड़ियर मना ओंगोर अदगे सहाड़ा नन्‍ना र'ई।

1 कोरिन्‍थ 10:29

एंग्‍है ब'अना निम्‍है लखना ही पत्त नू मला, लिकिन नन्‍नासी लखना ही पत्त नू र'ई। एन्‍देरगेका एंग्‍है छछिन्‍द नन्‍नासी लखना ती एन्‍देरगे पारिख नन्‍तार'ओ?

1 कोरिन्‍थ 10:33

अन्ने ऎन हूँ ऎन नन्‍दन अबड़ा उर्मी ती ओर्मारिन रिझ्रत'आ गे चिहुट नन्‍दन। अरा ऎन एंग्‍है दौन मल बेद्ददन, लिकिन बग्‍गेर ही दौन बेद्ददन, होले आर नाड़र'आ ओंग्‍नर।

1 कोरिन्‍थ 7:16

अना मुक्‍कायो, नीन सुरता नन्ना र'ई का नीन निंग्‍है मॆतासी नाड़रना ही चड्डे मना उंगदी। अना मॆतायो, नीन सुरता नन्‍ना र'ई का नीन निंग्‍है मुक्‍का ही नाड़रना ही चड्डे मना ओंग्‍दय।

1 कोरिन्‍थ 9:1

ऎन छछिन्‍द आलन र'अदन। ऎन तइरकन हिकदन। ऎन नम्‍है उर्बा येसुसिन ईरकादन। उर्बस नू नीम एंग्‍है अर्जाचका हिकदर।

2 कोरिन्‍थ 12:14

अक्‍कु ऎन तिसर खेप निम्‍हा गुसन बर'आ गे सपड़ारकादन, अरा निमा गे ऎन बॊझा मल मनोन, एन्‍देरगेका ऎन निम्‍है खुर्जिन मला निमन बेद्ददन। ख़द्द-ख़र्रर तम्है अयंग-बंगर गे खुर्जी ख़ॊंड़ना ही चाड़ मलकी, लिकिन अयंग-बंगर दिम तम्‍है ख़द्द-ख़र्रर गे बेंदना र'ई।

2 कोरिन्‍थ 4:15

इबड़ा उर्मी निमा दौ गे दिम र'ई। अरा एकासे धर्मेसी मया बग्गे ती बग्गे आलर नू अंड़सत'ई, अन्नेम धर्मेसी महबा गे धन्‍यवाद ही गोहरारना हूँ बग्‍गे मन्नुम क'ओ।

2 कोरिन्‍थ 4:5

एन्‍देरगेका ऎम एमानिम तेंगा मल कुद्दम, लिकिन येसु मसीसिन उर्बस अरा एमन गा येसुस चड्डे निम्‍है जॊंख़ एन्ने तेंगा कुद्दम।

गलातिया 5:1

नाम छछिन्‍द र'अदत अदगे मसीस नमन छछिन्‍द नंजस। औंगे नमा बड़ियर मनरकी र'अना र'ई। फेन नॆग नू जॊंख़ मना गे अमा पुन्‍द्र'आ।

गलातिया 5:13

भईरो, नीम नाड़र'आ गे मॆख़्रकादर एन्ने अम्‍बो मना का ईद मॆद ही नलख गे मोका मनो। लिकिन चोन्‍हा ती ओर्त ओर्त गे सुसर नन्नर नेकअन।

1 तीमोथियुस 4:16

निंग्‍है उज्‍जना अरा सिखाब'अना नू चिहुंक र'आ। एन्ने नीन नन्‍ते र'ओय होले निंगन अरा निंग्‍है कत्‍थन मिनू आलारिन हूँ नाड़ना ही ओदहा मनोय।

2 तीमोथियुस 2:10

ख़ने ऎन चज्जरका आलर गे दौ ही चड्डे उर्मी दुक्‍खेन सारदन। होले अबड़र हों मसी येसुस नू पत्त'ओर ती नाड़नन जनमजुग ही महबा गने ख़क्‍खनर नेक‍अन।

1 पतरस 3:1

अन्नेम अना मुक्‍कारो! नीम हूँ तम्है तम्‍है मॆतर ही आकुस नू र'आ। होले आर ती नेकईम धर्मेसी कत्थन मल पत्त'उर र'अना ती हूँ, नीम आर गे धर्मेसी पत्त नू तेंगना ती मला लिकिन नीम निम्है दौ उज्‍जना ओक्‍कना ती आरिन धर्मेस तरा किर्रत'आ ओंगोर दने।