1 कोरिन्‍थ 9:18 - पुना गच्छरना NT (BSI)

¹⁸ अन्ने होले एंगा एन्‍देर इनाम ख़क्‍ख्र'ओ? ऎन एंगा अदिया आबोन मल ख़क्‍खरकी नॆखा ती हूँ एन्‍द्रन हूँ मल ख़क्‍खना ही असरा ती दौ कत्‍थन सिथियम तेंगना ती ख़क्‍ख्रना जिया सान्ति दिम एंगा इनाम हिके।

1 कोरिन्‍थ 9:18 ပူးပေါင်းရင်းမြစ်များ

यॊहनस 4:36

एकासे ख़ुयू आलस तंग्है भूतिन ख़क्‍खदस ती खेतिन सकल'अदस, अन्नेम धर्मेसी नलख ननुस जनमजुग उज्‍जना गे आलारिन सकल'अदस। औंगे चाँख़'उस अरा ख़ुयुस संगे मेस्र'ओर ती खुसमार'ओर।

त‍इरकर 18:3

एन्‍देरगेका आर हूँ तंग्‍है लेक्‍खा कुम्‍बा कमना ही नलख ननू आलर रहचर। ख़ने आस आर ही गने नलख नना लगियस ती र'आ लगियस।

रोमी 14:15

नीन निंग्‍है भ‍ई महले बहिन आबोन निंग्‍है ओन्ना-मॊख़ना ती हेन्‍दवारदय होले नीन चोन्‍हा ही डहरे नू मानिम गने मल ऎकदय। नीन निंग्‍है ओन्ना-मॊख़ना चड्डे आसी पत्त'अनन अमा नठाब'आ एकदन आस मलदौ सोचदस। एन्‍देरगेका मसीस आस गे हूँ केच्‍चस।

1 कोरिन्‍थ 10:33

अन्ने ऎन हूँ ऎन नन्‍दन अबड़ा उर्मी ती ओर्मारिन रिझ्रत'आ गे चिहुट नन्‍दन। अरा ऎन एंग्‍है दौन मल बेद्ददन, लिकिन बग्‍गेर ही दौन बेद्ददन, होले आर नाड़र'आ ओंग्‍नर।

1 कोरिन्‍थ 3:8

इद'उस अरा अम्म टेड़'उस इरबर ही मूल्‍ली ओन्‍टा दिम र'ई। आर ओर्त ओर्त तंग्‍‍हा तंग्‍हा अर्ज'अना लेक्‍खा बनी ख़क्‍खोर।

1 कोरिन्‍थ 7:31

अरा नॆ ई ख़ॆख़ेलन ता जिनिसन ब‍उरारनर, आर अबड़ा ही गने बग्‍गे पत्तार'ऊ मल मन्ना र'ई। एन्‍देरगेका ई ख़ॆख़ेल बग्गे उल्ला गूटी मल र'ओ।

1 कोरिन्‍थ 8:9

लिकिन नीम चिहुंक र'आ का, निम्‍है छछिन्‍द पत्त'अना नू पयहा आलारिन पाप नू अम्‍बोर खत्रत'आ।

1 कोरिन्‍थ 9:12

निम्है नू दौ कत्‍था तिंका नन्‍नर गे निम्‍है नू ती जोक्‍क ख़क्‍खा गे अदिया र'ई होले, एमा गे हूँ अदही ती बग्‍गे अदिया र'ई। लिकिन ई अदियन ऎम आलर नू मल लच्‍चकम। ऊजी नू मसीसी दौ कत्‍था गे बधा मल मना गे ऎम उर्मी खिलपत आबोन सारदम।

1 कोरिन्‍थ 9:15

अन्नु हूँ ऎन इबड़ा अदिया आबोन कहियों मल ब‍उराचकन। अउर हूँ एन्ने लेक्‍खा कत्‍थन नीम एंगा गे ननोर एन्ने असरा ती इदन मल लिखदन। सिथियम दौ कत्‍था तेंगना ही एंगा ई फुल‍ई नन्नन नीकईम अम्‍बत'अना ती एंगा खे'अना दौ र'ई।

1 कोरिन्‍थ 9:17

ऎन इदन एंग्‍है मने ती नन्‍दन होले, एंगा गे इनाम ख़क्‍ख्र'ओ। लिकिन ऎन एंग्‍है मने ती मल नन्‍दन होले हूँ, एंगा चीरकी र'ई आ नलखन दिम ऎन नन्‍दन।

2 कोरिन्‍थ 4:5

एन्‍देरगेका ऎम एमानिम तेंगा मल कुद्दम, लिकिन येसु मसीसिन उर्बस अरा एमन गा येसुस चड्डे निम्‍है जॊंख़ एन्ने तेंगा कुद्दम।

1 थेस्‍सलोनिकॆयर 2:6

अरा ऎम आलर ती म‍ईन मल बेद्दा लिक्‍कम, निम्‍है ती मला महले नेख'अम नन्नर ती हूँ मला।