1 कोरिन्‍थ 9:17 - पुना गच्छरना NT (BSI)

¹⁷ ऎन इदन एंग्‍है मने ती नन्‍दन होले, एंगा गे इनाम ख़क्‍ख्र'ओ। लिकिन ऎन एंग्‍है मने ती मल नन्‍दन होले हूँ, एंगा चीरकी र'ई आ नलखन दिम ऎन नन्‍दन।

1 कोरिन्‍थ 9:17 ပူးပေါင်းရင်းမြစ်များ

मत्तायोस 10:41

एकास धर्मेसी कत्‍था तिंगुसिन धर्मेसी कत्‍था तिंगुस ब'अरकी आसिन इंझ्रदस, आस धर्मेसी कत्था तिंगुर ही लेक्‍खा मूल्‍लीन ख़क्‍खोस। अरा एकास उजगो आलासिन उजगो आलस ब'अरकी आसिन इंझ्रदस आस उजगो आलस लेक्‍खा मूल्‍लीन ख़क्‍खोस।

मत्तायोस 24:25

ऎरा, ऎन मन्ना उर्मी कत्‍थन निमन मुन्‍द तिम तेंगालदन।

लू‍कस 12:42

ख़ने उर्बस बाचस, “नॆ लूरगर अरा असरा जॊगे जॊंख़स र'‍‍अदस। उर्बस आसिन नन्ना जॊंख़र गे ठौका बेड़ा नू तम्‍है ओन्नन मॊख़नन चि'आ गे असरा नन्‍दस, फिन आस डहरे ऎका गे कादस।

यॊहनस 4:36

एकासे ख़ुयू आलस तंग्है भूतिन ख़क्‍खदस ती खेतिन सकल'अदस, अन्नेम धर्मेसी नलख ननुस जनमजुग उज्‍जना गे आलारिन सकल'अदस। औंगे चाँख़'उस अरा ख़ुयुस संगे मेस्र'ओर ती खुसमार'ओर।

1 कोरिन्‍थ 3:14

आसी नंजका नलख ठिमठिम ने इज्‍जकी र'ओ होले, आ कम'उस इनाम ख़क्‍खोस।

1 कोरिन्‍थ 3:8

इद'उस अरा अम्म टेड़'उस इरबर ही मूल्‍ली ओन्‍टा दिम र'ई। आर ओर्त ओर्त तंग्‍‍हा तंग्‍हा अर्ज'अना लेक्‍खा बनी ख़क्‍खोर।

1 कोरिन्‍थ 4:1

आलर एमन मसीसी जॊंख़ अरा धर्मेसी गम ही कत्‍था गुट्ठिन बुझ्रत'अना ही नलखन ख़क्ख्रका आलर अख़नर नेकअन।

1 कोरिन्‍थ 9:16

अन्नु हूँ ऎन दौ कत्‍था तेंगदन होले, इदगे एंगा फुलई मना गे अड्डा मल्‍ली, एन्‍देरगेका ऎन इदन नना गे धर्मेस एंगन बड़पेलहा नंजस। ऎन दौ कत्‍था मल तेंगोन होले एंगा गे ओहरे।

1 कोरिन्‍थ 9:18

अन्ने होले एंगा एन्‍देर इनाम ख़क्‍ख्र'ओ? ऎन एंगा अदिया आबोन मल ख़क्‍खरकी नॆखा ती हूँ एन्‍द्रन हूँ मल ख़क्‍खना ही असरा ती दौ कत्‍थन सिथियम तेंगना ती ख़क्‍ख्रना जिया सान्ति दिम एंगा इनाम हिके।

2 कोरिन्‍थ 8:12

अन्ति ओर्तस गे दान चि'आ गे अंगिय'अना र'ई होले, तंग्है औसान लेक्‍खा इन्‍द्रिइमन हूँ चीतारदस, धर्मेस अदिन इंझ्रदस। नॆख'आ तिम हूँ एन्ने असरा मल नन्तार'ई का आस अपन औसान ती बग्‍गे चि'ओस।

गलातिया 2:7

आर मनचर एकासे का धर्मेस यहूदीर ही मझी नू दौ कत्‍थन तेंगा गे पतरसिन तइय्काचस। अन्नेम एंगन हूँ नन-यहूदीर मझी नू दौ कत्‍थन तेंगा गे धर्मेस तइय्‍कादस।

कोलोस्से 1:25

निमा गे धर्मेसी कत्थन उर्मी तरा तेंगा गे धर्मेसी चिताबुता ही लेक्‍खा ऎन सुसर ननू मंजकन।

1 थेस्‍सलोनिकॆयर 2:4

लिकिन एकासे धर्मेस एमन दौ कत्‍था तेंगना जॊगे कमचस, ऎम अन्नेम तेंगदम। अरा इत्रु आलारिन मला एम्‍है जियन बिढ़दस आ धर्मसिन पत्तारदम।

फिलॆमॊन 1:14

लिकिन ऎन निंग्‍है बिगर मने एन्‍देर हूँ नना मल बिद्दकन का नीन नन्ना इन्द्रिइम संगरा हूँ निंग्है सौंसे जिया ती रिझ ती नन्ना र'ई, एंगा बड़पेलहा ती अदन मल नन्ना र'ई।