1 कोरिन्‍थ 9:11 - पुना गच्छरना NT (BSI)

¹¹ ऎम निम्‍है मझी नू बॊलता ही बिहनी लेक्खा दौ कत्थन चाँख़कम, अन्ने होले एमा गे अदिया र'ई का ऎम निमा ती एमा उज्‍जा बिज्‍जा गे जोक्‍क जिनसन ख़ोयोम।

1 कोरिन्‍थ 9:11 ပူးပေါင်းရင်းမြစ်များ

मत्तायोस 10:10

अरा झोला महले ऎंड़ किचरी महले जुता गुट्ठी महले सोट्टा अमके हो'आ। इदगे का बनीहार गे तंग्‍है ओन्ना-मॊख़ना ख़क्ख्रना र'ई।

रोमी 15:27

आर इदिन नना गे रिझ्रर, अरा आर इदिन नना गे मानिम नू आर ही नहड़ा हूँ र'अनर। एन्‍देरगेका नन-यहूदीर यहूदीर ही बॊलता बरकत गुट्ठिन खटरर, होले आर गे तम्‍है ढिबा खुरजी गुट्ठी ती यहूदीर गे सहाड़ा नन्ना र'ई।

1 कोरिन्‍थ 9:14

ई लेक्‍खम उर्बस आनकादस का, दौ कत्‍था तेंगा कुद्दुर आर ही उज्‍जना बिज्‍जना ही चाड़न अत्रुतिम ख़क्‍खना र'ई।

2 कोरिन्‍थ 11:15

औंगे अदही जॊंख़र हूँ उजगो ही जॊंख़र लेक्‍खा भॆंस नन्ना कोहाँ कत्था मल्ला। लिकिन एकासे आर ही नलख र'ई अन्नेम आर ही मुंज्रना र'ओ।

गलातिया 6:6

अरा नॆ धर्मेसी कत्‍थन सिख्रदस आस तंग्‍है खुर्जी ही जोक्‍क हींस गुरुर गे चि'अदस नेकअन।

फिलिप्‍पी 4:17

ईद एन्ने मला का ऎन निम्है ती इनाम बेद्ददन, लिकिन ऎन इदन बेद्ददन का निम्है खता नू निम्है दौ नलख ही ख़ंजपा बग्गे बॆन्दनुम क'ओ।