1 कोरिन्‍थ 8:9 - पुना गच्छरना NT (BSI)

⁹ लिकिन नीम चिहुंक र'आ का, निम्‍है छछिन्‍द पत्त'अना नू पयहा आलारिन पाप नू अम्‍बोर खत्रत'आ।

1 कोरिन्‍थ 8:9 ပူးပေါင်းရင်းမြစ်များ

मत्तायोस 18:10

चिहुंक र'आ का नीम इबड़ा सन्नी मधेर ती नॆकन हूँ अमके ख़ाँड़'आ। एन्‍देरगेका ऎन निमन मानिम ब'अदन का मेर्ख़ा नू आर ही पैकर एंग्‍है मेर्ख़ा ता बंगस गने सगरो र'‍अनर। [

रोमी 15:1

औंगे पत्त'अना नू बड़ियर र'अदत नाम नम्‍है नू लेका रिझ्ररना मलकी। लिकिन एका ओर्तर ई लेक्‍खा पयहा र'अनर आर ही पयहा नू नमा सहना र'ई।

1 कोरिन्‍थ 10:24

ओर्तोस तंग्‍है दौ आबोन लेका अमा ऎरा, नन्‍नर ही दौ आबोन हूँ ऎरा।

1 कोरिन्‍थ 10:28

लिकिन नीकईम निमन ईद मूर्ती गुट्ठी गे दाँड़े अरगका एन्ने तेंगदस होले, नीम अदिन अमके मॊख़ा। इदिन तिंका आलस चड्डे अरा आसी लखना अदही पत्त नू बिड़दो इन्द्रिइम ब'अना ही चड्डे अदिन अमके मॊख़ा।

1 कोरिन्‍थ 10:29

एंग्‍है ब'अना निम्‍है लखना ही पत्त नू मला, लिकिन नन्‍नासी लखना ही पत्त नू र'ई। एन्‍देरगेका एंग्‍है छछिन्‍द नन्‍नासी लखना ती एन्‍देरगे पारिख नन्‍तार'ओ?

1 कोरिन्‍थ 10:32

नीम यहूदीर गे महले नन-यहूदीर गे महले धर्मेसी कलीसिया गे नेख'अम हूँ पाप नू खत्रना ही चड्डे अमा मना।

1 कोरिन्‍थ 8:10

एकासे का एन्ने लूर र'ऊ आलर नीम मूर्ती ही मन्‍दिर नू ओना गे ओक्‍कनन लखना नू पयहा र'ऊ आलस ऎरदस होले, आस हूँ मूर्ती गुट्ठी गे दाँड़े अरगका ओन्ना-मॊख़नन मॊख़ा गे डिढ मनोस।

1 कोरिन्‍थ 8:12

ई लेक्‍खा निम्‍है भईसी बिड़दो नू पाप नन्‍ना ती इदही पत्त नू फरी मलका आसी लखनन नुंजत'अना ती नीम मसीसी बिड़दो पाप नन्‍दर।

1 कोरिन्‍थ 9:22

पयहर गे ऎन पयहा मंजकन का पयहारिन मसीस गुसन ओन्‍द्र'ओन। एकअम अन्ने ती जोक्‍क आलारिन नाड़रा गे ऎन ओर्मर गे ओर्मर लेक्‍खा मंजकन।

2 कोरिन्‍थ 11:21

ऎन लज्‍जे मॊख़्रदन ती इदन ब'अदन का ऎम गा इबड़न नना गे सवंग मलका नू रहचकम। अन्नु हूँ नीकईम एका पत्त नू फुलई मना गे डिढ नन्नर होले, अन्नेम ऎन हूँ फुलई मना गे डिढ मनोन। ऎन ओन्टा बोया बेसे इदिन हूँ ब'अदन।

2 कोरिन्‍थ 11:29

नन्नर पयहा र'अनर ख़ने, ऎन हूँ पयहा र'अदन। नन्नर पाप नू मूड़नर ख़ने, एंग्‍हा जिया कैर ती ऊली।

2 कोरिन्‍थ 6:3

ऎम नॆख'आ डहरे नू हूँ छेंका मना मल बेद्ददम का, एम्‍हा सुसर'अना नलख नू बदी अम्बो मना।

गलातिया 5:13

भईरो, नीम नाड़र'आ गे मॆख़्रकादर एन्ने अम्‍बो मना का ईद मॆद ही नलख गे मोका मनो। लिकिन चोन्‍हा ती ओर्त ओर्त गे सुसर नन्नर नेकअन।

कोलोस्से 2:8

चिहुंक र'आ का नीकईम निमन अनभनियाँ अरा ठगना तत्व लूर ती अम्‍बोर फफड़'आ हो'आ, एकदा पुरखौती अरा ख़ॆख़ेल ता बॊलता गुट्ठी ही सवंग ता सिखाब'अना लेक्‍खा गा र'ई, लिकिन मसीसी लेक्‍खा मलकी।

1 पतरस 2:16

नीम छछिन्‍द आलर लेक्‍खा उज्जा। लिकिन नीम गा धर्मेसी बिट्ठी ननू जॊंख़ र'अदर, औंगे निम्है छछिन्द आबोन मलदौ नना गे अमा बउर'आ।

2 पतरस 2:19

ईर आर गे ओन्टा छछिन्द उज्जनन गच्छरनर, लिकिन तामिम सोतबोड़'आ उज्जना गे जॊंख़ र'अनर। एन्देरगेका एकास एका मलदौ ती पोलदस चाड़ा, आस अदही जॊंख मनदस कादस।

दहदर मंजका कत्‍था 2:14

अन्नु हूँ एंगा गे निंग्हा बिड़दो नू जोक्क कत्था र'ई। निम्‍है नू बालामसी सिखाब'अनन मन'ऊ जोक्क आलर र'अनर। ई बालामस दिम बालाक बॆलासिन इस्राऎल आलारिन मूड़त'आ गे सलहा चिच्‍चस का, आर मूर्ती गुट्ठी गे दाँड़े अरगका ओन्ना-मॊख़नन मॊख़ोर अरा पेहरन ही सोतरा नलखन ननोर।