1 कोरिन्‍थ 8:8 - पुना गच्छरना NT (BSI)

⁸ ओन्ना-मॊख़ना नमन धर्मेस गुसन मल अड़सत'ई। नाम इदन मल ओनोत होले हूँ, नमा गे एन्‍द्रा हूँ जुक्‍की मल मनो, अरा अदन ओनोत होले हूँ, नमा गे कोड़हे बॆस मल मनी।

1 कोरिन्‍थ 8:8 ပူးပေါင်းရင်းမြစ်များ

मत्तायोस 25:15

आस ओर्मर गे तम्‍है सवंग ही लेक्‍खा चिच्‍चस, ओर्तोस गे पाँच थइला सोना ढिबा चिच्‍चस, नन्‍नस गे ऎंड़ थइला सोना ढिबा, अरा तिसरस गे ओन थइला सोना ढिबा चिच्‍चस ती आस नन्‍ना राजी किर्रिम बिच्चियस।

रोमी 14:17

एन्‍देरगेका धर्मेसी राजी ओन्ना-मॊख़ना ही पत्त ता मला, लिकिन ईद नेम्‍हा बॊलतस नू उजगो मन्ना अरा कोड़े अरा रिझ्रना ही पत्त नू र'ई।

1 कोरिन्‍थ 6:13

“ओन्ना-मॊख़ना कूल गे, अरा कूल ओन्ना-मॊख़ना गे हवे” एन्ने हूँ नीम ब'आ ओंग्दर। लिकिन धर्मेस एंड़ानिम उन्‍दुल नाठाब'ओस। लिकिन मॆद गा पेहरन ही सोतरा नलख गे मला, आद उर्बस गे दिम हवे। अरा उर्बस हूँ नम्‍है मॆद म‍इय्याँ तिहा ननू र'अदस।

इब्रानी 13:9

कैनो रकम ही नन्ना नन्ना सिखाब'अना ती अमा बेहड़ार'आ। अरा चाल ही ओन्ना-मॊख़ना गुट्ठी ती मला धर्मेसी मया ती नम्‍है जिया बड़ियर मन्ना बॆस हवे। ई चाल ही ओन्ना-मॊख़ना गुट्ठिन मूख़ू आलर गे अबड़ा ती एन्‍द्रा हूँ फयदा मल्‍ला।