1 कोरिन्‍थ 8:6 - पुना गच्छरना NT (BSI)

⁶ अन्नु हूँ नमा गे ओन्‍टे लेका धर्मे बंगस र'अस, आस तिम उर्मी गढ़रा, अरा आस गेम नाम उज्‍जा लगदत। अरा नमा गे ओन्‍टे लेका उर्बस र'अस, आस दिम येसु मसीस, आस तरतिम उर्मी गढ़रा, अरा आस तरतिम नाम उज्‍जा लगदत।

1 कोरिन्‍थ 8:6 ပူးပေါင်းရင်းမြစ်များ

मत्तायोस 11:27

एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।

मत्तायोस 28:18

तहाँ येसुस आर ही हेद्दे बरचस ती बाचस, “मेर्ख़ा अरा ख़ॆख़ेल नू उर्मी अदिया एंगा चीरकी र'ई।

यॊहनस 1:10

आस ख़ॆख़ेल नू रहचस। अरा ख़ॆख़ेल आस तिम गढ़रा, अन्नु हूँ ख़ॆख़ेल आसिन मल चिन्‍हचा।

यॊहनस 1:3

उर्मी आलॊ आसी तिम गढ़रा, अरा गढ़्रका ती ओन्‍टा हूँ आसी बिगर मल्‍ला गढ़्रका।

यॊहनस 10:30

ऎन दरा बंगस ओन्‍टे दिम हिकदम।”

यॊहनस 13:13

नीम एंगन ‘गुरु’ अरा ‘उर्बय’ एन्ने मॆख़दर, अरा एन्ने निम्‍है मॆख़ना ठ‍उकम हिके, एन्‍देरगेका ऎन आसिम हिकदन।

यॊहनस 14:20

इकला ऎन उज्‍जा चो'ओन, आ उल्‍लम नीम अख़'ओर का ऎन एम्‍बस नू र'अदन, अरा नीम एंग्‍है र'अदर, अरा ऎन निम्‍है नू र'अदन।

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

यॊहनस 20:17

येसुस अदिन बाचस, “एंगन अमय ऎसड़'अय, ऎन अक्‍कु गूटी बंगस गुसन मइय्याँ मल अरगकन। लिकिन कलय ती एंग्‍है भइय्योरिन तेंगय, ऎन एंग्‍है बंगस निम्‍है बंगस अरा एंग्‍है धर्मेस निम्‍है धर्मेस गुसन मइय्याँ अरगदन कालदन।”

त‍इरकर 17:28

एन्‍देरगेका नाम आसी नू उज्‍जदत अरा कुद्दत नुंगदत अरा बड़ियर र'अदत। एकासे का निम्‍है जोक्‍क डंडी लिख'उर बाचकानर, ‘ऎम गा आसी ख़द्दम हिकदम।’

त‍इरकर 2:36

औंगे इस्राऎल ही ओर्मा आलर इदन मानिम गने अख़'आ हो'आ का नीम क्रुस नू ठोकचका ई येसुसिन धर्मेस उर्बस हूँ अरा मसीस हूँ कमचस।”

त‍इरकर 5:31

धर्मेस दिम आसिन उर्बस अरा बछाब'ऊ नंजस ती तंग्‍है तीना चोक्‍ख म‍ईन ही अड्डन चिच्‍चस, एकत्रु का आस इस्राऎल आलर गे जिया किर्त'अना अरा पाप छमा चि'ओस।

रोमी 11:36

एन्‍देरगेका उर्मी दिम धर्मेस तरती दिम बरचा। अरा उर्मी आसी तिम अरा आस गेम र'ई। आस गे महबा जनमजुग मनत र'अन नेकअन। आमेन।

1 कोरिन्‍थ 1:2

कोरिन्‍थ नगरे नू मसी येसुस नू नेम्‍हा मन्तारका अरा नेम्‍हा मना गे मॆख़्रका धर्मेसी कलीसिया गे अरा नमा अरा आर ही उर्बस नम्‍है येसु मसीसी नामेन उर्मी अड्डा नू ऒड़ ननू ओर्मर गे ऎम लिखदम।

1 कोरिन्‍थ 12:3

औंगे ऎन निमन तेंगदन का, एका आलस हूँ धर्मेसी बॊलतस ती ब'अदस, आस एन्ने मल ब'अदस का, “येसुस सर्पारदस।” अरा एका आलस हूँ नेम्‍हा बॊलतस ती बिगर तेंगना ही एन्ने ब'आ पोलदस का, “येसुस दिम उर्बस हिकदस।”

1 कोरिन्‍थ 6:13

“ओन्ना-मॊख़ना कूल गे, अरा कूल ओन्ना-मॊख़ना गे हवे” एन्ने हूँ नीम ब'आ ओंग्दर। लिकिन धर्मेस एंड़ानिम उन्‍दुल नाठाब'ओस। लिकिन मॆद गा पेहरन ही सोतरा नलख गे मला, आद उर्बस गे दिम हवे। अरा उर्बस हूँ नम्‍है मॆद म‍इय्याँ तिहा ननू र'अदस।

1 कोरिन्‍थ 8:4

मूर्ती गुट्ठी गे दाँड़े अरगका ओन्ना-मॊख़नन मॊख़ना ही पत्त नू नाम अख़दत का मूर्ती ख़ॆख़ेल नू एन्‍देर आलॊ हूँ मल्‍ली अरा धर्मेस ओर्तोसिन अम्‍बरकी नन्‍ना नॆ हूँ धर्मे मल्‍दस।

इफेसुस 1:3

धर्मेस गे अरा नम्‍है उर्बस येसु मसीसी बंगस गे ओहमा मनन नेकअन। आस नमन मेर्ख़ा अड्डा गुट्ठी ती बरना बॊलता ही उर्मी आसीस गुट्ठी ती मसीस नू आसीस नंजकादस।

इफेसुस 3:14

ऎन धर्मेसी लूरन अरा चिताबुतन सोचदन ख़ने, मेर्ख़ा अरा ख़ॆख़ेल नू र'ऊ उर्मी एड़पातारिन गढ़चका बंगासी मुन्दहारे मूकलिदिरदन।

कोलोस्से 1:6

निम्है नू अंड़सका ई दौ कत्था दिम ख़ॆख़ेल नू उर्मी अड्डा नू बींड़रनुम काला लगी। अरा धर्मेसी कोड़हे मया ही मानिम ही पत्त नू नीम मेंजर ती बुझुरका आ पहिल उल्ला ती एकासे ई दौ कत्था निम्है उज्जनन बदल'अरकी निम्है नू ख़ंजपा ची'ई, अन्नेम ई दौ कत्था उर्मी ख़ॆख़ेल नू आलर ही उज्जनन बदल'अरकी ख़ंजपा चि'ई।

1 पतरस 1:21

आस ती दिम नीम अक्‍कु धर्मेसिन पत्त'अदर। धर्मेस दिम आसिन केचका ती उज्जताचस ती आस गे महबा चिच्चस। औंगे निम्‍है पत्त'अना अरा असरा धर्मेस मइय्याँ र'ई।

दहदर मंजका कत्‍था 1:18

अरा ऎन उज्‍जू र'अदन। ऎन केचका केरकन, लिकिन ऎरा, ऎन हुल्‍लो ती हुल्‍लो गूटी उज्‍जू र'अदन। अरा खे'अना अरा नरक गड्डी ही कुची गुट्ठी एंग्‍है गुसन र'ई।