13 औंगे ऎन एन्द्रन ओन्दन-मॊख़दन, आद एंग्है पत्त'ऊ भईसिन पाप नन्त'आ गे ननी होले, ऎन एंग्है पत्त'ऊ भईसिन पाप नू मल खत्रत'आ गे अहड़ा कभो मल मॊख़ोन।
अन्नु हूँ इदगेका नाम आरिन अम्बोत मूड़त'आ। औंगे नीन समुदर नू कला ती गरी बॆचा। अरा एका इंजो मुन्द बझर'ओ अदिन हो'आ। अदही बइय्यन चलख़'आ, निंगा ओन्टा ढिबा ख़क्ख्र'ओ। अदिनिम हो'आ ती एंग्हा अरा निंगा गे चि'अके उइय्के।”
लिकिन नाम आर गे लिख'ओत का आर मूर्ती गुट्ठी गे अरगका ओन्ना-मॊख़ना अरा उर्मी रकम ही पेहरन ही सोतरा नलख ती अरा घोंघन पॆदख़का मेक्खो गुट्ठी ही अहड़ा अरा ख़ॆंस ती तरकूटी र'ओर।
औंगे नाम अपन ती नन्नर नू बदी मल ठेकाब'अना र'ई। ऊजी नू नीम फरिय'आ का निम्है भईसिन आसी डहरे नू मूड़ना पखना अम्बोर मना महले आसिन मूड़ना ही चड्डे अम्बोर मना।
अहड़ा मॊख़ना महले अरखी झरा ओन्ना महले नन्ना इन्द्रिइम नन्ना निंग्है भई महले बहिन आबोन पाप नू मूड़त'ई होले अदिन अमके नना।
नीम यहूदीर गे महले नन-यहूदीर गे महले धर्मेसी कलीसिया गे नेख'अम हूँ पाप नू खत्रना ही चड्डे अमा मना।
अन्ने ऎन हूँ ऎन नन्दन अबड़ा उर्मी ती ओर्मारिन रिझ्रत'आ गे चिहुट नन्दन। अरा ऎन एंग्है दौन मल बेद्ददन, लिकिन बग्गेर ही दौन बेद्ददन, होले आर नाड़र'आ ओंग्नर।
चोन्हा मल सोभना कत्था मल ननी, अरा आद तंगा दौ गे मल बिद्दी, अरा आद मल बरमार'ई, अरा आद नन्नर तंगा गे नंजका मलदौ ही लेखा मल उइय्यी।
“जम्मन नना गे एंगा बधा मलकी” एन्ने नीम ब'आ ओंग्दर। लिकिन उर्मी गा दौ मलकी। जम्मन नना गे एंगा बधा मलकी, लिकिन ऎन एकअम जिनिस ही जॊंख़ मल मंज ख़च्चोन।
निम्है नू दौ कत्था तिंका नन्नर गे निम्है नू ती जोक्क ख़क्खा गे अदिया र'ई होले, एमा गे हूँ अदही ती बग्गे अदिया र'ई। लिकिन ई अदियन ऎम आलर नू मल लच्चकम। ऊजी नू मसीसी दौ कत्था गे बधा मल मना गे ऎम उर्मी खिलपत आबोन सारदम।
नन्नर पयहा र'अनर ख़ने, ऎन हूँ पयहा र'अदन। नन्नर पाप नू मूड़नर ख़ने, एंग्हा जिया कैर ती ऊली।
ऎम नॆख'आ डहरे नू हूँ छेंका मना मल बेद्ददम का, एम्हा सुसर'अना नलख नू बदी अम्बो मना।