1 कोरिन्‍थ 8:10 - पुना गच्छरना NT (BSI)

¹⁰ एकासे का एन्ने लूर र'ऊ आलर नीम मूर्ती ही मन्‍दिर नू ओना गे ओक्‍कनन लखना नू पयहा र'ऊ आलस ऎरदस होले, आस हूँ मूर्ती गुट्ठी गे दाँड़े अरगका ओन्ना-मॊख़नन मॊख़ा गे डिढ मनोस।

1 कोरिन्‍थ 8:10 ပူးပေါင်းရင်းမြစ်များ

त‍इरकर 15:20

लिकिन नाम आर गे लिख'ओत का आर मूर्ती गुट्ठी गे अरगका ओन्ना-मॊख़ना अरा उर्मी रकम ही पेहरन ही सोतरा नलख ती अरा घोंघन पॆदख़का मेक्‍खो गुट्ठी ही अहड़ा अरा ख़ॆंस ती तरकूटी र'ओर।

रोमी 14:14

ऎन उर्बस मसीस नू र'अना चड्डे, ऎन मानिम अख़दन का उर्मी ओन्ना-मॊख़ना तमा नू सोतबोड़'आ मलकी। लिकिन एकास एकअम ओन्ना-मॊख़नन सोतबोड़'आ पत्त'अदस होले आद आस गे सोतबोड़'आ दिम र'ई।

रोमी 14:23

लिकिन एकास एका ओन्ना-मॊख़नन ठुकठुकी मनदस ती ओन्दस मॊख़दस होले आस तान तंग्‍गानिम बदी ठेकाब'अदस। एन्‍देरगेका आस अदिन बॆस मल पत्ताचस। अरा इन्द्रिइम ईद दौ एन्ने मल पत्त'अना ती नन्नर होले आद पाप हवे।

1 कोरिन्‍थ 10:32

नीम यहूदीर गे महले नन-यहूदीर गे महले धर्मेसी कलीसिया गे नेख'अम हूँ पाप नू खत्रना ही चड्डे अमा मना।

1 कोरिन्‍थ 8:4

मूर्ती गुट्ठी गे दाँड़े अरगका ओन्ना-मॊख़नन मॊख़ना ही पत्त नू नाम अख़दत का मूर्ती ख़ॆख़ेल नू एन्‍देर आलॊ हूँ मल्‍ली अरा धर्मेस ओर्तोसिन अम्‍बरकी नन्‍ना नॆ हूँ धर्मे मल्‍दस।

1 कोरिन्‍थ 8:7

लिकिन उर्मी पत्त'ऊ आलर ई लूरन मल ख़क्‍खियर। जोक्‍क आलर अक्‍कु गूटी मूर्ती गुट्ठिन मानिम आलॊ एन्ने सोचनर। औंगे मूर्ती गुट्ठी गे दाँड़े अरगका ओन्ना-मॊख़नन मॊख़ना बारी, आद मूर्ती गुट्ठी गे दाँड़े अरगका ओन्ना-मॊख़ना एन्ने दिम सोचनर। अरा आर ही लखना इदही पत्त नू फरी मल र'अना चड्डे आद मड़ख़ी क'ई।

1 कोरिन्‍थ 8:9

लिकिन नीम चिहुंक र'आ का, निम्‍है छछिन्‍द पत्त'अना नू पयहा आलारिन पाप नू अम्‍बोर खत्रत'आ।