1 कोरिन्‍थ 7:34 - पुना गच्छरना NT (BSI)

³⁴ अरा आसी मने ऎंड़ भाग मनी। अन्नेम मल बेंज्रका आली महले डिंडा कुक्‍के तंग्‍है मॆद‍ अरा बॊलता दुयो नू नेम्‍हा मना गे उर्बासी पत्त ता कत्था नू लेका फिकिर ननी। लिकिन बेंज्रका आली तंग्‍है मॆतासिन एकासे रिझाब'ओन ब'अरकी आद ई ख़ॆख़ेल ता कत्‍था नू फिकिर ननी।

1 कोरिन्‍थ 7:34 ပူးပေါင်းရင်းမြစ်များ

यॊहनस 10:13

आस बनियहार आलस र'अना ती अरा भेंडो ही पत्त नू फिकिर मल र'अना ती बोंगदस कादस।

रोमी 6:13

नीम निम्‍है मॆद ही अंग गुट्ठिन मलदौ ही कमहड़ मना गे पाप गे अमा थोप'आ। ऊजी नू निमन धर्मेस गे थोप'आ। एन्‍देरगेका नीम केच्चकर केरकर, लिकिन अक्‍कु निमा पुना उज्‍जना र'ई। औंगे निमा मॆद ही अंग गुट्ठिन दौ नन्ना कमहड़ बेसे धर्मेस गे बउर'आ।

1 कोरिन्‍थ 6:20

एन्‍देरगेका नीम कोड़हे दाम चि'अरकी ख़ॆन्‍द्रकादर। औंगे नीम निम्‍है मॆद ती धर्मेसी महबा नना।

1 कोरिन्‍थ 7:33

लिकिन बेंज्रका आलस तंग्‍है मुक्‍कन एकासे रिझाब'ओन ब'अरकी आस ई ख़ॆख़ेल ता कत्‍था नू फिकिर नन्‍दस।

1 कोरिन्‍थ 7:35

ऎन इदन निमन अड़झ'आ गे मल ब'अ‍दन, लिकिन नीम ओन्टा मन मंजका ती उर्बासी सुसर नू बोथ्रका र'आ गे निमा दौ गे दिम इदन ब'अदन।

2 कोरिन्‍थ 11:28

अरा इबड़ा उर्मी ती कोड़हे गा, उर्मी कलीसिया ही पत्त ता एंगा घोख एंगन उर्मी बेड़ा बयाबाचकी र'ई।

2 कोरिन्‍थ 8:16

ऎन निम्है मइय्याँ एका लेक्खा अंगिय'अना ती रहचकन, अन्नेम धर्मेस तीतुस गे आ अंगिय'अना आबोन चिच्का ती ऎन धर्मेसिन धन्‍यवाद नन्दन।

फिलिप्‍पी 1:20

एंगा कोड़हे पत्तारना अरा असरा ईद र'ई का, एंगा इन्द्रिइम नू हूँ लज्‍जे मॊख़्रना अम्‍बो मनो, लिकिन ऎन उज्‍जोन महले खे'ओन एंगा बड़ियर डिढ ती अक्कु अरा सगरो मसीस एंग्‍है मॆद ती महबा ख़क्‍खोस।

1 थेस्‍सलोनिकॆयर 5:23

अक्‍कु कोड़े चि'ऊ धर्मेस दिम निमन उर्मी तरा नेम्‍हा नन्‍दस नेक‍अन। अरा नम्‍है उर्बस येसु मसीसी किर्रना बेड़ा गूटी नम्‍है बॊलता अरा जिया अरा मॆद दौ गने अरा बिगर बदी ही र'अन नेक‍अन।

1 तीमोथियुस 3:5

ओन्‍टा आलस तंग्‍है एड़पा पली ही दिम कड़हाब'आ बलदस होले, आस धर्मेसी खोंड़हन एकासे कड़हाब'आ ओंगोस?

1 तीमोथियुस 5:5

एका रड़ियाही मानिम नू संगरा ही जॊगे र'ई अरा तान लेका र'ई, होले आद धर्मेस म‍इय्याँ असरा उइय्यी अरा उल्‍ला माख़ा ने'अना अरा गोहरारना नू बुथरकी र'ई।

तीतुस 3:8

इबड़ा कत्‍था गुट्ठी मानिम हिके। अरा ऎन बेद्ददन का आलर इबड़ा कत्‍था गुट्ठी ही पत्त नू बड़ियर लगे बुझ्रनर। होले एकार धर्मेसिन पत्त'अनर, आर दौ नलख नू ल‍इक्‍का र'आ गे चिहुंक ननोर। इबड़ा कत्‍था गुट्ठी बॆस अरा ओर्मर गे धार'ई।