1 कोरिन्‍थ 7:31 - पुना गच्छरना NT (BSI)

³¹ अरा नॆ ई ख़ॆख़ेलन ता जिनिसन ब‍उरारनर, आर अबड़ा ही गने बग्‍गे पत्तार'ऊ मल मन्ना र'ई। एन्‍देरगेका ई ख़ॆख़ेल बग्गे उल्ला गूटी मल र'ओ।

1 कोरिन्‍थ 7:31 ပူးပေါင်းရင်းမြစ်များ

लू‍कस 21:34

नीम चिहुंक ननके। ख़ॆख़ेल ता ओन्ना-मॊख़ना ही चिबाख़ारना अरा उंखना अरा ख़ॆख़ेल ही जिनिस ता फिकर ती निम्‍है जिया अम्‍बन बेहड़ार'आ का आ उल्‍ला निमा गे ‍अचका ही ‍अंड़सा ख़च्‍चो।

1 कोरिन्‍थ 7:29

लिकिन भईरो! ऎन निमन एन्‍देर ब'अदन का बेड़ा गा जुक्‍की र'ई। औंगे अक्‍कु ती नॆ बेंज्रकानर, आर मल्‍ला बेंज्रका लेक्‍खा उज्‍जनर नेकअन।

1 कोरिन्‍थ 7:30

अरा नॆ चींख़नर, आर मल चींख़ना लेक्‍खा र'अन नेकअन। अरा नॆ रिरयरनर, आर मल रिरयारना लेक्‍खा र'अन नेकअन। अरा नॆ एन्‍दरन ख़ीन्‍दू आलर र'अनर, आर आद तमा मल्‍ला बेसे र'अन नेकअन।

1 कोरिन्‍थ 9:18

अन्ने होले एंगा एन्‍देर इनाम ख़क्‍ख्र'ओ? ऎन एंगा अदिया आबोन मल ख़क्‍खरकी नॆखा ती हूँ एन्‍द्रन हूँ मल ख़क्‍खना ही असरा ती दौ कत्‍थन सिथियम तेंगना ती ख़क्‍ख्रना जिया सान्ति दिम एंगा इनाम हिके।

इब्रानी 12:27

“अउर ओंग्‍होन” ई कत्‍था इदन दहदर ननी का उर्मी गढ़चका आलॊ नुकतार'ओ क'ओ अरा गुछर'ओ क'ओ, औंगे नुकतार'आ पोलना आलॊ ठिमठिम ने र'ओ।

याकॊब 4:14

नीम इदन हूँ बलदर का नॆला निमा गे एन्‍देर मनो महले निम्है उज्जना नू एन्देर मनो। निम्है उज्जना गा पैरी ता कीबा लेक्खा र'ई, आद एगघड़ी ईथर'ई अरा ख़ॊख़ा आद उधियार'ई।

1 पतरस 1:24

एन्देरगेका नेम्हा पुथी एन्ने ब'ई का, “उर्मी आलर लट्टी लेक्‍खा र'अनर, अरा आर ही ओर्मा महबा लट्टी ही पूंप लेक्‍खा र'ई। लट्टी ख़ा'ई क'ई अरा पूंप निदगी क'ई।

1 पतरस 4:7

उर्मी कत्था गुट्ठी ही मुंज्रना हेद्दे अंड़सकी र'ई। औंगे नीम फरी जिया ती गोहरार'आ गे निमन सम्ड़ह'आ।

1 यॊहन 2:17

ख़ॆख़ेल अरा अदही चिबाख़ारना आबो मुंजुर'ओ क'ओ। लिकिन धर्मेसी मनेन ननुस गा जनमजुग गे बन्चका र'ओस।