1 कोरिन्‍थ 7:28 - पुना गच्छरना NT (BSI)

²⁸ लिकिन नीन बेंज्रदय होले, नीन पाप मल नन्‍दय, अरा डिंडा कुक्‍के बिंज्र'ई होले, आद पाप मल ननी। लिकिन एकार बेंज्रनर आर ई उज्‍जना नू बग्‍गे सस्‍ती मनोर। इबड़ा ती ऎन निमन ख़ापा बेद्ददन।

1 कोरिन्‍थ 7:28 ပူးပေါင်းရင်းမြစ်များ

मत्तायोस 5:32

लिकिन ऎन निमन ब'अदन का ‘नन्ना आलस गुसन काना पाप ती एकअम नन्ना पाप चड्डे एकास तंग्‍आलिन अम्‍बरनख्रना नन्‍दस, आस अदिन नन्ना आलस गुसन काना ही पाप नन्‍त'आदस, अरा एकास आ अम्‍बका आलिन बेंज्रदस आस हूँ नन्ना आली गुसन काना ही पाप नन्‍दस।’

1 कोरिन्‍थ 7:26

ऎन एन्ने सोचदन का इन्नेला ता कलपारना ही चड्डे आलस एकन्ने र'अदस अन्नेम र'अना दौ र'ई।

1 कोरिन्‍थ 7:27

नीन बेंज्रकादय होले, निंग्‍है मुक्‍कन अम्‍बा गे चिहुट अमके नना। अरा नीन मल्‍ला बेंज्रका होले, मुक्‍का बेद्दना ही चिहुट नू अमके र'आ।

1 कोरिन्‍थ 7:29

लिकिन भईरो! ऎन निमन एन्‍देर ब'अदन का बेड़ा गा जुक्‍की र'ई। औंगे अक्‍कु ती नॆ बेंज्रकानर, आर मल्‍ला बेंज्रका लेक्‍खा उज्‍जनर नेकअन।

2 कोरिन्‍थ 1:23

अक्‍कुन ऎन निमन चेताबचकन ती दुक्‍खे मल चि'आ गे दिम कोरिन्‍थ नगरे गे मल बरचकन। इदगे धर्मेस दिम एंगा गोवाह र'अदस।

इब्रानी 13:4

बेंजा ओर्मर ती म‍ईन जॊगे बुझुरना र'ई। मॆतस अरा मुक्‍का ओर्त ओर्त गने पत्त'अना जॊगे र'अना र'ई। एन्‍देरगेका धर्मेस नन्ना आली महले आल गुसन कालुर अरा भड़वा ही सोतरा नलख ननुरिन दंडे चि'ओस।