27 नीन बेंज्रकादय होले, निंग्है मुक्कन अम्बा गे चिहुट अमके नना। अरा नीन मल्ला बेंज्रका होले, मुक्का बेद्दना ही चिहुट नू अमके र'आ।
ओर्त ओर्त आलस एका लेक्खा धर्मेस ती मॆख़्रकादस आ लेक्खम ठिमठिम ने र'अदस नेकअन।
ऎन एन्ने सोचदन का इन्नेला ता कलपारना ही चड्डे आलस एकन्ने र'अदस अन्नेम र'अना दौ र'ई।
लिकिन नीन बेंज्रदय होले, नीन पाप मल नन्दय, अरा डिंडा कुक्के बिंज्र'ई होले, आद पाप मल ननी। लिकिन एकार बेंज्रनर आर ई उज्जना नू बग्गे सस्ती मनोर। इबड़ा ती ऎन निमन ख़ापा बेद्ददन।