1 कोरिन्‍थ 7:25 - पुना गच्छरना NT (BSI)

²⁵ अक्‍कु डिंडा कुक्‍केर ही पत्त नू एंगा उर्बस ती एन्‍देर पॆसका हूँ मल्‍ला ख़क्‍ख्रका। लिकिन ऎन पत्त'अना जॊगे मना गे उर्बासी सोग्‍गे ती एंग्‍है सलहा चि'अदन।

1 कोरिन्‍थ 7:25 ပူးပေါင်းရင်းမြစ်များ

1 कोरिन्‍थ 15:10

अन्नु हूँ ऎन तइरकन र'अदन होले, आद धर्मेसी मया ती र'अदन। अरा आसी मया एकदा एंग्हा म‍इय्याँ र'ई, आद एन्‍द्रा हूँ अयंध'आ मल मंजा। अबड़ा ओर्मा त‍इरकर ती ऎन कोड़हे तिहा नंजकन। लिकिन ऎन एंग्है ती मला, एंग्‍है नू नलख ननी आ धर्मेसी मया तिम ऎन अदन नन्दन।

1 कोरिन्‍थ 4:2

अरा एन्ने नलख ख़क्ख्रका ओर्तस मुन्‍द तंगन पत्त'अना जॊगे आलस एन्ने ऎदना मनी।

1 कोरिन्‍थ 7:10

नॆ बेंज्रका र'अनर, आरिन ऎन पॆसदन। ईद एंग्‍है ती मला लिकिन धर्मेस तरती र'ई का मुक्‍का तंग्‍है मॆतस ती अम्‍बो अम्‍बर'आ।

1 कोरिन्‍थ 7:12

नन्‍नर ही पत्त नू उर्बस मला ऎनिम एन्ने ब'अदन का, ओर्त पत्त'ऊ आलासी मुक्‍का मल पत्त'ऊ आली र'ई, अरा आद आस गने र'आ गे पत्तार'ई होले, आस अदिन अम्‍बोस अम्‍बा।

1 कोरिन्‍थ 7:28

लिकिन नीन बेंज्रदय होले, नीन पाप मल नन्‍दय, अरा डिंडा कुक्‍के बिंज्र'ई होले, आद पाप मल ननी। लिकिन एकार बेंज्रनर आर ई उज्‍जना नू बग्‍गे सस्‍ती मनोर। इबड़ा ती ऎन निमन ख़ापा बेद्ददन।

1 कोरिन्‍थ 7:34

अरा आसी मने ऎंड़ भाग मनी। अन्नेम मल बेंज्रका आली महले डिंडा कुक्‍के तंग्‍है मॆद‍ अरा बॊलता दुयो नू नेम्‍हा मना गे उर्बासी पत्त ता कत्था नू लेका फिकिर ननी। लिकिन बेंज्रका आली तंग्‍है मॆतासिन एकासे रिझाब'ओन ब'अरकी आद ई ख़ॆख़ेल ता कत्‍था नू फिकिर ननी।

1 कोरिन्‍थ 7:40

अन्नु हूँ एंग्‍है सलहा ईद र'ई का, आद बिगर बेंज्रका ती अन्नेम रही क'ओ होले, आद कोड़हे बरकत ख़क्‍खू आली र'ई। ऎन पत्त'अदन का धर्मेसी बॊलता एंग्‍है मइय्याँ र'ई।

1 कोरिन्‍थ 7:6

लिकिन ऎन इबड़न पॆसका बेसे मला सलहा बेसे ब'अदन।

2 कोरिन्‍थ 11:17

एन्ने फुलई मन्ना डिढ ती ब'अना ही पत्त नू गा ऎन उर्बासी मने लेक्खा मल ब'अदन। लिकिन ऎन ओन्टा बोया बेसेम ब'अदन।

2 कोरिन्‍थ 2:17

बग्‍गेर तम्‍है नफा गे धर्मेसी कत्‍था नू मेसाब'अनर, लिकिन ऎम अबड़ा आलर लेक्‍खा मलकम। ऎम गा धर्मेस ती तइरका आलर लेक्‍खा धर्मेसी मुन्‍दहारे मसीसी सवंग गने मानिम गने कत्‍थन तेंगा कुद्दम।