1 कोरिन्‍थ 7:23 - पुना गच्छरना NT (BSI)

²³ नीम कोड़हे दाम चि'अरकी ख़ॆन्‍द्रकादर, औंगे आलर ही बिट्ठी ननू जॊंख़ अमा मना।

1 कोरिन्‍थ 7:23 ပူးပေါင်းရင်းမြစ်များ

मत्तायोस 6:24

नॆ हूँ ऎंड़ उर्बर ही सुसर नना पोलदस। आस गा ओर्तासिन हींड़'ओस अरा नन्नासिन चोन्‍हा ननोस, महले ओर्तस गने मेस्रका र'ओस अरा नन्‍नासिन ख़ाँड़'ओस। ई लेक्‍खम नीम धर्मेसी अरा ख़ॆख़ेल ता खुर्जी ही सुसर नना पोलदर।

त‍इरकर 20:28

औंगे निम्‍है पत्त नू अरा धर्मेस तंग्‍है ख़द्दासी ख़ॆंस ती ख़ीन्‍दका तंग्‍है कलीसियन ख़ापा गे नेम्‍हा बॊलतस निमन ईरू-ख़ूजू उइय्का उर्मी खोंड़हा ही पत्त नू चिहुंक र'अके।

1 कोरिन्‍थ 6:20

एन्‍देरगेका नीम कोड़हे दाम चि'अरकी ख़ॆन्‍द्रकादर। औंगे नीम निम्‍है मॆद ती धर्मेसी महबा नना।

गलातिया 2:4

ऎम इबड़ा कत्‍थन इदगे तिंकम का जोक्को ठकवा पत्त'ऊ भईर कलेकसे नम्है मझी नू कोरचकाचर अरा आर मसी येसुस नू नमा ख़क्‍ख्रकी र'ई आ छछिन्‍द आबोन हो'आ गे अरा अत्रु ती नमन मूसासी नॆग ही जॊंख़ कम'आ गे अन्‍थन जॊहना लेक्‍खा बरचका रहचर।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

1 पतरस 3:18

इवंगेका मसीस नन्नर ही पाप गुट्ठी गे ओंग्होल लेका केच्चस केरस। आस धर्मेसी ऎरना नू उजगो रहचस, लिकिन आस निमन धर्मेस गुसन अंड़सत'आ गे धर्मेसी ऎरना नू उजगो मलकर गे केच्‍चस। आस कया ती गा पिटतारस, लिकिन बॊलतस नू उज्‍जतारस।

दहदर मंजका कत्‍था 5:9

अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्‍चा गे जॊगे र'अदय। अरा नीन पिटतारकय ती निंग्‍है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।