1 कोरिन्‍थ 7:22 - पुना गच्छरना NT (BSI)

²² एन्‍देरगेका ओर्तस उर्बासी मॆख़ना बेड़ा नू बिट्ठी ननू जॊंख़ रहचस होले, आस उर्बस नू छछिन्‍द आल मन्‍दस। अन्नेम ओर्तस उर्बासी मॆख़ना बेड़ा नू छछिन्‍द रहचस होले, आस मसीसी बिट्ठी ननू जॊंख़ मन्‍दस।

1 कोरिन्‍थ 7:22 ပူးပေါင်းရင်းမြစ်များ

रोमी 1:1

ऎन म‍सी येसुसी जॊंख़न पौलुस धर्मेसी त‍इरका मना गे मॆख़रका र'अदन। अरा आसी दौ कत्‍थन तेंगा कुद्दा गे चजरका र'अदन।

1 कोरिन्‍थ 7:21

नीन बिट्ठी ननू जॊंख़ लेक्‍खा मॆख़्रकादय होले, अदही पत्त नू अमा घोख'आ, लिकिन निंगा अम्‍ब्र'आ गे बेड़ा ख़क्‍ख्र'ओ होले, अम्‍ब्रनन इंझ्र'आ हो'आ।

1 कोरिन्‍थ 9:19

ऎन छछिन्‍द र'अदन, नॆखा हूँ एंग्हा म‍इय्याँ अदिया मलकी। अन्नु हूँ ऎन ओर्मर ही बिट्ठी ननू जॊंख़ मंजकन का बग्‍गे आलारिन मसीस नू ओन्‍द्र'ओन।

1 कोरिन्‍थ 9:21

नॆ यहूदी नॆग नू मलनर आरिन मसीस गुसन ओन्‍द्र'आ गे ऎन हूँ यहूदी नॆग मलका बेसे मंजकन। अन्नु हूँ ऎन धर्मेसी नॆगन मल अम्‍बकन, अरा मसीसी नॆगन ऎन पॆस्रकन।

गलातिया 1:10

अक्‍कु ऎन नॆख'आ सोग्‍गे ख़क्‍खा बेद्ददन आलर ही मलता धर्मेसी? महले ऎन आलारिन रिझाब'आ बेद्ददन का? ऎन आलारिन रिझाब'आ बेद्दना होले, मसीसी जॊंख़ मल र'ओन दने।

गलातिया 5:1

नाम छछिन्‍द र'अदत अदगे मसीस नमन छछिन्‍द नंजस। औंगे नमा बड़ियर मनरकी र'अना र'ई। फेन नॆग नू जॊंख़ मना गे अमा पुन्‍द्र'आ।

गलातिया 5:13

भईरो, नीम नाड़र'आ गे मॆख़्रकादर एन्ने अम्‍बो मना का ईद मॆद ही नलख गे मोका मनो। लिकिन चोन्‍हा ती ओर्त ओर्त गे सुसर नन्नर नेकअन।

कोलोस्से 4:12

अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्‍जका र'ओर।

फिलॆमॊन 1:16

लिकिन अक्‍कु आस बिट्ठी ननू जॊंख़ लेक्‍खा मला, बिट्ठी ननू जॊंख़ ती हूँ कोहँस, अरा चोन्‍हा भईस बेसे र'अदस। आस एंगा गे कोड़हे चोन्हा ही जॊगे र'अदस। लिकिन कोड़हे गा आस ओन्टा आल नता ती हूँ, अरा उर्बस नू ओन्टा भई नता ती हूँ आस निंगा गे अउर कोड़हे चोन्हा जॊगे र'अदस।

1 पतरस 2:16

नीम छछिन्‍द आलर लेक्‍खा उज्जा। लिकिन नीम गा धर्मेसी बिट्ठी ननू जॊंख़ र'अदर, औंगे निम्है छछिन्द आबोन मलदौ नना गे अमा बउर'आ।

2 पतरस 1:1

ऎन येसु मसीसी जॊंख़न अरा तइरकन सिमॊन पतरस नम्है धर्मेस अरा नाड़ुस येसु मसीसी सोग्गे अरा नेंवई ती एम्है पत्त'अना ही लेक्खा कोड़हे मूली ही पत्त'अनन ख़क्खका निमा ओर्मर गे ई चिठिन लिखदन।

यहूदा 1:1

येसु मसीसी जॊंख़ अरा याकॊबसी भईस ऎन यहूदा, धर्मे बंगासी दुलार अरा येसु मसीसी ख़ापना नू र'ऊ धर्मेस ती मॆख़्रका आलर गे ई चिठिन लिखदन।