1 कोरिन्‍थ 7:21 - पुना गच्छरना NT (BSI)

²¹ नीन बिट्ठी ननू जॊंख़ लेक्‍खा मॆख़्रकादय होले, अदही पत्त नू अमा घोख'आ, लिकिन निंगा अम्‍ब्र'आ गे बेड़ा ख़क्‍ख्र'ओ होले, अम्‍ब्रनन इंझ्र'आ हो'आ।

1 कोरिन्‍थ 7:21 ပူးပေါင်းရင်းမြစ်များ

लू‍कस 12:29

औंगे नीम अमा घोख'आ का एन्‍द्रन मॊख़ोम अरा एन्‍द्रन ओनोम अरा अमा दोलख़ा।

लू‍कस 21:34

नीम चिहुंक ननके। ख़ॆख़ेल ता ओन्ना-मॊख़ना ही चिबाख़ारना अरा उंखना अरा ख़ॆख़ेल ही जिनिस ता फिकर ती निम्‍है जिया अम्‍बन बेहड़ार'आ का आ उल्‍ला निमा गे ‍अचका ही ‍अंड़सा ख़च्‍चो।

1 कोरिन्‍थ 12:13

एन्‍देरगेका नाम यहूदीर मलता नन-यहूदीर मलता बिट्ठी ननू जॊंख़ मलता छछिन्‍द र'अदत। अन्नु हूँ नाम ओर्मत ओन्‍टे नेम्हा बॊलतस ती ओन्‍टे मॆद नू नॊड़रकत। अरा नाम ओर्मत ओन्‍टे नेम्हा बॊलतासिन ख़क्‍खकत।

1 कोरिन्‍थ 7:20

ओर्त ओर्त आलस एका लेक्‍खा धर्मेस ती मॆख़्रकादस आ लेक्‍खम ठिमठिम ने र'अदस नेकअन।

1 कोरिन्‍थ 7:22

एन्‍देरगेका ओर्तस उर्बासी मॆख़ना बेड़ा नू बिट्ठी ननू जॊंख़ रहचस होले, आस उर्बस नू छछिन्‍द आल मन्‍दस। अन्नेम ओर्तस उर्बासी मॆख़ना बेड़ा नू छछिन्‍द रहचस होले, आस मसीसी बिट्ठी ननू जॊंख़ मन्‍दस।

गलातिया 3:28

अक्‍कु नॆ हूँ यहूदी मला महले नन-यहूदी मला, बिट्ठी ननू जॊंख़ मला महले छछेम मला, नॆ हूँ मॆत मला महले मुक्‍का मला। अक्‍कु नीम ओर्मर मसी येसुस नू ओन्‍टा मंजकर केरकर।

फिलिप्‍पी 4:11

एन्ने मला का ऎन एंग्‍है मलका चड्डे एन्ने ब'अदन। एन्देरगेका ऎन एकअम दसा नू हूँ रिझी ती र'आ गे सिख्रकादन।

फिलिप्‍पी 4:6

एन्‍देर कत्‍था गे हूँ अमा घोख'आ। लिकिन उर्मी कत्‍था नू निम्‍है ने'अना, गोहरारना अरा जलिय'अना ती धन्‍यवाद गने धर्मेसी मुन्दहारे अंड़सी नेक'आ।

कोलोस्से 3:11

ई पुना उज्जना नू नन-यहूदी अरा यहूदी एन्ने, खतना मंजका अरा खतना मल मंजका एन्ने, नन-राजियर अरा जंगलीर एन्ने, बिट्ठी ननू जॊंख़ अरा छछिन्द एन्ने इन्द्रिइम फरक मल्ला। लिकिन मसीस दिम उर्मी र'अदस, अरा आस इबड़ा ओर्मर नू र'अदस।

इब्रानी 13:5

ढिबा म‍इय्याँ अम‍के चिबाख़ार'आ, निंग्‍है गुसन ऎ बग्‍गे र'ई अत्रुम खतिर ननके। एन्‍देरगेका धर्मेस एन्ने बाचकादस, “ऎन निंगन इकला हूँ मल अम्‍बोन। ऎन निंगन इकला हूँ मल मॊधर'ओन।”

1 पतरस 5:7

निम्है उर्मी घोख गुट्ठिन आस गे चिलघ'आ, एन्देगेका आस गे निम्है सोच र'ई।