1 कोरिन्‍थ 7:19 - पुना गच्छरना NT (BSI)

¹⁹ खतना मंजका ही हूँ, अरा खतना मल मंजका ही हूँ एन्‍देर हूँ मॊल मल्‍ला। धर्मेसी पॆसकन पॆस्रना दिम मॊल र'ई।

1 कोरिन्‍थ 7:19 ပူးပေါင်းရင်းမြစ်များ

मत्तायोस 5:19

औंगे नॆ अबड़ा सन्नी ती सन्नी पॆसका ती ओन्‍टन हों टाँड़दस अरा आलारिन हों एन्ने सिखाब'अदस होले, आस मेर्ख़ा राजी नू उर्मी ती सन्नी मन्‍तार'ओस। लिकिन नॆ अबड़न पीस्र'ई अरा अन्नेम सिखाब'ई आर मेर्ख़ा राजी नू कोहाँ मन्‍तार'ओर।

यॊहनस 15:14

ऎन एन्‍देर एन्‍देर पॆसकन अदिन नीम नन्‍दर होले, नीम एंग्‍है संगेर र'अदर।

रोमी 3:30

एन्‍देरगेका ओर्त लेका धर्मेस र'अदस। आसिन इंझ्रना ही ओन्‍टे लेका डहरे र'ई। आस खतना नंजका आलारिन पत्त'अना ती आरिन उजगो मन्‍दस। अरा बिगर खतना नंजका आलारिन हूँ पत्त'अना ती लेका उजगो मन्‍दस।

1 कोरिन्‍थ 8:8

ओन्ना-मॊख़ना नमन धर्मेस गुसन मल अड़सत'ई। नाम इदन मल ओनोत होले हूँ, नमा गे एन्‍द्रा हूँ जुक्‍की मल मनो, अरा अदन ओनोत होले हूँ, नमा गे कोड़हे बॆस मल मनी।

गलातिया 3:28

अक्‍कु नॆ हूँ यहूदी मला महले नन-यहूदी मला, बिट्ठी ननू जॊंख़ मला महले छछेम मला, नॆ हूँ मॆत मला महले मुक्‍का मला। अक्‍कु नीम ओर्मर मसी येसुस नू ओन्‍टा मंजकर केरकर।

गलातिया 5:6

एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।

गलातिया 6:15

नाम खतना मंजकत महले मल मंजकत, ईद मुध मला। लिकिन नमा पुना आल मन्ना ईद मुध र'ई।

कोलोस्से 3:11

ई पुना उज्जना नू नन-यहूदी अरा यहूदी एन्ने, खतना मंजका अरा खतना मल मंजका एन्ने, नन-राजियर अरा जंगलीर एन्ने, बिट्ठी ननू जॊंख़ अरा छछिन्द एन्ने इन्द्रिइम फरक मल्ला। लिकिन मसीस दिम उर्मी र'अदस, अरा आस इबड़ा ओर्मर नू र'अदस।

दहदर मंजका कत्‍था 22:14

एकार तम्‍है किचरी गुट्ठिन नॊड़नर ती सुध उइय्नर, आर आसीस ख़क्ख'ऊ र'अनर। आर लेका नगरे ही बली ती कोर'आ गे अरा उज्‍जना ही मन्न ही ख़ंजपन मोख़ा गे अदिया ख़क्खोर।