1 कोरिन्‍थ 7:17 - पुना गच्छरना NT (BSI)

¹⁷ औंगे ओर्त ओर्त गे उर्बस तंग्‍है उज्‍जना नू ओकताचका लेक्‍खा, अरा धर्मेस तंगन मॆख़्रका मॆख़ना लेक्‍खा दिम तंग्‍है उज्‍जनन चलाब'अना र'ई। ऎन उर्मी कलीसिया गे एन्नेम नॆग चि'अदन।

1 कोरिन्‍थ 7:17 ပူးပေါင်းရင်းမြစ်များ

मत्तायोस 19:12

एन्‍देरगेका जोक्‍क करबेलवर एन्ने र'अनर नॆ अयंग ही ओदर तिम एन्ने कुन्‍द्रकानर। अरा जोक्‍क करबेलवर एन्ने र'अनर, नॆकन आलर कमचर। अरा जोक्‍क करबेलवर एन्ने र'अनर एकाबड़र मेर्ख़ा राजी गे तमन करबेलवा कमचकानर। नॆ इदन इंझ्र'आ ओंगो आर इंझ्र'ओर।”

1 कोरिन्‍थ 10:32

नीम यहूदीर गे महले नन-यहूदीर गे महले धर्मेसी कलीसिया गे नेख'अम हूँ पाप नू खत्रना ही चड्डे अमा मना।

1 कोरिन्‍थ 11:16

लिकिन नेकइम ई पत्त नू आनानख्र'आ बेद्ददस होले, इदन अख़'आ हो'आ का एमा गे महले धर्मेसी कलीसिया गुट्ठी गे अउर नन्ना नेगचार मल्‍ला।

1 कोरिन्‍थ 11:34

नॆका कीड़ा लग्‍गी होले, आस तंग्‍है एड़पा नू ओन्दस नेकअन। औंगे नीम ख़ॊंड़रना बारी दंडे ही जॊगे अम्‍बोर मनोर। अरा नन्ना कत्‍था ही पत्त ता तिगाब'अनन ऎन बरना बारी चि'ओन।

1 कोरिन्‍थ 14:33

एन्‍देरगेका धर्मेस बिगड़'अना ही मला लिकिन सान्‍ति ही धर्मेस हिकदस। नेम्‍हा आलर ही उर्मी कलीसिया गुट्ठी नू र'अना लेक्‍खा,

1 कोरिन्‍थ 16:1

अक्‍कु येरुसलॆम ता नेम्‍हा आलर गे ख़ॊजना बरार ही पत्त नू एंग्‍है ब'अना ईद र'ई का, गलातिया जिला ता कलीसिया गुट्ठी गे नना गे ऎन एन्‍देर पॆसकादन, अदन नीम हूँ नना।

1 कोरिन्‍थ 4:17

ई चड्डे दिम ऎन उर्बस नू पत्त'अना जॊगे एंग्‍है चोन्‍हा ख़द्दस तीमोथियुसिन निम्‍है गुसन तइय्कादन। ऎन उर्मी अड्डा नू उर्मी कलीसिया नू सिखाब'अना लेक्‍खा आस मसी येसुस नू एंग्‍है उज्‍जना ओक्‍कनन निमा गे सुरता ननोस।

1 कोरिन्‍थ 7:18

नीकईम तान पत्त'ऊ मंजका ही मुन्‍द खतना मंजका आलस रहचस होले, आस खतना मल मंजका लेक्‍खा मना गे चिहुट मल नन्ना र'ई। अरा नेक‍ईम पत्त'ऊ मंजका ही मुन्‍द खतना मल मंजका आलस रहचस होले, आस खतना मन्ना ही चाड़ मल्‍ला।

1 कोरिन्‍थ 7:24

अना भईरो, ओर्त ओर्त नीम एका दसा नू धर्मेस ती मॆख़्रकाचकर, आ दसा नुम धर्मेस गने ठिमठिम ने र'अन नेकअन।

1 कोरिन्‍थ 7:7

ओर्मा आलर हूँ गा एंग्‍है लेक्‍खा डिंडा र'आ गे ऎन बेद्ददन। लिकिन धर्मेस तरती ओर्मर गे मुध इनाम ख़क्‍ख्रकी र'ई। ईद ओर्तोस ओन बेसे नन्‍नस गे नन्‍ना बेसे र'ई।

2 कोरिन्‍थ 11:28

अरा इबड़ा उर्मी ती कोड़हे गा, उर्मी कलीसिया ही पत्त ता एंगा घोख एंगन उर्मी बेड़ा बयाबाचकी र'ई।

2 कोरिन्‍थ 8:18

ऎम आसी गने ओर्त भईसिन हूँ तइय्यालदम, नॆ दौ कत्‍था तेंगा कुद्दना चड्डे उर्मी कलीसिया नू कोड़हे नामे ख़क्खका र'अस।

गलातिया 1:22

आ बेड़ा नू यूदेया ता कलीसिया गुट्ठी ता मसी आलर एंगन बल्‍ला लगियर।

1 थेस्‍सलोनिकॆयर 2:14

भईरो, यूदेया जिला नू मसी येसुस नू र'ऊ अबड़ा धर्मेसी कलीसिया गुट्ठी लेक्‍खा नीम हूँ उज्‍जालिक्‍कर। एकासे आर यहूदीर ती खिलपत मंजर अन्ने नीम हूँ निम्‍है राजी ता आलर ती खिलपत मंजकर।

2 थेस्‍सलोनिकॆयर 1:4

लिकिन निमा बरचकी र'ई आ सस्‍ती अरा खिलपत बेड़ा नू सहना अरा पत्त'अना नू ऎम फुल‍ई मन्‍दम। अरा निम्‍है पत्त नू धर्मेसी नन्ना कलीसिया गुट्ठी संगे कछनख्रदम।