1 कोरिन्‍थ 7:11 - पुना गच्छरना NT (BSI)

¹¹ (लिकिन आद अन्ने ननो होले, आद बिगर बेंज्रकम र'अना र'ई महले तंग्‍है मॆतस गने फेन मेसर नखरना र'ई।) अरा मॆतस तंग्‍है मुक्‍कन अम्‍बोस अम्‍बा।

1 कोरिन्‍थ 7:11 ပူးပေါင်းရင်းမြစ်များ

मत्तायोस 5:32

लिकिन ऎन निमन ब'अदन का ‘नन्ना आलस गुसन काना पाप ती एकअम नन्ना पाप चड्डे एकास तंग्‍आलिन अम्‍बरनख्रना नन्‍दस, आस अदिन नन्ना आलस गुसन काना ही पाप नन्‍त'आदस, अरा एकास आ अम्‍बका आलिन बेंज्रदस आस हूँ नन्ना आली गुसन काना ही पाप नन्‍दस।’

मरकुस 10:12

अरा ओन्‍टा आली तंग्‍है आलासिन अम्‍बरनखरना ननरकी नन्ना आलासिन सगई मनी होले, आद नन्ना आलस गुसन काना ही पाप ननी।”

मरकुस 10:2

तहाँ जोक्को फरिसीर आस गुसन आसिन बझाब'अना चिहुट ती बरचर ती मेंजर, “ओन्‍टा आलस गे तंग्‍है आलिन अम्‍बरनखरना यहूदी धरम ही नॆग लेक्‍खा मानिम र'ई का?”

लू‍कस 16:18

नीक‍इम तंग्‍आलिन अम्‍बदस ती नन्ना बेंज्रदस, आस नन्ना आली गुसन काना ही पाप नन्‍दस। अरा एकास अम्‍बरका आलिन बेंज्रदस आस हूँ नन्ना आली गुसन काना ही पाप नन्‍दस।

1 कोरिन्‍थ 7:10

नॆ बेंज्रका र'अनर, आरिन ऎन पॆसदन। ईद एंग्‍है ती मला लिकिन धर्मेस तरती र'ई का मुक्‍का तंग्‍है मॆतस ती अम्‍बो अम्‍बर'आ।

1 कोरिन्‍थ 7:12

नन्‍नर ही पत्त नू उर्बस मला ऎनिम एन्ने ब'अदन का, ओर्त पत्त'ऊ आलासी मुक्‍का मल पत्त'ऊ आली र'ई, अरा आद आस गने र'आ गे पत्तार'ई होले, आस अदिन अम्‍बोस अम्‍बा।