1 कोरिन्‍थ 7:10 - पुना गच्छरना NT (BSI)

¹⁰ नॆ बेंज्रका र'अनर, आरिन ऎन पॆसदन। ईद एंग्‍है ती मला लिकिन धर्मेस तरती र'ई का मुक्‍का तंग्‍है मॆतस ती अम्‍बो अम्‍बर'आ।

1 कोरिन्‍थ 7:10 ပူးပေါင်းရင်းမြစ်များ

मत्तायोस 5:32

लिकिन ऎन निमन ब'अदन का ‘नन्ना आलस गुसन काना पाप ती एकअम नन्ना पाप चड्डे एकास तंग्‍आलिन अम्‍बरनख्रना नन्‍दस, आस अदिन नन्ना आलस गुसन काना ही पाप नन्‍त'आदस, अरा एकास आ अम्‍बका आलिन बेंज्रदस आस हूँ नन्ना आली गुसन काना ही पाप नन्‍दस।’

मरकुस 10:2

तहाँ जोक्को फरिसीर आस गुसन आसिन बझाब'अना चिहुट ती बरचर ती मेंजर, “ओन्‍टा आलस गे तंग्‍है आलिन अम्‍बरनखरना यहूदी धरम ही नॆग लेक्‍खा मानिम र'ई का?”

लू‍कस 16:18

नीक‍इम तंग्‍आलिन अम्‍बदस ती नन्ना बेंज्रदस, आस नन्ना आली गुसन काना ही पाप नन्‍दस। अरा एकास अम्‍बरका आलिन बेंज्रदस आस हूँ नन्ना आली गुसन काना ही पाप नन्‍दस।

1 कोरिन्‍थ 7:11

(लिकिन आद अन्ने ननो होले, आद बिगर बेंज्रकम र'अना र'ई महले तंग्‍है मॆतस गने फेन मेसर नखरना र'ई।) अरा मॆतस तंग्‍है मुक्‍कन अम्‍बोस अम्‍बा।

1 कोरिन्‍थ 7:12

नन्‍नर ही पत्त नू उर्बस मला ऎनिम एन्ने ब'अदन का, ओर्त पत्त'ऊ आलासी मुक्‍का मल पत्त'ऊ आली र'ई, अरा आद आस गने र'आ गे पत्तार'ई होले, आस अदिन अम्‍बोस अम्‍बा।

1 कोरिन्‍थ 7:15

लिकिन मल पत्त'ऊ मॆतस महले मुक्‍का अम्‍बर नख्रनर बेद्दनर होले, अम्‍बरनर नेकअन। एन्ने दसा नू पत्त'ऊ मॆतस महले मुक्‍का बेंज्रका ही हॆंरका नू र'आ गे चाड़ मलकी, एन्‍देरगेका धर्मेस नमन सान्‍ति ती उज्‍जा गे मीख़कादस।

1 कोरिन्‍थ 7:25

अक्‍कु डिंडा कुक्‍केर ही पत्त नू एंगा उर्बस ती एन्‍देर पॆसका हूँ मल्‍ला ख़क्‍ख्रका। लिकिन ऎन पत्त'अना जॊगे मना गे उर्बासी सोग्‍गे ती एंग्‍है सलहा चि'अदन।

1 कोरिन्‍थ 7:40

अन्नु हूँ एंग्‍है सलहा ईद र'ई का, आद बिगर बेंज्रका ती अन्नेम रही क'ओ होले, आद कोड़हे बरकत ख़क्‍खू आली र'ई। ऎन पत्त'अदन का धर्मेसी बॊलता एंग्‍है मइय्याँ र'ई।

1 कोरिन्‍थ 7:6

लिकिन ऎन इबड़न पॆसका बेसे मला सलहा बेसे ब'अदन।