1 कोरिन्‍थ 6:3 - पुना गच्छरना NT (BSI)

³ एन्‍देर नीम बलदर का नाम मेर्ख़ा पैकारिन हूँ नेंवई ननोत? अन्ने होले नीम ई उज्‍जना ही कत्‍था गुट्ठिन मानिम नू फरिय'आ ओंग्‍दर।

1 कोरिन्‍थ 6:3 ပူးပေါင်းရင်းမြစ်များ

मत्तायोस 25:41

आ बारी ऎन बॆलन डेब्‍बा पक्‍खे ता आलारिन ब'ओन, ‘अना सरपारका आलारो, एंग्‍है मुन्‍द ती आ मल तेभ्रना चिच्‍ची नू किर्रिम बि'आ, एकदा नाद अरा अदही पैकर गे सपड़ाचका र'ई।

लू‍कस 21:34

नीम चिहुंक ननके। ख़ॆख़ेल ता ओन्ना-मॊख़ना ही चिबाख़ारना अरा उंखना अरा ख़ॆख़ेल ही जिनिस ता फिकर ती निम्‍है जिया अम्‍बन बेहड़ार'आ का आ उल्‍ला निमा गे ‍अचका ही ‍अंड़सा ख़च्‍चो।

लू‍कस 8:14

जोक्‍क आलर बिहनी खत्रका अच्‍च-ख़ोप्‍पा ख़ॆख़ेल लेक्‍खा हिकनर। आर कत्‍थन मेन्नर लिकिन आर तंग्‍है उज्‍जना नू मुन्द कालो बारी ख़ॆख़ेल ता फिकर अरा खुर्जी अरा मया-मॊह आरिन अरबी ख़ने आर बड़ियर मना पोलनर।

रोमी 6:16

नीम मानिम अख़दर का नीम निमन एका ओर्तस गे मन'आ गे बिट्ठी ननू जॊंख़स बेसे चि'अदर होले मानिम नीम आ आलासी बिट्ठी ननू जॊंख़ र'अदर। अन्ने नीम पाप गे बिट्ठी ननू जॊंख़ र'अदर होले, अदही बनी खे'अना र'ई मलता नीम धर्मेसिन मनदर होले आद निमन उजगो कम'ई।

1 कोरिन्‍थ 6:15

एन्‍देर नीम बलदर का निम्‍है मॆद मसीसी अंग हवे? अन्ने होले ऎन मसीसी अंगन हो'ओन ती नन्ना आलस गुसन कालू आली ही अंग कम'ओन चि'ओन का? कहियों मला।

1 कोरिन्‍थ 6:16

अरा नीम इदिन बलदर का नॆ नन्ना आलस गुसन कालू आली गने तंगन मेसदस, आस अदही गने ओन्‍टा मॆद मन्‍दस कादस? एन्‍देरगेका नेम्‍हा पुथी एन्ने ब'ई का, “आर इरबर ओन्‍टा मॆद मनोर।”

1 कोरिन्‍थ 6:19

नीम इदन बलदर का निम्‍है मॆद नेम्‍हा बॊलतासी मन्‍दिर हवे? अरा धर्मेस ती नीम ख़क्‍ख्रका नेम्‍हा बॊलतस निम्‍है नू ओक्रदस। नीम निम्‍है मलदर।

1 कोरिन्‍थ 6:4

औंगे ई उज्‍जना ही एन्ने लेक्‍खा कत्‍था गुट्ठी ही फरिय'अना मनो होले, कलीसिया ही सन्नी ती सन्नी आलारिन नेंव‍ई ननू ओक्‍त'ओय का?

2 तीमोथियुस 2:4

एका ओर्तस सैनस र'अदस, आस तंगन ख़ॆख़ेल ता नलख गुट्ठी नू मल बझाब'अदस, लिकिन आस फउद मुद्धासिन खुसमारत'आ गे बेद्ददस।

2 तीमोथियुस 4:10

एन्‍देरगेका दॆमस ई ख़ॆख़ेल ता उज्‍जना नू मॊंहरस ती एंगन अम्‍बियस चिच्‍चस ती थेस्‍सलोनिकॆ नगरे नू किर्रिमबिच्‍चयस। क्रॆसकॆस गलातिया राजी गे अरा तीतुस दलमतिया राजी गे किर्रिमबिच्‍चयस।

2 पतरस 2:4

एकाबारी मेर्ख़ा पैकर पाप नंजर ख़ने, धर्मेस आरिन हूँ मल अम्बियस, लिकिन नरक नू हेबड़ियस ती ख़ोड़ख़ा ऊख़ा गड़डी नू रायबड़ी उल्ला गे सिकड़ी ती हॆंचका उइय्कादस।

यहूदा 1:6

अउर हूँ धर्मेस तमा गे चिच्का अदिया नू बन्चका मल र'अरकी तम्है अड्डन अम्बका चिच्का मेर्ख़ा पैकारिन सुरता नना। धर्मेस आरिन आ कोड़हे रायबड़ी उल्ला नू नेंवई नना गे ऊख़ा नू नॆ हूँ ख़च्चा पोलना सिकड़ी ती हॆंचका उइय्का र'अदस।