1 कोरिन्‍थ 6:20 - पुना गच्छरना NT (BSI)

²⁰ एन्‍देरगेका नीम कोड़हे दाम चि'अरकी ख़ॆन्‍द्रकादर। औंगे नीम निम्‍है मॆद ती धर्मेसी महबा नना।

1 कोरिन्‍थ 6:20 ပူးပေါင်းရင်းမြစ်များ

मत्तायोस 5:16

एन्नेम निम्‍हा बिल्‍ली आलर गुसन बिलचते र'अन नेक‍अन, का आर निम्है दौ नलखन ऎरोर ती निम्‍है मेर्ख़ा ता बंगासी महबा ननोर।

त‍इरकर 20:28

औंगे निम्‍है पत्त नू अरा धर्मेस तंग्‍है ख़द्दासी ख़ॆंस ती ख़ीन्‍दका तंग्‍है कलीसियन ख़ापा गे नेम्‍हा बॊलतस निमन ईरू-ख़ूजू उइय्का उर्मी खोंड़हा ही पत्त नू चिहुंक र'अके।

रोमी 12:1

अना भ‍ईरो! ऎन निमन बिन्‍ती नन्‍दन का धर्मेस निमा गे नंजकादस आ नलखन सुरता उइय्यरकी नीम निमन धर्मेस गे उज्‍जना दाँड़े बेसे चि'आ, अरा नेम्‍हा उज्‍जना ती आसिन रिझ्रत'आ, इदिम आसी महबा नन्ना ही मानिम डहरे हिके।

रोमी 6:19

ऎन निम्‍है मॆद सुबहा पयहा चड्डे निमन सेब्‍बा ती बुझ्र'आ गे ई कत्‍थन ब'अदन। नीम मुन्‍द निम्‍है मॆद ही अंग गुट्ठिन पाप अरा मलदौ गे जॊंख़ मना चिच्‍चकर, अरा नीम मलदौ गे लेका उज्‍जकर। अन्नेम नीम निमन उजगो उज्‍जना ही जॊंख़ मना गे चि'अना मनो। एकत्रु नीम नेम्‍हा मनोर क'ओर।

1 कोरिन्‍थ 10:31

औंगे नीम ओनोर महले मॊख़ोर महले इन्द्रिइम ननोर, उर्मिन धर्मेसी महबा गे नना।

1 कोरिन्‍थ 7:23

नीम कोड़हे दाम चि'अरकी ख़ॆन्‍द्रकादर, औंगे आलर ही बिट्ठी ननू जॊंख़ अमा मना।

गलातिया 3:13

मसीस नमा गे सर्पारस अरा ई लेक्‍खा नॆग ही सर्पारना ती नाड़ियस। एन्‍देरगेका नेम्हा पुथी नू लिख्रकी र'ई अन्ने मंजा, “नॆकन कंक नू ठोकतार'ई, आस सर्पारकादस।”

फिलिप्‍पी 1:20

एंगा कोड़हे पत्तारना अरा असरा ईद र'ई का, एंगा इन्द्रिइम नू हूँ लज्‍जे मॊख़्रना अम्‍बो मनो, लिकिन ऎन उज्‍जोन महले खे'ओन एंगा बड़ियर डिढ ती अक्कु अरा सगरो मसीस एंग्‍है मॆद ती महबा ख़क्‍खोस।

इब्रानी 9:12

मसीस बोकड़ा अरा बछरु गुट्ठी ही ख़ॆंस ती मला, लिकिन तंग्‍है ख़ॆंस ती दिम ओंग्‍होन लेका कोड़हे नेम्‍हा अड्डा नू कोरचस, औंगे आस जनमजुग नाड़रनन नमा गे चि'आ उंगियस।

1 पतरस 1:18

एन्‍देरगेका नीम अख़दर का निम्‍है पूरखर ती इत्तनुम बर'आ लगी निम्है अयंदहा उज्‍जना ही डहरे ती निम्‍है नाड़रना सोना मलता चाँदी लेक्‍खा नठारना आलॊ ही दाम ती मल मंजकी र'ई।

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।

2 पतरस 2:1

इस्राऎल आलर ही मझी नू ठकवा धर्मेसी कत्था तिंगुर रहचर। अन्नेम निम्है मझी नू हूँ ठकवा सिखाब'उर चो'ओर। आर नठारनन ओन्द्रना ठकवा सिखाब'अनन नूख़ुर नूख़ुर ओन्द्र'ओर। अरा आर तमन मूल्ली चि'अरकी ख़ीन्दका कोड़हे सवंगिय उर्बासिन हूँ बलदम ब'ओर। ई लेक्खम आर तमा गे चाँड़हेम नठारनन ओन्द्र'ओर।

दहदर मंजका कत्‍था 5:9

अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्‍चा गे जॊगे र'अदय। अरा नीन पिटतारकय ती निंग्‍है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।