1 कोरिन्‍थ 6:12 - पुना गच्छरना NT (BSI)

¹² “जम्मन नना गे एंगा बधा मलकी” एन्ने नीम ब'आ ओंग्दर। लिकिन उर्मी गा दौ मलकी। जम्मन नना गे एंगा बधा मलकी, लिकिन ऎन एकअम जिनिस ही जॊंख़ मल मंज ख़च्‍चोन।

1 कोरिन्‍थ 6:12 ပူးပေါင်းရင်းမြစ်များ

यॊहनस 5:10

औंगे कोड़े मंजका आलासिन यहूदी मुद्धर बाचर, “इन्ना ख़न्‍न ऎख़्रना उल्‍ला, औंगे नॆग ही लेक्‍खा निंगा पिटरिन चॊदना ती काना ठौका मल्ली।”

रोमी 7:14

नाम अख़दत का नॆग धर्मेसी बॊलता ती बर'ई। लिकिन ऎन गा मॆद सुबहा आल हिकदन, पाप गे बिट्ठी ननू जॊंख़ बेसे बीसरका र'अदन।

1 कोरिन्‍थ 8:4

मूर्ती गुट्ठी गे दाँड़े अरगका ओन्ना-मॊख़नन मॊख़ना ही पत्त नू नाम अख़दत का मूर्ती ख़ॆख़ेल नू एन्‍देर आलॊ हूँ मल्‍ली अरा धर्मेस ओर्तोसिन अम्‍बरकी नन्‍ना नॆ हूँ धर्मे मल्‍दस।

1 कोरिन्‍थ 9:12

निम्है नू दौ कत्‍था तिंका नन्‍नर गे निम्‍है नू ती जोक्‍क ख़क्‍खा गे अदिया र'ई होले, एमा गे हूँ अदही ती बग्‍गे अदिया र'ई। लिकिन ई अदियन ऎम आलर नू मल लच्‍चकम। ऊजी नू मसीसी दौ कत्‍था गे बधा मल मना गे ऎम उर्मी खिलपत आबोन सारदम।

1 कोरिन्‍थ 9:27

लिकिन ऎन एंग्‍है मॆदन सम्ड़'अदन ती एंग्‍है तबे नू नन्‍दन का नन्नारिन तेंगर मेन्‍त'अरकी ख़ॊख़ा ऎनिम इनाम ख़क्‍खना ही बिगर जॊगे मल मनोन।

2 थेस्‍सलोनिकॆयर 3:9

एन्ने सहाड़ा एमा निम्‍है ती हो'अना ही अदिया मलकी अन्ने मला। लिकिन ऎम निम्‍है मुन्‍दहारे नीम अन्ने नना गे चिन्‍हा उइय्या बेद्दा लिक्‍कम।

यहूदा 1:12

इबड़ा आलर नीम पत्त'ऊ आलर ख़ॊंड़र'अरकी ओन्ना-मॊख़ना मदी गुट्ठी नू बिगर मईन ती निम्है गने ओन्नर मॊख़नर ती निम्है संगती नू ओक्कनर। ईर समुदर नू मुलख़का चचड़ी लेक्खा नूखरका भयभयान र'अनर। ईर तम्है दौ आबोन लेका बिद्दू हिकनर। ईर बिगर पुंइना बदाली गुट्ठी लेक्खा र'अनर, एकदन ताका उढि'ई हुं'ई। ईर अतख़ा खतरका, बिगर ख़ंजना, केचका, अरा पादा ती चडरका मन्न गुट्ठी लेक्खा र'अनर।