1 कोरिन्‍थ 5:5 - पुना गच्छरना NT (BSI)

⁵ आ बारी आ आलासिन आसी मॆद ही नठाब'आ गे सैतान गे सोंप'आ का ख़ॊख़ा आस पाप नन्नन अम्बरकी धर्मेस तरा किर्रोस होले आसी बॊलता गा उर्बासी किर्रना उल्‍ला नू नाड़रा ओंगो।

1 कोरिन्‍थ 5:5 ပူးပေါင်းရင်းမြစ်များ

मत्तायोस 4:10

ख़ने येसुस अदिन बाचस, “अनय सैतान कगरार'अय कलय! एन्‍देरगेका नेम्हा पुथी नू लिख्रकी र'ई, ‘नीन निंग्‍है धर्मे उर्बासिन ऒड़ लक्‍के अरा आसी लेका महबा ननके।’”

लू‍कस 22:31

फिन उर्बस बाचस, “सिमॊन हे सिमॊन, सैतान निमन निम्‍है पत्त'अनन गहूँ जब्‍बना बेसे निंग्‍है पत्त'अनन बिढ़'आ गे धर्मेस ती नीचकी होच्‍चकी र'ई।

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

1 कोरिन्‍थ 1:8

धर्मेस निमन मुंजा गूटी पत्त'अना नू बड़ियर उइय्योस। औंगे नीम नम्‍है उर्बस येसु मसीसी किर्रना उल्‍ला नू बिगर बदी ही र'ओर।

1 कोरिन्‍थ 11:32

अन्नु हूँ नाम नेंव‍ई मन्‍तारना बारी सौंसार गने दंडे अम्‍बोत मना गे उर्बस नमन कॊड़दस।

1 कोरिन्‍थ 5:13

धर्मेस गा बहरी ता आलारिन नेंवई ननोस। लिकिन नेम्‍हा पुथी नू लिख्रका लेक्‍खा, “नीम मलदौ आलारिन निम्‍है मझी ती ओथ्रना र'ई।”

2 कोरिन्‍थ 10:6

अरा नीम पूरी तरा पॆस्र'उर मंजका ती ख़ॊख़ा, एंगरका मल पॆस्र'उर गे दंडे चि'आ गे ऎम सपड़ारकादम।

2 कोरिन्‍थ 12:7

अन्नु हूँ एंगा नू धर्मेसी कोड़हे देखार दहदर नन्तारकी र'ई। ऎन इबड़ा नू फुलई अम्‍बोन मना। औंगे एंग्‍है कया नू ओन्टा अच्‍च कुड़चका र'ई। ईद एंगा गे सस्ती चि'ऊ सैतान ही ओन्टा पैकस हवे, औंगे ऎन फुलई मल मनोन दने।

2 कोरिन्‍थ 13:10

ऎन निम्है ती गेच्छा नू र'अना बारी इबड़ा कत्थन इदगे लिखदन का, ऎन निम्है गुसन बर'ओन ख़ने, उर्बस एंगा चिच्का अदिया ती निम्है गने सकत गने इन्द्रिइम नन्ना मल मनो। एन्‍देरगेका एंगा ई अदिया निमन बगड़'आ गे मला कम'आ गे चीतारकी र'ई।

फिलिप्‍पी 1:6

अरा एंगा असरा र'ई का ई लेक्खा दौ नलखन धर्मेस निम्‍है नू ऒड़ नंजस, आस मसी येसुसी बरना उल्ला गूटी अदिन मुंजत'ओस चि'ओस।

1 तीमोथियुस 1:20

अबड़र नू हुमेनयुस अरा अलेक्‍सन्द्रस हूँ र'अनर। आरिन ऎन सैतान ही सवंग नू सोंपचकन चिच्‍चकन का अत्रु ती आर तम्‍है मलदौ नलखन अख़'ओर ती धर्मेसी बिड़दो ब'अनन अम्‍बोर।

2 तीमोथियुस 1:18

रायबड़ी उल्‍ला नू उर्बस आसी म‍इय्याँ कोड़हे सोग्‍गे नन्‍दस नेक‍अन। आस एंगा गे एका एका दौ नलखन इफेसुस नगरे नू नंजस, अदिन हों नीन बॆस अख़दय।

2 पतरस 3:12

धर्मेसी बरना उल्ला बर'आ गे रिझ गने पाब ऎरा, अरा ईद चाँड़हेम बर'आ गे तिहा नन्त'आ। अउला नू मेर्ख़ा गुट्ठी ऒलो ती नठार'ओ क'ओ अरा मेर्ख़ा ता आलॊ गुट्ठी गौंगौंर'ओ ती चोदख़ो कालो।

1 यॊहन 5:16

एकअम ओर्तस तंग्है संगे मसी भईस खे'अना नू मल कड़हाब'अना ओन्टा पापन नन्नन ऎरदस होले, आस धर्मेस गुसन आस गे गोहरारना र'ई। होले एकास खे'अना नू मल कड़हाब'अना पापन नन्दस आस गे धर्मेस उज्जनन चि'ओस। लिकिन खे'अना नू कड़हाब'अना पाप हूँ र'ई। ऎन मल ब'अदन का ई लेक्खा पापन ननुर गे नीम गोहरारना र'ई।