3 ऎन गा मॆद नू निम्है मझी नू मलदन, लिकिन बॊलता नू निम्है मझी नू र'अदन। ऎन असन र'अदन एन्ने सोच'अरकी ई नलख नंजका आलासिन नेंवई नंज ख़च्चिकादन।
कलीसिया ही बहरी ता आलारिन नेंवई नन्ना एंग्है नलख मल्ला। लिकिन कलीसिया नू र'उर नॆ पाप नन्नर आरिन नेंवई नन्ना मानिम नू निम्है नलख दिम र'ई।
अक्कु ऎन पौलुस मसीसी लुदऊ अरा सोग्गे ती निमन ने'आ लगदन। निम्है ती जोक्क आलर ब'अनर का, “ऎन निम्है मझी नू र'अना बारी सन्नी अरा पयहा र'अदन लिकिन गेच्छा नू र'अना बारी निम्है मइय्याँ डिढगर गने र'अदन।”
नॆ इदन ब'अनर आर अख़'आ हो'आ का, ऎम गेच्छा र'अरकी एका कत्थन चिठी ती लिखदम, अबड़न दिम ऎम निम्है गने र'अना बारी नलख नन्ना ती ऎद'ओम।
ऎन दोसर खेप निम्है गुसन बरचकन ख़ने, मुन्द दिम ऎन निमन चेताबाचकन। ऎन अक्कु निम्है गुसन मल र'अदन, अन्नु हूँ ऎन अउरिम निमन चेताब'अदन। ऎन अउर निम्है गुसन बर'ओन होले, नॆ मुन्द पाप नंजकानर अरा नॆ अक्कु पाप नन्नर, नॆकन हूँ सोग्गे मल ऎरोन।
एन्देरगेका ऎन गा कया नू निमन ती गेच्छा र'अदन, लिकिन बॊलता नू निम्है गनेम र'अदन। निम्है दौ उज्जा ओक्कनन अरा मसीस नू निमा उइय्का पत्त'अना नू नीम एंवदा बड़ियर र'अदर, अदिन ऎरदन ती रिझ्रदन।
अना भईरो, ऎम एगघड़ी गे निम्है ती छिंड्रका रहचकम अन्नु हूँ एम्है सोचना गुट्ठी गा निम्है गने रहचा। ख़ने ऎम बग्गे चिहुट नंजकम अरा निमन कोड़हे ऎरा बेद्दा लिक्कम।