1 कोरिन्‍थ 5:13 - पुना गच्छरना NT (BSI)

¹³ धर्मेस गा बहरी ता आलारिन नेंवई ननोस। लिकिन नेम्‍हा पुथी नू लिख्रका लेक्‍खा, “नीम मलदौ आलारिन निम्‍है मझी ती ओथ्रना र'ई।”

1 कोरिन्‍थ 5:13 ပူးပေါင်းရင်းမြစ်များ

मत्तायोस 18:17

आस आरहिन मल मेन्‍दस होले कलीसिया नू तेंगा चि'आ। अरा आस कलीसियन हूँ मल मेन्‍दस होले, नीन आसिन मल पत्त'ऊ महले ऊज'ऊ लेक्‍खा अख़के।

त‍इरकर 17:31

एन्‍देरगेका आस ओन उल्‍लन ओकताचकादस। अउला आस आसी चाजरका आलस ती गोट्टा ख़ॆख़ेल ता आलारिन उजगो ती नेंव‍ई ननोस। आ आलासिन आस केचका ती उज्‍जा चॊदताचस ती ई कत्थन ओर्मारिन मानिम ऎदका र'अस।”

रोमी 2:16

ऎन निम्‍है नू तिंका दौ कत्‍था ही लेक्‍खा धर्मेस म‍सी येसुस ती आ उल्‍ला नू उर्मी आलर ही नूख़ुरका कत्‍था गुट्ठी ही नेंव‍ई ननोस।

1 कोरिन्‍थ 5:1

निम्‍है नू पेहरन ही सोतरा नलख र'ई एन्ने ऎन मानिम नू मेंजकन। ओन्‍टा आलस तंबासी मुक्‍कन उइय्दस, एन्ने पेहरन ही सोतरा नलख गा धर्मेसिन बल्लुर नू हूँ मल मनी।

1 कोरिन्‍थ 5:2

अन्नु हूँ नीम गा फुल‍ई ननुर हिकदर। इदगे नीम जिया दोलख़्रना ती एन्ने नलख नंजका आलासिन निम्‍है मझी ती ओथ्रना रहचा।

1 कोरिन्‍थ 5:5

आ बारी आ आलासिन आसी मॆद ही नठाब'आ गे सैतान गे सोंप'आ का ख़ॊख़ा आस पाप नन्नन अम्बरकी धर्मेस तरा किर्रोस होले आसी बॊलता गा उर्बासी किर्रना उल्‍ला नू नाड़रा ओंगो।

1 कोरिन्‍थ 5:7

पच्चा तिस्‍सन अम्‍बरकी पुना लिंडका गुंडा लेक्‍खा निमन नेम्‍हा कम'आ। मानिम नू नीम एन्ने बिगर तिस्‍सा ही आलर हिकदर, एन्‍देरगेका नम्‍है कट्टना ही भेंडो ख़द्द मसीस नमा गे दाँड़े मन्रकादस।

इब्रानी 13:4

बेंजा ओर्मर ती म‍ईन जॊगे बुझुरना र'ई। मॆतस अरा मुक्‍का ओर्त ओर्त गने पत्त'अना जॊगे र'अना र'ई। एन्‍देरगेका धर्मेस नन्ना आली महले आल गुसन कालुर अरा भड़वा ही सोतरा नलख ननुरिन दंडे चि'ओस।

2 पतरस 2:9

औंगे उर्बस अख़दस का धर्मेसिन इल्चू आलारिन आर ही बिढ़्रना ती एकासे बछाब'अना र'ई, अरा उजगो मलका आलारिन दंडे चि'अनुम चि'अनुम नेंवई उल्ला गे उइय्यना र'ई।