1 कोरिन्‍थ 5:11 - पुना गच्छरना NT (BSI)

¹¹ लिकिन अक्‍कुन ऎन निमा गे लिखदन का नीकईम तंगन पत्त'ऊ ब'अरकी आस पेहरन ही सोतरा नलख ननू महले लोभिया महले मूर्तिन ऒड़ लग्‍गू महले केबर'ऊ महले उंखू महले ठक'ऊ र'अदस होले, आस गने अमके मेस्र'आ, अरा एन्ने बेसे आलर गने ओन्‍ना मॊख़ना नू हूँ अमके मना।

1 कोरिन्‍थ 5:11 ပူးပေါင်းရင်းမြစ်များ

मत्तायोस 18:17

आस आरहिन मल मेन्‍दस होले कलीसिया नू तेंगा चि'आ। अरा आस कलीसियन हूँ मल मेन्‍दस होले, नीन आसिन मल पत्त'ऊ महले ऊज'ऊ लेक्‍खा अख़के।

मत्तायोस 23:25

अना उतुरमाड़ू नॆग सिखाब'ऊ अरा फरिसीरो, ओहरे निमा। नीम मौनी दरा छिपन बहरी बहरी मंजदर, लिकिन निम्‍है भितरी चिबाख़ारना अरा लोभ निंदकी र'ई।

लू‍कस 18:11

फरिसीस गा इज्‍जस ती एन्ने गोहरारस, ‘अना धर्मे, ऎन निंगन धन्‍यवाद नन्‍दन का ऎन नन्ना आलर लेक्‍खा ख़ड़'ऊ, अरा मलदौ ननू अरा भडुवा मलदन महले ई ऊज'उस लेक्‍खा हूँ मलदन।

लू‍कस 21:34

नीम चिहुंक ननके। ख़ॆख़ेल ता ओन्ना-मॊख़ना ही चिबाख़ारना अरा उंखना अरा ख़ॆख़ेल ही जिनिस ता फिकर ती निम्‍है जिया अम्‍बन बेहड़ार'आ का आ उल्‍ला निमा गे ‍अचका ही ‍अंड़सा ख़च्‍चो।

त‍इरकर 1:15

अबड़ा उल्‍ला नू उन्दुल मलागूटी ओन सौ बीस आलर ख़ॊंड़रका रहचर, पतरस आर ही मझी नू इज्‍जस ती बाचस,

त‍इरकर 9:17

तहाँ हनानियास उरखस ती यूदसी एड़पा कोरचस। अरा आस स‍उलसी म‍इय्याँ ख़ेक्खन उइय्यस ती बाचस, “अना भई स‍उल, उर्बा येसुस नॆ निंगन इसन बर'ओ बारी डहरे नू ऎथ्रकाचस, आस एंगन त‍इय्कादस का नीन अउर ऎरा ओंगोय, अरा नीन नेम्‍हा बॊलतस ती नीन्‍द'ओय क'ओय।”

रोमी 13:13

उल्‍ला ता आलर लेक्‍खा नाम उजगो डहरे नू ऎकदत नेकअन। नाम रिझ रंग अरा ऊंक्‍खना अरा पेहरन ही सोतरा नलख अरा लम्‍पट नलख अरा अरबानखरना अरा डाहना आबो ती तरकूटी र'अदत नेक‍अन।

रोमी 16:17

अना भ‍ईरो! निमन ऎन गोहरारदन का नीम एन्‍देर सिखाब'अना ख़क्‍खकर अदही बिड़दो नू निमन ख़ाँड़नर‍ अरा निम्‍है डहरे ती मूड़त'अनर आर ही ती चिहुंक अरा तरकूटी र'आ।

1 कोरिन्‍थ 10:14

औंगे एंग्‍है चोन्‍हा आलारो! मूर्ती गुट्ठिन ऒड़ लग्‍गना ती तरकूटी र'आ।

1 कोरिन्‍थ 11:21

एन्‍देरगेका ओनो बारी ओर्त ओर्तस तंग्‍है खुड़तिन नन्‍नारिन बिगर ख़ोख'अम ओन्‍दस। औंगे ओर्तस कीड़म र'अदस, अरा नन्नस उंखदस कादस।

1 कोरिन्‍थ 5:13

धर्मेस गा बहरी ता आलारिन नेंवई ननोस। लिकिन नेम्‍हा पुथी नू लिख्रका लेक्‍खा, “नीम मलदौ आलारिन निम्‍है मझी ती ओथ्रना र'ई।”

1 कोरिन्‍थ 6:10

महले ख़लबर महले लोभिया महले उंखुर महले केबर'उर महले ठक'उर धर्मेसी राजी नू हिसा मल मनोर।

1 कोरिन्‍थ 6:6

एन्ने मल ननरकी भई भईसी बिड़दो नू नेंव‍ई एड़पा कादस, आद हूँ मल पत्त'ऊ आलर ही मुन्‍दहारे एन्ने नन्‍दस।

1 कोरिन्‍थ 6:9

एन्‍देर नीम बलदर का मलदौ ननू आलर धर्मेसी राजी नू मल कोर'ओर? अमके ठकर'आ! पेहरन ही सोतरा नलख ननुर, महले मूर्तिन ऒड़ ननुर, महले नन्ना आली गुसन कालुर, महले लम्‍पट, महले मॆतर मॆतर गुसन अरा आलीर आलीर गुसन सोतरा ननुर,

1 कोरिन्‍थ 7:12

नन्‍नर ही पत्त नू उर्बस मला ऎनिम एन्ने ब'अदन का, ओर्त पत्त'ऊ आलासी मुक्‍का मल पत्त'ऊ आली र'ई, अरा आद आस गने र'आ गे पत्तार'ई होले, आस अदिन अम्‍बोस अम्‍बा।

1 कोरिन्‍थ 7:15

लिकिन मल पत्त'ऊ मॆतस महले मुक्‍का अम्‍बर नख्रनर बेद्दनर होले, अम्‍बरनर नेकअन। एन्ने दसा नू पत्त'ऊ मॆतस महले मुक्‍का बेंज्रका ही हॆंरका नू र'आ गे चाड़ मलकी, एन्‍देरगेका धर्मेस नमन सान्‍ति ती उज्‍जा गे मीख़कादस।

1 कोरिन्‍थ 8:11

निम्‍है लूर ही चड्डे जुक्की पत्त'अना र'ऊ भईस मल नठारना र'ई। मसीस आस गे हूँ केच्‍चस।

गलातिया 2:12

याकॊबस तरती जोक्‍क आलर बरचर, अदही ती मुन्‍द पतरस नन-यहूदीर गने ओक्‍करकी ओना मॊख़ा लगियस। लिकिन आर बरचर ख़ने आस खतना मंजका आलर ही इल्‍चिक'आ ती पछली मंजस केरस अरा तरकूटी मना हेलरस।

इफेसुस 5:18

अरा उंखू अमा मना, एन्‍देरगेका इत्रु भड़ुवा नलख मनी। लिकिन नेम्हा बॊलतस ती नींदनुम कला।

इफेसुस 5:5

नीम इदिन अख़ना दिम र'ई का पेहरन ही सोतरा नलख ननुस महले एकअम रकम ही सोतरा नलख ननुस महले मूर्तिन ऒड़ लग्गुसी जोक्खा लोभिया मसीसी अरा धर्मेसी राजी नू काना ही आसीस आबोन मल ख़क्खोस।

कोलोस्से 3:5

औंगे पेहरन ही सोतरा नलख, अरा पाप ती सोतरा मन्ना, अरा चिबाख़ारना, मलदौ मइय्याँ ता मने, अरा मूर्तिन ऒड़ लग्‍गना ही जोक्खा लोभिया, इबड़ा जम्मा पाप ही सुबहा हवे। इबड़ा मलदौ आबोन नन्नन अम्बा चि'आ।

2 थेस्‍सलोनिकॆयर 3:14

एकअम ओर्तस ई चिठी नू लिख्रकी र'ई अदिन मल पेस्रदस होले आसिन ऎरनुम र'आ। अरा आसी गने अमा मेस्र'आ का आस ई चड्डे लज्‍जे मोख़्र'ओस।

2 थेस्‍सलोनिकॆयर 3:6

अना भईरो! अक्‍कु नम्‍है उर्बस येसु मसीसी आकुस ती ऎम निमन पॆसदम का एका पत्त'ऊ आलर लंडी र'अनर अरा एम्‍है गुस्‍ते सिख्रका चाल लेक्‍खा मल नन्नर अरा मल ऎकनर आर ही ती तरकूटी र'आ।

1 तीमोथियुस 3:3

आस उंखुस अरा पस'ऊ कूड़ू अम्‍बोस र'आ। लिकिन आस लुद‍ऊ र'अना र'ई। आस नग्‍गानख्र‍'ऊ अरा ढिबा ही चिबाख़ार‍'ऊ अम्‍बोस र'आ।

1 तीमोथियुस 6:5

अरा रेन्‍द नग्गानखरना नन्‍तेम र'अना मनी। एन्ने आर ही बुधी बगड़ारकी किरकी र'ई। अरा आर मानी ती खत्रका केरका र'अनर। आर घोकनर का महबा अर्ज'अना ही डहरे।

2 यॊहन 1:10

एकअम ओर्तस निम्है गुसन बर'ओस ती मसीसी ई सिखाब'अना ती नन्ना कत्थन सिखाब'अदस होले, आसिन निम्है एड़पा नू अमा परघ'आ अरा आसिन मोंजरा हूँ अमा नना।

दहदर मंजका कत्‍था 2:14

अन्नु हूँ एंगा गे निंग्हा बिड़दो नू जोक्क कत्था र'ई। निम्‍है नू बालामसी सिखाब'अनन मन'ऊ जोक्क आलर र'अनर। ई बालामस दिम बालाक बॆलासिन इस्राऎल आलारिन मूड़त'आ गे सलहा चिच्‍चस का, आर मूर्ती गुट्ठी गे दाँड़े अरगका ओन्ना-मॊख़नन मॊख़ोर अरा पेहरन ही सोतरा नलखन ननोर।

दहदर मंजका कत्‍था 2:20

अन्नु हूँ एंगा गे निंगा बिड़दो नू जोक्क कत्था र'ई। नीन आ आली येजबेल आबोन निंग्‍है मझी नू र'आ चि'अदय। आद तंगन धर्मेसी कत्था तिंगू ब'ई, अरा आद तंग्है सिखाब'अना ती एंग्‍है जॊख़ारिन पेहरन ही सोतरा नलख नना गे, अरा मूर्ती गुट्ठी गे दाँड़े अरगका ओन्ना-मॊख़नन मॊख़ा गे भेंवाब'ई।

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”

दहदर मंजका कत्‍था 22:15

लिकिन अल्‍ला लेक्खा नेम्हा मलका आलर, अरा टोनहर, अरा पेहरन ही सोतरा नलख ननुर, अरा आल पिटुर, अरा मूर्तिन ऒड़ लग्गुर, अरा ठकवा कत्‍था गुट्ठिन पत्त'अरकी अबड़ा नू ईकू ओर्मर नगरे ही बहरी र'ओर।