1 कोरिन्‍थ 5:1 - पुना गच्छरना NT (BSI)

¹ निम्‍है नू पेहरन ही सोतरा नलख र'ई एन्ने ऎन मानिम नू मेंजकन। ओन्‍टा आलस तंबासी मुक्‍कन उइय्दस, एन्ने पेहरन ही सोतरा नलख गा धर्मेसिन बल्लुर नू हूँ मल मनी।

1 कोरिन्‍थ 5:1 ပူးပေါင်းရင်းမြစ်များ

त‍इरकर 15:20

लिकिन नाम आर गे लिख'ओत का आर मूर्ती गुट्ठी गे अरगका ओन्ना-मॊख़ना अरा उर्मी रकम ही पेहरन ही सोतरा नलख ती अरा घोंघन पॆदख़का मेक्‍खो गुट्ठी ही अहड़ा अरा ख़ॆंस ती तरकूटी र'ओर।

त‍इरकर 15:29

नीम मूर्ती गुट्ठी गे अरगका ओन्ना-मॊख़ना अरा ख़ॆंस अरा घोंघन पॆदख़का मेक्‍खो गुट्ठी ही अहड़ा अरा उर्मी रकम ही पेहरन ही सोतरा नलख ती तरकूटी र'अके। इबड़ा ती नीम तरकूटी र'ओर होले निमा गे दौ मनो। निम्‍है दौ मनन नेक‍अन।”

1 कोरिन्‍थ 1:11

अना एंग्है भईरो, निम्‍है मझी नू नग्‍गानख्रना गुट्ठी र'ई एन्ने ऎन ख़लोऎ ही एड़पातर ती मेंजकन।

1 कोरिन्‍थ 5:11

लिकिन अक्‍कुन ऎन निमा गे लिखदन का नीकईम तंगन पत्त'ऊ ब'अरकी आस पेहरन ही सोतरा नलख ननू महले लोभिया महले मूर्तिन ऒड़ लग्‍गू महले केबर'ऊ महले उंखू महले ठक'ऊ र'अदस होले, आस गने अमके मेस्र'आ, अरा एन्ने बेसे आलर गने ओन्‍ना मॊख़ना नू हूँ अमके मना।

1 कोरिन्‍थ 6:13

“ओन्ना-मॊख़ना कूल गे, अरा कूल ओन्ना-मॊख़ना गे हवे” एन्ने हूँ नीम ब'आ ओंग्दर। लिकिन धर्मेस एंड़ानिम उन्‍दुल नाठाब'ओस। लिकिन मॆद गा पेहरन ही सोतरा नलख गे मला, आद उर्बस गे दिम हवे। अरा उर्बस हूँ नम्‍है मॆद म‍इय्याँ तिहा ननू र'अदस।

1 कोरिन्‍थ 6:18

औंगे पेहरन ही सोतरा नलख ती बोंगा। अउर नन्ना पाप एकदा आलस नन्दस, अबड़ा जम्मा पाप गुट्ठी मॆद ती बहरी मनी। लिकिन पेहरन ही सोतरा नलखन ननू आलस तंग्‍है मॆद ही बिड़दो दिम पाप नन्‍दस।

1 कोरिन्‍थ 6:9

एन्‍देर नीम बलदर का मलदौ ननू आलर धर्मेसी राजी नू मल कोर'ओर? अमके ठकर'आ! पेहरन ही सोतरा नलख ननुर, महले मूर्तिन ऒड़ ननुर, महले नन्ना आली गुसन कालुर, महले लम्‍पट, महले मॆतर मॆतर गुसन अरा आलीर आलीर गुसन सोतरा ननुर,

2 कोरिन्‍थ 12:21

अरा एन्ने अम्बो मना का ऎन निम्है गुसन अउर बरना बारी, एंग्‍है धर्मेस निम्‍है मुन्दहारे एंगन किय्या नन्त'ओस, अरा एंगा अबड़ा बग्‍गे आलर गे कलपारना मनो का नॆ मुन्द नंजका पाप ती सोतरा मन्ना, पेहरन ही सोतरा नलख, पसड़ा गुट्ठी ती जिया मल किरताचर।

2 कोरिन्‍थ 2:5

अक्‍कुन एकअम ओर्तस दुक्‍खे चिच्‍चस होले, आस एंगन लेका मला, ओन तरती नीम ओर्मारिन हूँ दुक्‍खे चिच्‍चकादस। ऎन इदिन कोड़हे जॊर नना मल बेद्ददन।

2 कोरिन्‍थ 7:12

मानिम नू ऎन आ चिठिन इदगे मल लिखचकन का मलदौ ननू आलर अरा मलदौ सह'ऊ आलर ही एंगा सोच रहचा। लिकिन धर्मेसी ऎरना नू नीम निमन एमा गे ऎ कोड़हे चिच्कादर एन्ने नीम अख़'आ गे दिम ऎन आ चिठिन लिखचकन।

गलातिया 5:19

कया ही नलख गुट्ठी गा दहदर र'ई, पेहरन ही सोतरा नलख, सोतबोड़'आ, पेहरन ही मलदौ ख़न्न,

इफेसुस 5:3

अरा निम्‍है मझी नू पेहरन ही सोतरा नलख अरा एकअम रकम ही सोतरा नलख महले लोभिया मल र'अना र'ई। धर्मेसी नेम्हा आलर गे इबड़ा जॊगे मल र'अना ती इबड़ा ही पत्त नू कछनख्रना हूँ मल मन्ना र'ई।

कोलोस्से 3:5

औंगे पेहरन ही सोतरा नलख, अरा पाप ती सोतरा मन्ना, अरा चिबाख़ारना, मलदौ मइय्याँ ता मने, अरा मूर्तिन ऒड़ लग्‍गना ही जोक्खा लोभिया, इबड़ा जम्मा पाप ही सुबहा हवे। इबड़ा मलदौ आबोन नन्नन अम्बा चि'आ।

1 थेस्‍सलोनिकॆयर 4:7

एन्‍देरगेका धर्मेस नमन नेम्‍हा उज्‍जना उज्‍जा गे मीख़कादस, सोतबोड़'आ उज्‍जना उज्‍जा गे मल्‍ला मीख़का।

दहदर मंजका कत्‍था 2:21

ऎन अदगे जियन किर्त'आ गे बेड़ा चिच्चकन, लिकिन आद तंग्है पेहरन ही सोतरा नलख ती जियन किर्त'आ गे मल बिद्दी।

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”