1 कोरिन्‍थ 4:9 - पुना गच्छरना NT (BSI)

⁹ लिकिन एंगा एन्ने लग्‍गी का, आलर नॆ खे'अना ही पेसेर ख़च्चिकानर आर लेक्‍खा धर्मेस ऎम तइरकारिन ओर्मर ती ख़ॊख़ा र'आ गे नंजकादस। ऎम ख़ॆख़ेल राजी गे अरा मेर्ख़ा पैकर गे अरा आलर गे बॆचना लेक्‍खा मंजकादम।

1 कोरिन्‍थ 4:9 ပူးပေါင်းရင်းမြစ်များ

त‍इरकर 19:29

अरा सौंसे नगरे नू हुलहुली मंजा केरा। आर पौलुस गने डहरे ऎकना नू संगे मंजका मकेदोनिया ता आलर गायोस अरा अरिस्‍तरख़ोसिन धरचर ती अखड़ा टोंका नू बोंगर।

त‍इरकर 19:31

अरा आसिया ता जोक्‍क मुद्धर पौलुसी सखी रहचर। आर हूँ खभर त‍इय्यर अरा गोहरारर का आस अखड़ा टोंका नू अम्‍बोस काला।

रोमी 8:36

एकासे का नेम्‍हा पुथी नू लिख्रकी र'ई, “निंगा चड्डे गा ऎम गोट्टा उल्‍ला नू खे'अना ही अपलोक नू र'अदम, अरा आलर ती ऎम पिटरना भेंडो लेक्‍खा बुझुरदम।”

1 कोरिन्‍थ 15:19

नाम ई ख़ॆख़ेल ही उज्‍जना गूटी गे लेका मसीस नू असरा उइय्यू र'अदत होले, नाम उर्मी आलर ती कोड़हे खत्रका दसा नू र'अदत।

2 कोरिन्‍थ 11:23

आर लेका मसीसी जॊंख़र का? (ऎन लूर मलका बेसे एन्ने ब'अदन।) ऎन आरहिन ती हूँ बड़ियर जॊंख़न हिकदन। ऎन ई सुसर नलख नू कोड़हे अर्जाचकन, अरा बग्गे हॆल जेहेल नू पहाबाचकन‍, अरा कोर्रा ती बग्‍गे लौर मोक्‍कन, ऎन बग्गे हॆल खे'अना ती बछ्रकन।

2 कोरिन्‍थ 6:9

ऎम चिन्‍हार मल्‍कम एन्ने सोचना ती हूँ बॆस चिन्हार आलम र'अदम। ऎम खे'आ बेद्दालदम एन्ने सोचना ती हूँ उज्‍जू आलम र'अदम। ऎम पस्‍का कोड़रका र'अदम, लिकिन मल पिटरदम।

1 थेस्‍सलोनिकॆयर 3:3

औंगे नॆ हूँ इबड़ा खिलपत चड्डे अम्‍बोर नुक्र'आ। लिकिन नीम गा अख़दर दिम ऎम ई खिलपत गेम उइरकादम।

इब्रानी 1:14

उर्मी मेर्ख़ा पैकर तेतर-सुसर ननू बॊलता हिकनर, नॆ नाड़रनन ख़क्‍खोर आर गे संगरा नना गे अबड़ा त‍इतार'ई।

इब्रानी 10:33

एका एका बारी गा नीम गोंहड़ा ही मुन्‍दहारे लज्‍जे मॊख़रकर अरा डाहरकर। अरा एका एका बारी नीम एन्ने दसा नू र'उर गने संगे चिच्‍कर।

इब्रानी 11:36

जोक्‍क आलर लज्‍जे मॊख़रका ती कोर्रा ती मार मॊख़रर। अरा नन्नर हॆंरका ती जेहेल नू सजतारर।