1 कोरिन्‍थ 4:7 - पुना गच्छरना NT (BSI)

⁷ एन्‍देरगेका नॆ हूँ निंगन नन्ना पत्त'उर ती कोड़हे मुध आलस एन्ने मल्‍ला कमचका। धर्मेसी नलख नना गे इन्द्रिइम निंग्‍है गुसन र'ई, आद धर्मेस ती बर'ई। औंगे अबड़ा आकुस धर्मेस निंगा गे चिच्‍चस एन्ने नीन मन्‍दय होले, अबड़न ओन्‍टा इनाम रूपे नू ख़क्‍खकय एन्ने मल सोच'अरकी एन्‍देरगे फुलई मन्‍दय?

1 कोरिन्‍थ 4:7 ပူးပေါင်းရင်းမြစ်များ

लू‍कस 19:13

आस काना ती मुन्‍द तंग्‍है दस जॊंख़ारिन मीख़ियस अरा आर गे दस गोटंग मोहोर चिच्‍चस ती बाचस, ‘एंग्‍है किर्ना गूटी ख़ेन्‍दके पिटके।’

यॊहनस 1:16

अरा आसी मया ही निंद्रका ती नाम ओर्मत आसीस ही म‍इय्याँ आसीस ख़क्‍खकादत।

यॊहनस 3:27

यॊहनस आनाकिर्ताचस, “नॆ हूँ एन्‍द्रन हूँ मल ख़क्‍खनर, एका गूटी धर्मेस मेर्ख़ा ती अदिन मल चि'अदस।

रोमी 1:5

धर्मेस येसुस ती एमा मया अरा त‍इरका मन्ना ही हदा चिच्‍चस का आसी नामे ही चड्डे उर्मी जातियर पत्त'ओर ती आसी पॆसकन ननोर।

रोमी 12:3

एन्‍देरगेका धर्मेस एंगा त‍इरका मन्ना ही मया चिच्‍चस, आ आकुस ती ऎन निमन ओर्मारिन आनदन, एकासे नीम निमन बुझ्रना र'ई अत्रु ती कोड़हे अमा सोच'आ। एकासे का धर्मेस निमा ओर्मर गे ऎ बग्‍गे पत्त'अना ही ख़ंजपा ख़ट्टिका चिच्का र'अदस अदही लेक्‍खा निमन लूरगर गने जोक्ख'आ।

रोमी 12:6

नमा ख़क्ख्रका मया ही लेक्‍खा नमा गे नन्ना नन्ना ख़ंजपा ख़क्‍ख्रकी र'ई। नॆका धर्मेसी कत्‍था तेंगना ही ख़ंजपा ख़क्‍ख्रकी र'ई होले, आस आस गे ख़क्ख्रका प‍त्त'अना ही जोखना लेक्‍खा अदिन नन्‍दस नेकअन।

1 कोरिन्‍थ 15:10

अन्नु हूँ ऎन तइरकन र'अदन होले, आद धर्मेसी मया ती र'अदन। अरा आसी मया एकदा एंग्हा म‍इय्याँ र'ई, आद एन्‍द्रा हूँ अयंध'आ मल मंजा। अबड़ा ओर्मा त‍इरकर ती ऎन कोड़हे तिहा नंजकन। लिकिन ऎन एंग्है ती मला, एंग्‍है नू नलख ननी आ धर्मेसी मया तिम ऎन अदन नन्दन।

1 कोरिन्‍थ 3:5

होले अप्‍पोल्लॊस मुध हिकदस का? अरा ऎन पौलुस मुध हिकदन का? ऎम गा निमन पत्त'अना नू ओन्‍द्रका उर्बासी सुसर ननू लेका हिकदम। ऎम ओर्त ओर्त उर्बस एमा गे सोंपचका नल‍खन नंजकम।

1 कोरिन्‍थ 5:6

निम्‍है फुल‍ई मन्ना दौ मल्‍ला हिके। नीम एन्‍देर बलदर का कटी गुना तिस्‍सा ओर्मा लिंडका गुंडन तिस्‍सा ननी चि'ई?

1 कोरिन्‍थ 7:7

ओर्मा आलर हूँ गा एंग्‍है लेक्‍खा डिंडा र'आ गे ऎन बेद्ददन। लिकिन धर्मेस तरती ओर्मर गे मुध इनाम ख़क्‍ख्रकी र'ई। ईद ओर्तोस ओन बेसे नन्‍नस गे नन्‍ना बेसे र'ई।

याकॊब 1:17

उर्मी दौ अरा बॆस इनाम धर्मे बंगस ती बर'ई, नॆ मेर्ख़ा ता उर्मी बिल्लिन गढ़चस। आस ऎख़ अड्डा अड्डा बदलारना बेसे बदलार'ऊ मलदस।

1 पतरस 4:10

नीम ओर्मर धर्मेस ती ख़क्खका इनामन बउरारकी ओर्त ओर्त गे सुसर नना। एन्नेम नन्ना नन्ना रकम ती बरना धर्मेसी मया आबोन मानी गने उय्यू-उस्र'ऊ मना।