1 कोरिन्‍थ 4:21 - पुना गच्छरना NT (BSI)

²¹ नीम एन्‍देर बेद्ददर? ऎन टेम्पा धर'ओन ती बर'ओन का, महले चोन्‍हा अरा लुदऊ जिया ही बॊलता गने बर'ओन का?

1 कोरिन्‍थ 4:21 ပူးပေါင်းရင်းမြစ်များ

1 कोरिन्‍थ 4:18

ऎन निम्‍है गुसन अउर मल बर'ओन एन्ने सोच'अरकी निमा नू जोक्‍कोर इतरारर केरर।

1 कोरिन्‍थ 5:5

आ बारी आ आलासिन आसी मॆद ही नठाब'आ गे सैतान गे सोंप'आ का ख़ॊख़ा आस पाप नन्नन अम्बरकी धर्मेस तरा किर्रोस होले आसी बॊलता गा उर्बासी किर्रना उल्‍ला नू नाड़रा ओंगो।

2 कोरिन्‍थ 1:23

अक्‍कुन ऎन निमन चेताबचकन ती दुक्‍खे मल चि'आ गे दिम कोरिन्‍थ नगरे गे मल बरचकन। इदगे धर्मेस दिम एंगा गोवाह र'अदस।

2 कोरिन्‍थ 10:6

अरा नीम पूरी तरा पॆस्र'उर मंजका ती ख़ॊख़ा, एंगरका मल पॆस्र'उर गे दंडे चि'आ गे ऎम सपड़ारकादम।

2 कोरिन्‍थ 10:8

उर्बस एमा गे चिच्का अदिया ही पत्त नू ऎन कोड़हे फुलई मन्दन होले हूँ, आ फुलई मन्ना ही पत्त नू ऎन मल लज्रदन, एन्देरगेका निमन नठार'आ गे मला, निमन परद'आ गेम आस आ अदियन चिच्का र'अस।

2 कोरिन्‍थ 12:18

ऎन तीतुसिन निम्है गुसन बर'आ गे आनकन अरा आस गने एम्है नन्ना ओर्त भईसिन हूँ तइय्कन। एन्देर नीम ब'आ ओंग्दर का तीतुस निम्है ती इन्द्रिइम नफा होच्चस? ऎम इरबारिम ओन्टेम बॊलता नू मल उज्जकम उक्कम का? अरा ओन्टे डहरे नू मल ईक्‍कम का?

2 कोरिन्‍थ 13:10

ऎन निम्है ती गेच्छा नू र'अना बारी इबड़ा कत्थन इदगे लिखदन का, ऎन निम्है गुसन बर'ओन ख़ने, उर्बस एंगा चिच्का अदिया ती निम्है गने सकत गने इन्द्रिइम नन्ना मल मनो। एन्‍देरगेका एंगा ई अदिया निमन बगड़'आ गे मला कम'आ गे चीतारकी र'ई।

2 कोरिन्‍थ 13:2

ऎन दोसर खेप निम्है गुसन बरचकन ख़ने, मुन्द दिम ऎन निमन चेताबाचकन। ऎन अक्‍कु निम्है गुसन मल र'अदन, अन्नु हूँ ऎन अउरिम निमन चेताब'अदन। ऎन अउर निम्है गुसन बर'ओन होले, नॆ मुन्द पाप नंजकानर अरा नॆ अक्कु पाप नन्नर, नॆकन हूँ सोग्‍गे मल ऎरोन।

2 कोरिन्‍थ 2:1

औंगे ऎन जिया नू घतचकन का ऎन निमन दुक्‍खे चि'आ गे निम्‍हा गुसन भेंट मना गे अउर मल बर'ओन।

2 कोरिन्‍थ 2:3

औंगे ऎन निमा गे एन्ने चिठी लिखचकन का, एंग्‍हा बरना ती नॆखा ती एंगा रिझ मन्‍ना रहचा, आर ती ऎन दुक्‍खे मना मल बेद्ददन। नीम ओर्मर एंग्‍है रिझ्रना नू मेस्रोर, एन्ने निम्‍है ओर्मर ही पत्त नू एंगा असरा र'ई।

2 कोरिन्‍थ 3:10

मुन्द ता महबा गने अक्कु ता महबन जोख'ओम होले, अक्कु ता महबा कोड़हे बॆस र'ई।

गलातिया 6:1

अना भईरो! नीक‍ईम पाप नन्नुम धर'ओर क'ओर होले, नीम आसिन सोग्‍गे ऎरा ती दौ डहरे नू हो'आ, नीम गा नेम्‍हा बॊलतासी पखड़ मंजका आलर हिकदर। अरा निमन हूँ चिहुंक उइय्या का नीम हूँ बिढ़्रना नू अम्‍बोर खत्र'आ।

1 थेस्‍सलोनिकॆयर 2:7

ऎम मसीसी तइरका मन्‍ना चड्डे निम्‍है मइय्या ओत्‍था लद'आ ओंगा लिक्‍कम। लिकिन एकासे अयंग तंग्‍है ख़द्द-ख़र्रन उन्‍त'ई तिंद'ई, अन्नेम ऎम हूँ निम्‍है गने रहचकम।

याकॊब 3:17

लिकिन एका लूर धर्मेस गुस्ते बर'ई, आद मुन्द गा नेम्हा र'ई। फेन आद सान्ति आबोन बेद्दू, अरा लुदऊ मनू, तबे नू र'ऊ, अरा सोग्‍गे अरा दौ ख़ंजपा ती निंदका, अरा तीना मल ख़ाँड़ू, मानिम गने र'ऊ र'ई।