1 कोरिन्‍थ 4:20 - पुना गच्छरना NT (BSI)

²⁰ एन्‍देरगेका धर्मेसी रा‍जी कत्‍था गुट्ठी नू मला, लिकिन धर्मेसी सवंग ती उज्‍जना नू र'ई।

1 कोरिन्‍थ 4:20 ပူးပေါင်းရင်းမြစ်များ

रोमी 1:16

ऎन गा दौ कत्‍थन मेन्‍त'आ गे मल लज्‍जरदन। ईदिम पत्त'ऊ आलर ओर्मर गे मुन्‍द यहूदीर गे अरा ख़ॊख़ा नन-यहूदी आलर गे नाड़रना ही धर्मेसी सवंग ही डहरे हिके।

रोमी 14:17

एन्‍देरगेका धर्मेसी राजी ओन्ना-मॊख़ना ही पत्त ता मला, लिकिन ईद नेम्‍हा बॊलतस नू उजगो मन्ना अरा कोड़े अरा रिझ्रना ही पत्त नू र'ई।

रोमी 15:19

अबड़ा चिन्‍हा अरा अजगुत नलख गुट्ठी ही सवंग धर्मेसी बॊलता ही सवंग ती मंजा। ई लेक्‍खा ऎन येरुसलॆम ती इल्‍लुरिकोन ही ओनबेंड़र'आ मसीसी दौ कत्‍थन तेंगा कुद्दकन।

1 कोरिन्‍थ 1:24

लिकिन यहूदीर ती अरा नन-यहूदीर ती धर्मेस नॆकन मॆख़्रकादस, आर गे मसीस दिम धर्मेसी सवंग अरा धर्मेसी लूर हिकदस।

1 कोरिन्‍थ 2:4

अरा एंग्‍है ब'अना अरा एंग्‍है तेंगा कुद्दना नू लूर ही लोभाब'अना कत्‍था मल्‍ला, लिकिन‍ नेम्‍हा बॊलतासी सवंग ही ऎदना चि'अना रहचा।

2 कोरिन्‍थ 10:8

उर्बस एमा गे चिच्का अदिया ही पत्त नू ऎन कोड़हे फुलई मन्दन होले हूँ, आ फुलई मन्ना ही पत्त नू ऎन मल लज्रदन, एन्देरगेका निमन नठार'आ गे मला, निमन परद'आ गेम आस आ अदियन चिच्का र'अस।

1 थेस्‍सलोनिकॆयर 1:5

एम्‍है दौ कत्‍था निम्‍है गुसन कत्‍था लेका नू मल्‍ला अंड़सका, लिकिन नेम्हा बॊलतासी सवंग अरा कोड़हे पोकता गने हूँ अंड़सिया। एकासे का नीम अख़दर ऎम निमा गे निम्‍है मझी नू एकासे नंजकम ती रहचकम।