1 कोरिन्‍थ 4:2 - पुना गच्छरना NT (BSI)

² अरा एन्ने नलख ख़क्ख्रका ओर्तस मुन्‍द तंगन पत्त'अना जॊगे आलस एन्ने ऎदना मनी।

1 कोरिन्‍थ 4:2 ပူးပေါင်းရင်းမြစ်များ

मत्तायोस 25:21

उर्बस बाचस, ‘नीन दौ नंजकय, बॆस अरा पत्त'अना जॊगे जॊंख़य, नीन जुक्‍की नू पत्त'अना जॊगे रहचकय, निंगन बग्‍गे जिनिस मइय्याँ अदिया कम'ओन। बरा, निंग्‍है उर्बासी रिझ नू मेस्र'आ।’

मत्तायोस 25:23

आसी उर्बस आसिन बाचस, ‘नीन दौ नंजकय, बॆस अरा पत्त'अना जॊगे जॊंख़, नीन जुक्‍की नू पत्त'अना जॊगे रहचकय, निंगन बग्‍गे जिनिस मइय्याँ अदिया कम'ओन। बरा, निंग्‍है उर्बासी रिझ नू मेस्र'आ।’

लू‍कस 12:42

ख़ने उर्बस बाचस, “नॆ लूरगर अरा असरा जॊगे जॊंख़स र'‍‍अदस। उर्बस आसिन नन्ना जॊंख़र गे ठौका बेड़ा नू तम्‍है ओन्नन मॊख़नन चि'आ गे असरा नन्‍दस, फिन आस डहरे ऎका गे कादस।

1 कोरिन्‍थ 4:1

आलर एमन मसीसी जॊंख़ अरा धर्मेसी गम ही कत्‍था गुट्ठिन बुझ्रत'अना ही नलखन ख़क्ख्रका आलर अख़नर नेकअन।

1 कोरिन्‍थ 4:17

ई चड्डे दिम ऎन उर्बस नू पत्त'अना जॊगे एंग्‍है चोन्‍हा ख़द्दस तीमोथियुसिन निम्‍है गुसन तइय्कादन। ऎन उर्मी अड्डा नू उर्मी कलीसिया नू सिखाब'अना लेक्‍खा आस मसी येसुस नू एंग्‍है उज्‍जना ओक्‍कनन निमा गे सुरता ननोस।

1 कोरिन्‍थ 4:3

लिकिन एंग्‍है ऎरना नू ईद सन्नी कत्‍था हवे का ऎन नीम मलता आलर ही एकअम नेंवई ननुस ती नेंवई नन्तार'ओन। ऎन हूँ गा एंगन नेंव‍ई मल नन्‍‍दन।

1 कोरिन्‍थ 7:25

अक्‍कु डिंडा कुक्‍केर ही पत्त नू एंगा उर्बस ती एन्‍देर पॆसका हूँ मल्‍ला ख़क्‍ख्रका। लिकिन ऎन पत्त'अना जॊगे मना गे उर्बासी सोग्‍गे ती एंग्‍है सलहा चि'अदन।

2 कोरिन्‍थ 2:17

बग्‍गेर तम्‍है नफा गे धर्मेसी कत्‍था नू मेसाब'अनर, लिकिन ऎम अबड़ा आलर लेक्‍खा मलकम। ऎम गा धर्मेस ती तइरका आलर लेक्‍खा धर्मेसी मुन्‍दहारे मसीसी सवंग गने मानिम गने कत्‍थन तेंगा कुद्दम।

2 कोरिन्‍थ 4:2

अरा ऎम लज्‍जे ही नुड़ना लेक्खा नलख गुट्ठी मल नन्दम, अरा ऎम कसरहा मल नन्दम, अरा ऎम धर्मेसी कत्‍थन मल बदल'अदम। अन्‍ति मानिमन दहदहर'आ तेंगा कुद्दम ती धर्मेसी मुन्दहारे ओर्त ओर्त आलासी लखना नू ऎम उजगो आलम एन्ने ऎद्ददम चि'अदम।

कोलोस्से 1:7

ई दौ कत्थन नीम एम्है गने सुसर ननू एम्है चोन्हा भई एपाफ्रास ती सिख्रकर। आस एम्है ऊजी नू निम्है मझी नू मसीसी पत्त'अना जॊगे सुसर ननुस हिकदस।

कोलोस्से 4:17

अरा नीम अर्ख़िप्पोसिन आनके का, “एका सुसर'अना उर्बस निंगा चिच्कादस, अदिन चिहुंक लगे पूरा ननके।”

कोलोस्से 4:7

दुलारु भई अरा पत्त'अना जॊगे सुसर'उस अरा उर्बासी नलख नू एंग्है गने सुसर ननू तुख़िखोस, एंग्‍है पत्त ता उर्मी हलन निमन तेंगोस।