1 कोरिन्‍थ 4:17 - पुना गच्छरना NT (BSI)

¹⁷ ई चड्डे दिम ऎन उर्बस नू पत्त'अना जॊगे एंग्‍है चोन्‍हा ख़द्दस तीमोथियुसिन निम्‍है गुसन तइय्कादन। ऎन उर्मी अड्डा नू उर्मी कलीसिया नू सिखाब'अना लेक्‍खा आस मसी येसुस नू एंग्‍है उज्‍जना ओक्‍कनन निमा गे सुरता ननोस।

1 कोरिन्‍थ 4:17 ပူးပေါင်းရင်းမြစ်များ

मत्तायोस 24:45

नॆ लूरगर अरा असरा जॊगे जॊंख़स र'अदस। उर्बस आसिन नन्ना जॊंख़र गे ठौका बेड़ा नू तम्‍है ओन्ना-मॊख़नन चि'आ गे असरा नन्‍दस, फिन आस डहरे ऎका गे कालदस।

मत्तायोस 25:21

उर्बस बाचस, ‘नीन दौ नंजकय, बॆस अरा पत्त'अना जॊगे जॊंख़य, नीन जुक्‍की नू पत्त'अना जॊगे रहचकय, निंगन बग्‍गे जिनिस मइय्याँ अदिया कम'ओन। बरा, निंग्‍है उर्बासी रिझ नू मेस्र'आ।’

मत्तायोस 25:23

आसी उर्बस आसिन बाचस, ‘नीन दौ नंजकय, बॆस अरा पत्त'अना जॊगे जॊंख़, नीन जुक्‍की नू पत्त'अना जॊगे रहचकय, निंगन बग्‍गे जिनिस मइय्याँ अदिया कम'ओन। बरा, निंग्‍है उर्बासी रिझ नू मेस्र'आ।’

त‍इरकर 16:1

इदही ख़ॊख़ा पौलुस अरा सीलास देरबॆ नगरे केरर, अरा असन ती लुस‍त्रा नगरे अंड़सियर। असन तीमोथियुस नामे ओन्‍टा पत्त'ऊ आलस रहचस। आसी अयंग यहूदी पत्त'ऊ आली रहचा अरा बंगस युनानी आलस रहचस।

1 कोरिन्‍थ 11:16

लिकिन नेकइम ई पत्त नू आनानख्र'आ बेद्ददस होले, इदन अख़'आ हो'आ का एमा गे महले धर्मेसी कलीसिया गुट्ठी गे अउर नन्ना नेगचार मल्‍ला।

1 कोरिन्‍थ 11:2

ऎन निमन सवंर'अदन का नीम एंगन उर्मी कत्‍था नू सुरता नन्‍दर अरा ऎन एन्‍द्रा निमा गे सिखाबाचकन, अबड़न नीम नन्‍दर।

1 कोरिन्‍थ 11:34

नॆका कीड़ा लग्‍गी होले, आस तंग्‍है एड़पा नू ओन्दस नेकअन। औंगे नीम ख़ॊंड़रना बारी दंडे ही जॊगे अम्‍बोर मनोर। अरा नन्ना कत्‍था ही पत्त ता तिगाब'अनन ऎन बरना बारी चि'ओन।

1 कोरिन्‍थ 14:33

एन्‍देरगेका धर्मेस बिगड़'अना ही मला लिकिन सान्‍ति ही धर्मेस हिकदस। नेम्‍हा आलर ही उर्मी कलीसिया गुट्ठी नू र'अना लेक्‍खा,

1 कोरिन्‍थ 16:1

अक्‍कु येरुसलॆम ता नेम्‍हा आलर गे ख़ॊजना बरार ही पत्त नू एंग्‍है ब'अना ईद र'ई का, गलातिया जिला ता कलीसिया गुट्ठी गे नना गे ऎन एन्‍देर पॆसकादन, अदन नीम हूँ नना।

1 कोरिन्‍थ 16:10

तीमोथियुस निम्‍है गुसन बर'ओस होले, आस निम्‍है मझी नू र'ओ बारी बिगर एल्‍चका ती र'आ गे तिहा ननके। एन्‍देरगेका आस एंग्‍है लेक्‍खम उर्बासी नलख नन्‍दस।

1 कोरिन्‍थ 4:14

ऎन निमन लज्‍जे मॊख़त'आ गे इदन मल लिखदन। लिकिन निमन एंग्‍है चोन्‍हा ख़द्द ब'अरकी निमन तिगाब'अदन।

1 कोरिन्‍थ 4:15

एन्‍देरगेका मसी नू निमा गे दस हजार सिखाब'ऊ र'ओर, लिकिन निमा गे कैनो गोटंग बंगर मला। ऎन मसी येसुस नू दौ कत्‍था ती निम्है बंग मंजकन।

1 कोरिन्‍थ 4:2

अरा एन्ने नलख ख़क्ख्रका ओर्तस मुन्‍द तंगन पत्त'अना जॊगे आलस एन्ने ऎदना मनी।

1 कोरिन्‍थ 7:17

औंगे ओर्त ओर्त गे उर्बस तंग्‍है उज्‍जना नू ओकताचका लेक्‍खा, अरा धर्मेस तंगन मॆख़्रका मॆख़ना लेक्‍खा दिम तंग्‍है उज्‍जनन चलाब'अना र'ई। ऎन उर्मी कलीसिया गे एन्नेम नॆग चि'अदन।

1 कोरिन्‍थ 7:25

अक्‍कु डिंडा कुक्‍केर ही पत्त नू एंगा उर्बस ती एन्‍देर पॆसका हूँ मल्‍ला ख़क्‍ख्रका। लिकिन ऎन पत्त'अना जॊगे मना गे उर्बासी सोग्‍गे ती एंग्‍है सलहा चि'अदन।

2 कोरिन्‍थ 8:18

ऎम आसी गने ओर्त भईसिन हूँ तइय्यालदम, नॆ दौ कत्‍था तेंगा कुद्दना चड्डे उर्मी कलीसिया नू कोड़हे नामे ख़क्खका र'अस।

इफेसुस 6:21

अक्कु एम्है चोन्हा भईस उर्बस नू पत्त'अना जॊगे जॊंख़स तुख़िखोस एंग्है पत्त नू उर्मिन निमा गे तेंगोस। होले नीम हूँ ऎन एकासे र'अदन अरा एन्देर ननालदन उर्मिन अख़'आ ओंगोर।

फिलिप्‍पी 2:19

चाँड़हेम ऎन निम्‍है गुसन तीमोथियुसिन तइय्योन एन्ने उर्बा येसुस नू असरा नन्दन। होले ऎन आस ती निम्‍है हलन मेनोन ती रिझ्र'ओन।

फिलिप्‍पी 2:22

लिकिन तीमोथियुस गा ओन्टा ख़द्दस तम्बस गने नलख नू र'अना बेसे, आस एंग्है गने दौ कत्था तेंगना ही नलख नू सुसराचकादस। इत्रु ती आस तंगन पुरुब नंजकादस, अदन नीम अक्कर।

कोलोस्से 1:7

ई दौ कत्थन नीम एम्है गने सुसर ननू एम्है चोन्हा भई एपाफ्रास ती सिख्रकर। आस एम्है ऊजी नू निम्है मझी नू मसीसी पत्त'अना जॊगे सुसर ननुस हिकदस।

कोलोस्से 4:9

अरा आसी गने ऎन पत्त'अना जॊगे अरा दुलारु भई ओनॆसिमोसिन हूँ तइय्कादन। आस निम्‍है आलस दिम हिकदस। आर निमन इसता उर्मी कत्‍थन तेंगोर।

1 तीमोथियुस 1:18

अना तीमोथियुस एंग्‍है ख़द्द, मुन्‍द निंग्‍है पत्त नू तिंका धर्मेसी कत्‍था लेक्‍खा ऎन निंगन तिगाब'अदन। नीन इदिन सुरता नना अरा इदिन पॆस्र'आ ती बॆस लगे नना, एकासे बॆस सैनस तंग्‍है लड़ाइन लड़दस।

1 तीमोथियुस 1:2

पत्त'अना नू एंग्‍है मानिम ख़द्दस तीमोथियुस गे इदिन लिखदन। धर्मे बंगस, अरा नम्‍है उर्बा मसी येसुस तरती निंगा मया अरा सोग्‍गे अरा कोड़े ख़क्‍खर‍'अन नेक‍अन।

2 तीमोथियुस 1:2

एंग्‍है चोन्‍हा ख़द्दस तीमोथियुस गे लिखदन। धर्मे बबस अरा नम्‍है उर्बस मसी येसुस ती निंगा मया अरा सोग्‍गे अरा कोड़े ख़क्‍खर‍'ई नेक‍अन।

2 तीमोथियुस 2:2

एंग्‍है एका सिखाबाचका कत्‍थन नीन नगदे गोवाह आलर ही मुन्‍द मेंजकादय, अदिन असरा जॊगे आलारिन सिखाब'आ। होले आर नन्नारिन हों सिखाब'आ ओंगोर।

2 तीमोथियुस 3:10

लिकिन ऎन आलारिन एन्‍देर सिखाब'अदन, अरा एकासे ऎन उज्‍जदन, अरा एंग्‍है उज्‍जना नू एंग्‍है चिताबुतन, अरा धर्मेस नू एंग्‍है पत्त'अनन, अरा आलर नू एंग्‍है कयास अरा चोन्‍हा नन्नन अरा दुक्‍खे सारनन नीन बॆस अख़दय।

तीतुस 1:5

ई चड्‍डे ऎन निंगन क्रॆतॆ व्दीप नू अम्‍बकाचकन का बछ्रका नलख गुट्ठिन नीन सरि'ओय। अरा एंग्‍है आनका लेक्‍खा नगरे नगरे नू सेयान आलारिन उइय्योय।

दहदर मंजका कत्‍था 2:10

एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।

दहदर मंजका कत्‍था 2:13

ऎन अख़दन का नीन एक्‍सन र'अदय, असन दिम सैतान ही बॆल-गदिया र'ई। अन्नु हूँ नीन एंग्है नू मानी गने जिटजिटने र'अदय, अरा नीन एंग्‍है मइय्याँ ता पत्त'अनन मल अम्‍बकय। सैतान ही र'अना अड्डा निम्है नगरे नुम एंग्है पत्त'अना जॊगे गोवाह अन्तिपास पिटतारस, आ बेड़ा नू हूँ नीन पत्त'अनन मल अम्बकय।