1 कोरिन्‍थ 4:15 - पुना गच्छरना NT (BSI)

¹⁵ एन्‍देरगेका मसी नू निमा गे दस हजार सिखाब'ऊ र'ओर, लिकिन निमा गे कैनो गोटंग बंगर मला। ऎन मसी येसुस नू दौ कत्‍था ती निम्है बंग मंजकन।

1 कोरिन्‍थ 4:15 ပူးပေါင်းရင်းမြစ်များ

रोमी 15:20

एसन एसन मसीसी पत्त नू मल्ला मेन्‍तारका असानिम ऎन दौ कत्‍थन मेन्‍त'आ बेद्ददन। नन्नर कलीसिया ऒर नंजका अड्डा नू ऎन दौ कत्‍था मेन्‍त'आ मल बेद्ददन।

1 कोरिन्‍थ 1:30

आसी तिम नीम मसी येसुस नू र'अदर। मसीस दिम नमा गे धर्मेस तरती बरचका लूर। आस दिम नमन धर्मेस गने उजगो कमदस, अरा आस नमन नेम्‍हा कमदस, अरा आस नमन पाप ती अम्‍बत'अदस।

1 कोरिन्‍थ 15:1

अना भईरो! अक्‍कुन ऎन निमन तिंका दौ कत्‍थन अउर हूँ सुरत'आ गे बेद्ददन। अदिन नीम इंझ्रकर हूँ अरा अइय्या नीम बड़ियर मंजकर ती र'अदर।

1 कोरिन्‍थ 3:10

धर्मेस एंगा गे चिच्का औसान लेक्‍खा, ओन्‍टा बॆस मिस्‍त्रीर लेक्‍खा ऎन नेव उइय्कन। अरा नन्ना ओर्तोस अदही म‍इय्याँ कमदस। लिकिन ओर्त ओर्त गे चिहुंक र'अना र'ई का आस एकासे कमदस।

1 कोरिन्‍थ 3:6

ऎन इदकन, अप्‍पोल्लॊस अम्म टेड़चस, लिकिन धर्मेस गा अदन परदाचस।

1 कोरिन्‍थ 3:8

इद'उस अरा अम्म टेड़'उस इरबर ही मूल्‍ली ओन्‍टा दिम र'ई। आर ओर्त ओर्त तंग्‍‍हा तंग्‍हा अर्ज'अना लेक्‍खा बनी ख़क्‍खोर।

1 कोरिन्‍थ 9:12

निम्है नू दौ कत्‍था तिंका नन्‍नर गे निम्‍है नू ती जोक्‍क ख़क्‍खा गे अदिया र'ई होले, एमा गे हूँ अदही ती बग्‍गे अदिया र'ई। लिकिन ई अदियन ऎम आलर नू मल लच्‍चकम। ऊजी नू मसीसी दौ कत्‍था गे बधा मल मना गे ऎम उर्मी खिलपत आबोन सारदम।

1 कोरिन्‍थ 9:14

ई लेक्‍खम उर्बस आनकादस का, दौ कत्‍था तेंगा कुद्दुर आर ही उज्‍जना बिज्‍जना ही चाड़न अत्रुतिम ख़क्‍खना र'ई।

1 कोरिन्‍थ 9:16

अन्नु हूँ ऎन दौ कत्‍था तेंगदन होले, इदगे एंगा फुलई मना गे अड्डा मल्‍ली, एन्‍देरगेका ऎन इदन नना गे धर्मेस एंगन बड़पेलहा नंजस। ऎन दौ कत्‍था मल तेंगोन होले एंगा गे ओहरे।

1 कोरिन्‍थ 9:18

अन्ने होले एंगा एन्‍देर इनाम ख़क्‍ख्र'ओ? ऎन एंगा अदिया आबोन मल ख़क्‍खरकी नॆखा ती हूँ एन्‍द्रन हूँ मल ख़क्‍खना ही असरा ती दौ कत्‍थन सिथियम तेंगना ती ख़क्‍ख्रना जिया सान्ति दिम एंगा इनाम हिके।

1 कोरिन्‍थ 9:23

ऎन दौ कत्‍था ही आसीस नू बटा मना गेम दौ कत्‍था ही चड्डे ऎन इबड़ा उर्मिन नन्‍दन।

2 कोरिन्‍थ 4:5

एन्‍देरगेका ऎम एमानिम तेंगा मल कुद्दम, लिकिन येसु मसीसिन उर्बस अरा एमन गा येसुस चड्डे निम्‍है जॊंख़ एन्ने तेंगा कुद्दम।

गलातिया 3:24

औंगे नॆग नमन मसीस हेद्दे ओन्‍द्र'आ गे नम्‍है ईरू-ख़ूजू मंजा का नाम पत्त'अना ती उजगो आल मनोत।

गलातिया 3:25

लिकिन अक्‍कु पत्त'अना बरचा, ख़ने नाम नॆग ही आकुस नू मलकत।

गलातिया 4:19

अना एंग्‍है ख़द्दारो! एका गूटी नीम मसीस लेक्‍खा मल मनोर आ गूटी ऎन फेन ख़द्द नेब्‍बना बेसे नुंजना सहदन।

2 तीमोथियुस 4:3

एन्‍देरगेका एन्ने बेड़ा बर'ओ का आलर सुपट सिखाब'अनन मेना गे मने मल ननोर। अरा तम्‍है मने लेक्‍खा तम्‍है ख़ेबदा गुट्ठी गे दौ लगना कत्‍था मेनत'ऊ कैनो गोटंग बिड़दो सिखाब'उरिन ख़ोजोर।

तीतुस 1:4

नम्‍है मझी नू र'ऊ पत्त'अना नू एंग्‍है मानिम ख़द्दस तीतुस गे ऎन पौलुस लिखदन। धर्मे बबस अरा नम्‍है बछाब'उस मसी येसुसी मया अरा कोड़े निं‍गा मनन नेक‍अन।

फिलॆमॊन 1:19

“आ नहड़न ऎन निंगा किर्त'ओन चि'ओन” ऎन पौलुस इदन एंग्‍है ख़ेक्खा ती लिखदन। ई बारी नीन निंगानिम एंगा नहड़ा बेसे चि'अना र'ई, एन्ने ऎन निंगा तेंगा गे चाड़ मलकी, एन्देरगेका नीन पत्त'ऊ मना गे ऎन संगरा नंजकन।

याकॊब 1:18

आस तान गढ़चका उर्मी नू नाम ओन मदहे ती पहिल ख़ंजपा मना गे तंग्‍है मने ती तंग्है मानी कत्‍था ती नमन पुना गढ़चस।

1 पतरस 1:23

एन्‍देरगेका नीम नठारना बिहनी ती मला, उज्जना अरा सदौ बन्चका र'अना धर्मेसी कत्‍था ही मल नठारना बिहनी ती पुना कुन्द्रनन ख़क्‍खका र'अदर।