1 कोरिन्‍थ 4:14 - पुना गच्छरना NT (BSI)

¹⁴ ऎन निमन लज्‍जे मॊख़त'आ गे इदन मल लिखदन। लिकिन निमन एंग्‍है चोन्‍हा ख़द्द ब'अरकी निमन तिगाब'अदन।

1 कोरिन्‍थ 4:14 ပူးပေါင်းရင်းမြစ်များ

त‍इरकर 20:31

इदगे एज्रका र'आ अरा सुरता नना का ऎन तीन बछर गूटी उल्‍ला माख़ा चींख़ा चींख़ा ओर्त ओर्तारिन चेताब'आ गे मल अम्‍बकन।

1 कोरिन्‍थ 15:34

उजगो गे एज्र'आ चो'आ, पाप अमा नना। एन्‍देरगेका ऎन निमन लज्‍जे मॊख़त'आ गे इदन ब'अदन का निम्‍है नू जोक्‍कोर धर्मेसिन बलनर।

1 कोरिन्‍थ 4:15

एन्‍देरगेका मसी नू निमा गे दस हजार सिखाब'ऊ र'ओर, लिकिन निमा गे कैनो गोटंग बंगर मला। ऎन मसी येसुस नू दौ कत्‍था ती निम्है बंग मंजकन।

1 कोरिन्‍थ 4:17

ई चड्डे दिम ऎन उर्बस नू पत्त'अना जॊगे एंग्‍है चोन्‍हा ख़द्दस तीमोथियुसिन निम्‍है गुसन तइय्कादन। ऎन उर्मी अड्डा नू उर्मी कलीसिया नू सिखाब'अना लेक्‍खा आस मसी येसुस नू एंग्‍है उज्‍जना ओक्‍कनन निमा गे सुरता ननोस।

1 कोरिन्‍थ 6:5

ऎन निमन लज्‍जे मॊख़त'आ गेम इदन ब'अदन। भई भईसी मझी ता नग्‍गानख्रनन नेंवई नना गे निम्‍है मदहे नू ओर्त लूरगर आल हूँ मलकर का?

1 कोरिन्‍थ 9:15

अन्नु हूँ ऎन इबड़ा अदिया आबोन कहियों मल ब‍उराचकन। अउर हूँ एन्ने लेक्‍खा कत्‍थन नीम एंगा गे ननोर एन्ने असरा ती इदन मल लिखदन। सिथियम दौ कत्‍था तेंगना ही एंगा ई फुल‍ई नन्नन नीकईम अम्‍बत'अना ती एंगा खे'अना दौ र'ई।

2 कोरिन्‍थ 11:11

एन्‍देरगे ऎन इदन एन्ने ब'अदन? ऎन निमन चोन्‍हा मल नन्ना ती का? धर्मेस अख़दस ऎन निमन एका कोड़हे चोन्‍हा नन्दन।

2 कोरिन्‍थ 12:19

ऎम निम्है मुन्दहारे एमन बिगर बदी ही बॆस आलम ऎद'आ गे अक्कु गूटी चिहुट नन्दम एन्ने नीम सोचदर का? मला, ऎम धर्मेसी मुन्दहारे मसीस नू ब'आलदम। अना चोन्हा आलारो! नीम बॊलता नू परदा गेम ऎम उर्मिन नन्दम।

2 कोरिन्‍थ 7:3

ऎन निमन बदी टिड़'आ गे इदन मल ब'अदन। अन्‍ति ऎन गा मुन्देम बाच ख़च्‍चकन का ऎम निम्है गने उज्जा गे अरा खे'आ गे हूँ सपड़ारका र'अदम, ई लेक्खा नीम एम्है जिया नू अड्डा ख़क्खका र'अदर।

कोलोस्से 1:28

औंगे ओर्मा आलारिन मसीस नू बड़ियर ननरकी इजत'आ गे ऎम ओर्मा आलर गे मसीसी पत्त नू तेंगरकी धर्मेसी चिच्का उर्मी लूर ती ओर्त ओर्त आलारिन तिगाब'अदम अरा सिखाब'अदम।

1 थेस्‍सलोनिकॆयर 2:11

नीम अख़दर का एकासे ओर्त बंगस तंग्‍है ख़द्द-ख़र्रन नन्‍दस। अन्नेम निमा ओर्त ओर्त गे नंजकम।

1 थेस्‍सलोनिकॆयर 5:14

अना भईरो, ऎम निमन गोहरारदम, लंडी र'अनर आरिन चेताब'आ। हेन्‍दवारका आलर गे डिढ चि'आ। पयहारिन सम्ड़ह'आ। ओर्मर गने सह'आ ती र'आ।

2 थेस्‍सलोनिकॆयर 3:14

एकअम ओर्तस ई चिठी नू लिख्रकी र'ई अदिन मल पेस्रदस होले आसिन ऎरनुम र'आ। अरा आसी गने अमा मेस्र'आ का आस ई चड्डे लज्‍जे मोख़्र'ओस।

फिलॆमॊन 1:10

मसीस नू एंग्है ख़द्दस ओनॆसिमोस गे ऎन निंग्है गुसन ने'अदन। एन्देरगेका ऎन जेहेल नू हॆंरका बारी आसिन ऎन मसीस नू कड़हाबाचकन ती आस एंग्है ख़द्दस मंजस।

1 यॊहन 2:1

अना एंग्है ख़द्दारो, ऎन इदगे इदन निमा गे लिखदन का नीम पाप अम्बोर नना। लिकिन नेकईम पाप नन्दस होले, धर्मेस बबस गुसन नमा गे गोहरार'ऊ ओन्टा सहाड़ा ननू र'अस। आसिम येसु मसीस, अरा आस उजगो दिम र'अस।

3 यॊहन 1:4

एंग्है ख़द्द-ख़र्रर मानी नू उज्जा लगनर एन्ने मेन्ना ती नन्ना कोड़हे रिझ्रना एंगा मलकी।