1 कोरिन्‍थ 4:12 - पुना गच्छरना NT (BSI)

¹² अरा एम्‍है ख़ेक्खा ती कोड़हे नलख नन्‍दम। आलर एमन हींड़नर ख़ने, ऎम आर गे आसीस चि'अदम। आर एमन सताब'अनर ख़ने, ऎम सहदम।

1 कोरिन्‍थ 4:12 ပူးပေါင်းရင်းမြစ်များ

मत्तायोस 5:11

एकाबारी आलर नीम एंग्‍है गने चॊंख़्र'उर र'अना चड्डे निमन हींड़नर अरा दुक्‍खे सारत'अनर अरा दोस ठेकाबाच बाच उर्मी रकम ही मल दौ कत्था कछनख्रनर ख़ने, धर्मेस निमन आसीस ननोस।

मत्तायोस 5:44

लिकिन ऎन निमन ब'अदन, ‘निम्‍है बैरीरिन चोन्‍हा नना, अरा निम्‍है भख'उर गे बिन्‍ती नना।

लू‍कस 23:34

[ख़ने येसुस बाचस, “अना बबा, ईरिन छमा नना, ईर गा एन्‍देर नन्नर अदिन बलनर।”] अरा सैनर चिठी टिड्डर ती आसी किचरी गुट्ठिन ख़ट्टरर।

लू‍कस 6:28

निमन सर्प'उर गे आसीस चि'अके। निमन हींड़ुर गे बिन्‍ती ननके।

यॊहनस 15:20

एका कत्‍थन ऎन निमन तिंकन अदिन सुरता नना। जॊंख़स तंग्‍है उर्बस ती कोहँस मलदस। आर एंगन सताबाचर होले, निमन हूँ सताब'ओर। अरा आर एंग्‍है कत्‍थन पॆस्रर होले, निम्‍है कत्‍थन हूँ पॆस्र'ओर।

त‍इरकर 18:3

एन्‍देरगेका आर हूँ तंग्‍है लेक्‍खा कुम्‍बा कमना ही नलख ननू आलर रहचर। ख़ने आस आर ही गने नलख नना लगियस ती र'आ लगियस।

त‍इरकर 20:34

नीम अख़दर का ऎन इबड़ा ख़ेक्खा तिम एंग्‍है अरा एंग्‍है गने रहचका आलर ही चाड़ आबोन पूरा नना गे नलख नंजकन।

त‍इरकर 7:60

अरा आस मूकलिदरस ती जॊरसरिया बाचस, “उर्बायो, ई पापन ईर ही म‍इय्याँ अमके नना।” अरा एन्ने बाचस ती आस जियन बिछरस।

रोमी 12:14

निम्‍है डाह'उरिन बरकत नना। आरिन अमा सरप'आ लिकिन बरकत नना।

रोमी 12:20

ऊजी नू नेम्‍हा पुथी ब'अना लेक्‍खा, “निंग्‍है बैरीस कीड़ा सार'आ लगदस होले, आसिन मंडी ओन्‍त'आ, अरा ओन्‍क'आ र'अदस होले, आसिन ओन्‍त'आ। एन्‍देरगेका नीम एन्ने नन्ना ती आसिन लज्‍जे मॊख़त'ओय।”

रोमी 8:35

एन्‍देर लॊ नमन मसीसी चोन्‍हा ती छिंडा उंगी? सस्‍ती महले कलपारना महले दुक्‍खे मॊख़रना महले कीड़ा महले अत्तना कुन्द्रना मलका नू र'अना महले अपलोक महले खे'अना एन्‍देर नमन छिंडा उंगी?

1 कोरिन्‍थ 9:6

महले बरनबास अरा ऎन लेका नलख नन्ना ती उज्‍जना बिज्‍जना र'ई का?

2 कोरिन्‍थ 11:8

ऎन निमा गे सुसर नना गे नन्ना कलीसिया गुट्ठी ती संगरा ख़क्खकादन। एन्ने ऎन निमा गे आरिन बच्चकन।

इफेसुस 4:28

अरा एकास ख़ड़दस, आस अक्कु ती अम्बोस ख़ड़'आ नेकअन। लिकिन आस तंग्है ख़ेक्खा ती दौ नलख नन्ना नू अर्ज'आ गे चिहुट नन्दस नेकअन। होले मलकर गे सहाड़ा नना गे आसी गुसन इन्द्रिइम र'ओ।

1 थेस्‍सलोनिकॆयर 2:9

अना भईरो, नीम एम्‍है अर्जाचका अरा सस्‍तिन सुरत'अदर। ऎम नॆखा नू हूँ ओत्‍था अम्‍बोम मना, अदगेम ऎम उल्‍ला माख़ा नलख नंजकम ती निम्‍है नू धर्मेसी दौ कत्‍थन तिंकम।

2 थेस्‍सलोनिकॆयर 3:8

नॆख'आ गुसन हूँ ऎम सिथिया मंडी मल ओंडकम, ऎम उल्‍ला माख़ा कोड़हे नलख नंजकम ती ओंडकम ती ऎम निमा नॆका हूँ बोझा मल मंजकम।

1 तीमोथियुस 4:10

ओर्मर गे कोड़हे गा आसिन पत्त‍'उर गे बछाब‍'ऊ उज्‍जना धर्मेस म‍इय्याँ नम्‍है असरा र'ई। इदगेम नाम चिहुट अरा तिहा नन्‍तेम र'अदत।

1 पतरस 2:23

आस केबेर मोक्‍खस ती मल केप्‍पस, अरा दुक्‍खे चोद'अरकी नॆकन हूँ मल धिराब'आ लगियस। लिकिन आस गा तंगन मानी गने नेंवई ननू धर्मेसी ख़ेक्खा नू सोंपचस चिच्चस।

1 पतरस 3:14

लिकिन नीम दौ नन्ना चड्डे दुक्‍खे चॊद्दर होले, नीम धर्मेस ती आसीस ख़क्‍खोर। नेम्हा पुथी नू लिक्खरका लेक्खा नना का, “नीम आर ही इल्चताना गुट्ठी गे अमके एल्‍चा अरा अमके धुकपुकर'आ।”

1 पतरस 3:9

नीम मलदौ ही ऊजी मलदौ अमा नना, केबना ही ऊजी अमा केबा, लिकिन ऊजी नू बरकत दिम नना। एन्नेम नीम ननोर होले धर्मेस निमन बरकत ननोस, इदगेम नीम मॆख़्रका र'अदर।

1 पतरस 4:19

औंगे धर्मेसी मने ही लेक्खा सस्ती सार'उर अउरिम दौ नन्तेम र'अना ती पत्त'अना जॊगे अरा तमन गढ़चका धर्मेस गे तमन सोंपनर नेकअन।

यहूदा 1:9

लिकिन मुध मेर्ख़ा पैकस मिख़ाऎल एन्ने मल नंजस। एकाबारी आस मूसासी मरी ही पत्त नू नाद गुसन आनानख्रस ख़ने, आस आद ही बिड़दो नू मलदौ ब'अना ती बदी नना गे डिढ मल नंजस। लिकिन आस नाद गुसन इवंदम बाचस का, “उर्बस निंगन केबोस।”