1 कोरिन्‍थ 3:9 - पुना गच्छरना NT (BSI)

⁹ ऎम गा धर्मेस गने नलख ननू हिकदम, अरा नीम धर्मेसी ख़ल्ल अरा एड़पा लेक्खा हिकदर।

1 कोरिन्‍थ 3:9 ပူးပေါင်းရင်းမြစ်များ

मत्तायोस 15:13

येसुस किर्त'अर बाचस, “एकाद एंग्‍है मेर्ख़ा बंगस मल्‍ला इदका उर्मी ख़ोप्‍पा चड़तार'ओ।

मत्तायोस 16:18

अउर हूँ ऎन निंगन ब‍'अदन का नीन पतरस हिकदय, ऎन ई चचड़ी मइय्याँ एंग्‍है कलीसिया आबोन कम'ओन, अरा खे'अना ही सवंग अदन जित'आ पोल्‍लो।

मत्तायोस 9:37

येसुस तंग्‍है चेलारिन बाचस, “ख़ोयना गा बग्‍गे र'ई, लिकिन बनीहार जुक्‍किम र'अनर,

मरकुस 16:20

अरा चेलर उरखरकी उर्मी अड्डा नू दौ कत्‍थन मेन्‍ताचर। अरा उर्बस आरिन अकबक नलख नन्‍त'अना नू आर ही गने नलख ननालियस। इबड़ा नलख गुट्ठी ई कत्‍थन मानिम साबित नंजा।] आमेन।

त‍इरकर 4:11

ईद आ पखना हवे इदिन नीम मिस्‍त्री आलर तरकूटी नंजकाचकर, अरा आद दिम कोड़ा ही बड़ियर पखना मंजा केरा।

1 कोरिन्‍थ 3:16

नीम धर्मेसी मन्‍दिर हिकदर, अरा धर्मेसी बॊलता निम्‍है नू मड़'ई, इदिन नीम बलदर का?

1 कोरिन्‍थ 3:6

ऎन इदकन, अप्‍पोल्लॊस अम्म टेड़चस, लिकिन धर्मेस गा अदन परदाचस।

1 कोरिन्‍थ 6:19

नीम इदन बलदर का निम्‍है मॆद नेम्‍हा बॊलतासी मन्‍दिर हवे? अरा धर्मेस ती नीम ख़क्‍ख्रका नेम्‍हा बॊलतस निम्‍है नू ओक्रदस। नीम निम्‍है मलदर।

2 कोरिन्‍थ 6:1

धर्मेस गने नलख ननू आलम ऎम निमन ने'अदम का धर्मेस ती नीम ख़क्ख्रका मया आबोन अनभनियाँ मना अमा चि'आ।

2 कोरिन्‍थ 6:16

धर्मेसी मन्दिर गे मूर्ति गुट्ठी गने एन्‍देर नता? नाम गा उज्‍जना धर्मेसी मन्दिर हिकदत। एकासे का, धर्मेस बाचकादस, “ऎन आर नू ओक्र'ओन, अरा आर ही मझी नू कुद्दोन नुंगोन, अरा ऎन आर ही धर्मे र'ओन, अरा आर एंग्है आलर र'ओर।”

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

कोलोस्से 2:7

अरा नीम आस नुम पादा हॆंरनुम अरा परदनुम कला, अरा एकासे निमन सिखाबाचका र'ई अन्नेम पत्त'अना नू बड़ियर मन्नुम कला, अरा धर्मेस गे बग्‍गे ती बग्‍गे धन्‍यवाद नन्नुम कला।

1 तीमोथियुस 3:15

एन्‍देरगेका एंग्‍है बरना नू घड़ही मनो होले, नीन अख़'ओय का आलर गे धर्मेसी एड़पातर नू एकासे उज्‍जना र'ई, आ एड़पातर दिम उज्‍जना धर्मेसी कलीसिया हवे। ई कलीसिया दिम मानिम सिखाब'अना ही खुटा अरा नेव हवे।

इब्रानी 3:6

लिकिन मसीस धर्मेसी आलर नू पत्त'अना जॊगे ख़द्दस र'अदस। नाम डिढ नन्ना ती मसीसी मइय्याँ ता नम्‍है असरा नू बड़ियर इज्‍जका र'ओत होले, नाम धर्मेसी आलत हिकदत।

1 पतरस 2:5

नीम हूँ उज्‍जना पखना गुट्ठी लेक्‍खा र'अदर का धर्मेसी बॊलता कमना धर्मेसी एड़पा कम्रनुम कादर। अरा नीम आसी नेम्‍हा नैग खोंड़हा हूँ हिकदर। अरा येसु मसीस एन्देर नंजकादस अदही चड्डे नीम बॊलता दाँड़े गुट्ठिन अरगदर, एकदा धर्मेसिन पत्तार'ई।

3 यॊहन 1:8

औंगे नाम एन्ने आलर गे संगरा नन्ना ही चाड़ र'ई। एकत्रु नाम मानिमन तेंगा कुद्दना नू आर ही गने संगे नलख ननू मना ओंग्दत।