1 कोरिन्‍थ 3:5 - पुना गच्छरना NT (BSI)

⁵ होले अप्‍पोल्लॊस मुध हिकदस का? अरा ऎन पौलुस मुध हिकदन का? ऎम गा निमन पत्त'अना नू ओन्‍द्रका उर्बासी सुसर ननू लेका हिकदम। ऎम ओर्त ओर्त उर्बस एमा गे सोंपचका नल‍खन नंजकम।

1 कोरिन्‍थ 3:5 ပူးပေါင်းရင်းမြစ်များ

मत्तायोस 25:15

आस ओर्मर गे तम्‍है सवंग ही लेक्‍खा चिच्‍चस, ओर्तोस गे पाँच थइला सोना ढिबा चिच्‍चस, नन्‍नस गे ऎंड़ थइला सोना ढिबा, अरा तिसरस गे ओन थइला सोना ढिबा चिच्‍चस ती आस नन्‍ना राजी किर्रिम बिच्चियस।

लू‍कस 1:2

एकदन ऒरे तिम इबड़ा कत्‍थन मेंजका आलर अरा धर्मेसी कत्‍थन तिंगू आलर एकासे ऎम पत्त‍'ऊ आलर गे तेंग्‍रा अन्नेम आर लिखचर।

यॊहनस 3:27

यॊहनस आनाकिर्ताचस, “नॆ हूँ एन्‍द्रन हूँ मल ख़क्‍खनर, एका गूटी धर्मेस मेर्ख़ा ती अदिन मल चि'अदस।

त‍इरकर 18:24

आ बेड़ा नू अलेक्‍सन्‍द्रिया नगरे ता अप्‍पोल्लॊस नामे ओन्‍टा यहूदी इफेसुस नगरे नू बरचस। आस नेम्हा पुथिन दौ अख़'उस अरा बड़ियर कछनख्र'ऊ आल रहचस।

त‍इरकर 19:1

एका बेड़ा नू अप्‍पोल्लॊस कोरिन्‍थ नगरे नू रहचस, पौलुस भितरी चक गुट्ठी ती डहरे ऎका लगियस ती इफेसुस अंड़सियस। आस गे असन जोक्‍क पत्त'ऊ आलर ख़क्‍ख्रर।

रोमी 15:16

नन-यहूदीर गे मसी येसुसी जॊंख़ मंजकन। ऎन आसी दौ कत्‍थन सिखाब'अना ती नैगस लेक्‍खा धर्मेसी तेतर-सुसर नंजकन। होले नन-यहूदीर नेम्‍हा बॊलतस ती नेम्‍हा मंजका ती धर्मेस गे इंझ्रना दाँड़े बेसे मना ओंगोर।

1 कोरिन्‍थ 12:28

अरा धर्मेस कलीसिया नू जोक्‍क आलारिन ओकताचकादस। पहिल गा तइरकारिन, दोसर धर्मेसी कत्‍थन मुन्‍द तिंगुरिन, तिसर धर्मेसी कत्‍था सिखाब'उरिन ओकताचकादस। अदही ख़ॊख़ा हैकट नलख गुट्ठी ननुरिन, अदही ख़ॊख़ा कोड़े नना गे सवंग ख़क्‍खका आलारिन ओकताचकादस। अदही गने नन्नर गे संगरा ननुरिन, अरा कड़हाब'उरिन, अरा कैनो मदहे बलना भखा गुट्ठिन कछनख्र'उरिन ओकताचकादस।

1 कोरिन्‍थ 16:12

अक्‍कुन नम्‍है भइय्योस अप्‍पोल्लॊसी पत्त नू, ऎन आसिन निम्‍है गुसन भइय्योर गने काला गे नगदे रिझाबाचकन। अक्‍कु आस काला गे मल बिद्दियस, लिकिन मोका ख़क्‍खोस ख़ने आस बर'ओस।

1 कोरिन्‍थ 3:10

धर्मेस एंगा गे चिच्का औसान लेक्‍खा, ओन्‍टा बॆस मिस्‍त्रीर लेक्‍खा ऎन नेव उइय्कन। अरा नन्ना ओर्तोस अदही म‍इय्याँ कमदस। लिकिन ओर्त ओर्त गे चिहुंक र'अना र'ई का आस एकासे कमदस।

1 कोरिन्‍थ 3:22

एकासे का, ऎन पौलुस महले अप्‍पोल्लॊस महले पतरस ऎम ओर्मम निम्‍है दौ गे दिम हिकदम। ई सौंसार महले उज्‍जना महले खे'अना महले ई उल्‍ला महले बरना उल्‍ला अबड़ा उर्मी निम्‍है दौ गे दिम हवे।

1 कोरिन्‍थ 3:7

औंगे इद'उसी एन्द्रा हूँ मलकी, अरा अम्म टेड़'उसी हूँ एन्‍द्रा हूँ मलकी, लिकिन अदन परद'ऊ धर्मेस दिम मुध हिकदस।

1 कोरिन्‍थ 9:17

ऎन इदन एंग्‍है मने ती नन्‍दन होले, एंगा गे इनाम ख़क्‍ख्र'ओ। लिकिन ऎन एंग्‍है मने ती मल नन्‍दन होले हूँ, एंगा चीरकी र'ई आ नलखन दिम ऎन नन्‍दन।

2 कोरिन्‍थ 11:23

आर लेका मसीसी जॊंख़र का? (ऎन लूर मलका बेसे एन्ने ब'अदन।) ऎन आरहिन ती हूँ बड़ियर जॊंख़न हिकदन। ऎन ई सुसर नलख नू कोड़हे अर्जाचकन, अरा बग्गे हॆल जेहेल नू पहाबाचकन‍, अरा कोर्रा ती बग्‍गे लौर मोक्‍कन, ऎन बग्गे हॆल खे'अना ती बछ्रकन।

2 कोरिन्‍थ 3:3

ईद दहदर र'ई का नीम एम्है सुसर ती मंजका मसीसी चिठी लेक्खा हिकदर। आद सियाही ती मला, लिकिन उज्‍जना धर्मेसी बॊलतस ती लिख्रकी र'ई, पखना ही पट्टी नू मला, लिकिन आल जिया गुट्ठी ही पट्टी नू लिख्रकी र'ई।

2 कोरिन्‍थ 3:6

आस एमन तंग्है पुना गच्छरना ही सुसर'ऊ मना गे जॊगे मंजकादस। आ गच्छरना लिख्रका नॆग ती मल्‍ली, लिकिन बॊलतस ती मन्रकी र'ई। एन्‍देरगेका लिख्रका नॆग गा पिटी, लिकिन बॊलतस गा उज्‍जना चि'अदस।

2 कोरिन्‍थ 4:1

धर्मेसी सोग्‍गे एम्‍है मइय्याँ मंजा ती एमा ई सुसर'अना ही नलख चीतारा, औंगे ऎम कहियों मल हदियारदम।

2 कोरिन्‍थ 4:5

एन्‍देरगेका ऎम एमानिम तेंगा मल कुद्दम, लिकिन येसु मसीसिन उर्बस अरा एमन गा येसुस चड्डे निम्‍है जॊंख़ एन्ने तेंगा कुद्दम।

2 कोरिन्‍थ 4:7

लिकिन ई खुर्जिन ख़ज्‍ज ही संजगी लेक्खा र'उर ऎम ख़क्खकादम। इत्रु अख़तार'ओ का ई कोहाँ सवंग एम्‍है ती मला धर्मेस ती हवे।

2 कोरिन्‍थ 5:18

अरा इबड़ा उर्मी धर्मेस ती मंजकी र'ई। आस दिम मसीस ती नमन तंग्है गने मेसाबाचस, अरा ई मेसेर नख्रत'अना ही नलखन एमा सोंपचकादस।

2 कोरिन्‍थ 6:1

धर्मेस गने नलख ननू आलम ऎम निमन ने'अदम का धर्मेस ती नीम ख़क्ख्रका मया आबोन अनभनियाँ मना अमा चि'आ।

2 कोरिन्‍थ 6:4

लिकिन ऎम धर्मेसी मानिम जॊंख़म एन्ने उर्मी मदहे नू एम्है उज्‍जना ओक्‍कना ती ऎद्ददम। कोड़हे खतीर नन्ना नू, कलपारना नू, कीड़ा नू, सस्ती नू,

इफेसुस 3:7

धर्मेसी सवंग एंग्हा नू नलख नन्ना ती एंगा चिच्का आसी मया ही इनाम ती ऎन ई दौ कत्‍था तेंगा गे सुसर'ऊ मंजकन।

कोलोस्से 1:23

नीम दौ कत्थन मेंजकर ख़ने, निमा ख़क्ख्रका असरा आबोन मल अम्बर ती पत्त'अना नू बड़ियर अरा बन्चका र'आ। ई दौ कत्था दिम मेर्ख़ा किय्या ता ओर्मा आलर गे तेंगरा केरा। ऎन पौलुस ई दौ कत्था गेम सुसर ननू मंजकन।

कोलोस्से 1:25

निमा गे धर्मेसी कत्थन उर्मी तरा तेंगा गे धर्मेसी चिताबुता ही लेक्‍खा ऎन सुसर ननू मंजकन।

1 तीमोथियुस 1:12

ऎन नम्‍‍है उर्बा मसी येसुस गे धन्‍यवाद चि'अदन, एन्‍देरगेका आसिम एंगा सवंग चि'अरकी एंगन पत्त‍'अना जॊगे ब'अरकी तंग्‍है नलख नू उइय्यस।

1 पतरस 4:10

नीम ओर्मर धर्मेस ती ख़क्खका इनामन बउरारकी ओर्त ओर्त गे सुसर नना। एन्नेम नन्ना नन्ना रकम ती बरना धर्मेसी मया आबोन मानी गने उय्यू-उस्र'ऊ मना।