1 कोरिन्‍थ 3:4 - पुना गच्छरना NT (BSI)

⁴ निम्‍है ती ओर्तोस “ऎन पौलुसी चोख़र'ऊ हिकदन” ब'अदस ख़ने, नन्नस ब'अदस, “ऎन अप्‍पोल्लॊसी चोख़र'ऊ हिकदन।” अन्ने होले नीम ख़ॆख़ेल ही आलर लेक्‍खा दिम उज्‍जदर।

1 कोरिन्‍थ 3:4 ပူးပေါင်းရင်းမြစ်များ

1 कोरिन्‍थ 1:12

एंग्‍है ब'अना ईद र'ई का, निम्‍है ती जोक्‍कोर ब'अनर, “ऎन पौलुसी चोख़र'ऊ हिकदन” नन्नर ब'अनर, “ऎन अप्‍पोल्लॊसी चोख़र'ऊ हिकदन” नन्‍नर ब'अनर, “ऎन पतरसी चोख़र'ऊ हिकदन” अरा नन्नर ब'अनर, “ऎन मसीसी चोख़र'ऊ हिकदन।”

1 कोरिन्‍थ 3:3

एन्‍देरगेका नीम अक्‍कु गूटी निम्‍है कया सुबहा ही तबे नू र'अदर। अरा अक्‍कु गूटी निम्‍है नू इस्‍गहा अरा नग्‍गानख्रना मनी, ख़ने नीम कया सुबहा ही आलर दिम हिकदर। नीम ख़ॆख़ेल ता आलर लेक्‍खा दिम उज्‍जदर।

1 कोरिन्‍थ 4:6

अक्कु अना भईरो, ऎन इबड़ा कत्‍थन निमा गे एंग्‍है अरा अप्‍पोल्लॊसी पत्त नू जोक्‍खा लेक्‍खा तिंकन, इदगेका नीम एम्‍है ती सिख्र'आ ओंग्‍दर का नेम्‍हा पुथी नू लिखचका ही पत्त ती बग्‍गे अमा ऎका। तहाँ नीम निम्‍है ओर्तो मुद्धासी पत्त नू फुल‍ई मनरकी नन्नासिन मल हींड़'ओर।

गलातिया 1:11

अना भ‍ईरो! ऎन निमन अख़त'आ बेद्ददन का एका दौ कत्‍था ऎन निमन तिंकादन, आद आलर ही चिताबुता ती गढ़चका मल्‍ली।