1 कोरिन्‍थ 3:3 - पुना गच्छरना NT (BSI)

³ एन्‍देरगेका नीम अक्‍कु गूटी निम्‍है कया सुबहा ही तबे नू र'अदर। अरा अक्‍कु गूटी निम्‍है नू इस्‍गहा अरा नग्‍गानख्रना मनी, ख़ने नीम कया सुबहा ही आलर दिम हिकदर। नीम ख़ॆख़ेल ता आलर लेक्‍खा दिम उज्‍जदर।

1 कोरिन्‍थ 3:3 ပူးပေါင်းရင်းမြစ်များ

रोमी 13:13

उल्‍ला ता आलर लेक्‍खा नाम उजगो डहरे नू ऎकदत नेकअन। नाम रिझ रंग अरा ऊंक्‍खना अरा पेहरन ही सोतरा नलख अरा लम्‍पट नलख अरा अरबानखरना अरा डाहना आबो ती तरकूटी र'अदत नेक‍अन।

1 कोरिन्‍थ 1:10

अना भईरो! ऎन नम्‍है उर्बस येसु मसीसी आकुस ती निमन ने'अदन का नीम ओर्त ओर्त गने मेस्र'आ ती उज्‍जा, होले निम्‍है मझी नू ख़ाड़रना मल मनो। अरा नीम ओन जिया अरा ओन मने ती मेस्र'आ ती र'आ।

1 कोरिन्‍थ 1:11

अना एंग्है भईरो, निम्‍है मझी नू नग्‍गानख्रना गुट्ठी र'ई एन्ने ऎन ख़लोऎ ही एड़पातर ती मेंजकन।

1 कोरिन्‍थ 11:18

मुन्‍द गा ऎन एन्ने मेन्‍दन का नीम कलीसिया बेसे ख़ॊंड़रदर ख़ने, निम्‍है नू ख़ाड़रना गुट्ठी र'ई। अदन ऎन कटिक कटिक पत्त'अदन।

1 कोरिन्‍थ 3:4

निम्‍है ती ओर्तोस “ऎन पौलुसी चोख़र'ऊ हिकदन” ब'अदस ख़ने, नन्नस ब'अदस, “ऎन अप्‍पोल्लॊसी चोख़र'ऊ हिकदन।” अन्ने होले नीम ख़ॆख़ेल ही आलर लेक्‍खा दिम उज्‍जदर।

2 कोरिन्‍थ 12:20

एन्‍देरगेका एन्ने अम्बो मना गे ऎन एल्‍चदन का ऎन निम्है गुसन बरना बारी, एकासे ऎन बेद्ददन अन्ने निमन मल ख़क्‍खोन, अरा नीम एंगन एकासे मल बेद्ददर अन्नेम ख़क्‍खोर। अरा एन्ने अम्‍बो मना का ऎन निम्‍है नू नग्‍गानख्रना, इस्‍गहा, कदरारना, लोभिया, नीन्दा, जलिय'अना, मोठ'ई, अरा बिगर दाब ख़क्‍खोन।

गलातिया 5:15

नीम निम्‍है ती ओर्त ओर्तारिन पल्‍ल ती चब'अर, गिर्रो गोत्तो नना गे तिहा नन्‍दर, होले चिहुंक र'आ, मला होले नीम निम्‍है ओर्त ओर्तारिन नठाब'ओर।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

याकॊब 3:16

एन्देरगेका एसन एसन इस्‍गहा अरा लोभिया र'ई, असन असन छितिर-बितिर अरा उर्मी मदहे मलदौ मनी।

1 पतरस 4:2

इदही चड्डेम आस ख़ॆख़ेल नू अउर उज्जना तंग्है उज्जना नू आल सुबहा ती बरना मलदौ सुख-सौंरत गुट्ठी गे मल उज्जदस। लिकिन धर्मेसी मने लेक्खा नना गेम आस उज्जदस।