1 कोरिन्‍थ 3:18 - पुना गच्छरना NT (BSI)

¹⁸ नीकईम तमन अम्‍बोर ठक'आ। निम्‍है मदहेर ती नीकईम तंगन ख़ॆख़ेल ही ऎरना नू लूरगर सोचदस होले, आस बोया मन्ना र'ई। होले दिम आस धर्मेसी ऎरना नू लूरगर मना ओंग्‍दस।

1 कोरिन्‍थ 3:18 ပူးပေါင်းရင်းမြစ်များ

मत्तायोस 13:22

अरा एकदा अच्‍च-ख़ोप्‍पा नू चाँख़्रा, आद ईद हवे, एकासे कत्‍थन मेन्‍दस लिकिन ख़ॆख़ेल ता फिकर अरा खुर्जी अरा मया-मॊह आसिन अरबिया ख़ने आस ख़ंज'आ पोलदस।

मत्तायोस 18:4

एका ओर्तोस तंगन ई ख़द्दस लेक्‍खा लुदऊ सोच'ओस, आस मेर्ख़ा राजी नू कोहाँ मनोस।

मरकुस 10:15

ऎन निमन ओन्‍टा मानिम कत्‍था ब'अदन, एकासे ख़द्दर अयंग बंगर गे सोंपरनर अन्नेम एका ओर्तर धर्मेस गे सोंपरनर आरिन दिम धर्मेस राजी ननोस।”

लू‍कस 18:17

ऎन निमन ओन्‍टा मानिम कत्‍था ब'अदन, एकासे ख़द्दर अयंग बंगर गे सोंपरनर, अन्नेम एका ओर्तर धर्मेस गे सोंपरनर आरिन दिम धर्मेस राजी ननोस।”

लू‍कस 21:8

आस आरिन बाचस, “चिहुंक र'आ, निमन नीक‍ईम अम्‍बोर ठक'आ। नगदे आलर एंग्‍है नामे ती बर'अरकी ब'ओर, ‘ऎन मसीस हिकदन’ अरा बेड़ा अंड़सा ख़च्‍चकी र'ई, नीम आर ही ख़ॊख़ा अमके काला।

रोमी 11:25

अना भ‍ईरो! ऎन निमन ई भेद ही मनेन बुझुरत'आ गे बेद्ददन, होले नीम निमन कोड़हे लूरगर अम्‍बोर बुझ्र'ओर। इस्राऎल ता कुदहा आलर अक्‍कुन बेड़हा मंजका र'अनर। लिकिन गोट्टा नन-यहूदीर हूँ आसिन पत्त'अना गूटी लेका आर एन्ने र'ओर।

रोमी 12:16

अपन ती नन्नर नू कोड़े गने उज्‍जा। अमा फुल‍ई नना, लिकिन टूटपुंजिया आलर गने मेस्र'आ ती र'आ। निमन लूरगर अमा सोच'आ।

1 कोरिन्‍थ 15:33

अमके ठगर'आ, मलदौ आलर गने भिंडरना दौ ऎकनन बगड़'ई चि'ई।

1 कोरिन्‍थ 3:17

नीकईम धर्मेसी मन्‍दिरन नठाब'ओस होले, धर्मेस आसिन नठाब'ओस। एन्‍देरगेका धर्मेसी मन्‍दिर नेम्‍हा र'ई। नीम दिम आ मन्‍दिर हिकदर।

1 कोरिन्‍थ 4:10

ऎम मसीसी चड्डे बोया हिकदम, लिकिन नीम गा मसीस नू लुरगर सोचदर। ऎम लेड़पोंयहा हिकदम, लिकिन नीम गा सवंगिय सोचदर। नीम मईन ख़क्‍खू सोचदर, लिकिन ऎम गा हींड़तारदम।

1 कोरिन्‍थ 6:9

एन्‍देर नीम बलदर का मलदौ ननू आलर धर्मेसी राजी नू मल कोर'ओर? अमके ठकर'आ! पेहरन ही सोतरा नलख ननुर, महले मूर्तिन ऒड़ ननुर, महले नन्ना आली गुसन कालुर, महले लम्‍पट, महले मॆतर मॆतर गुसन अरा आलीर आलीर गुसन सोतरा ननुर,

गलातिया 6:3

एन्‍देरगेका एकअम ओर्तस तंग्‍है नलख नू मानिम बुझ्रदस होले, आस तंगन ठकदस।

गलातिया 6:7

अरा अमके ठकर'आ। धर्मेस अलख्र'आ काला पोलदस। आलस एन्‍दरन चाँख़दस अदिनिम ख़ोयदस।

इफेसुस 5:6

नॆ हूँ निमन अयंध'आ कत्था गुट्ठी ती ठग'आ गे अड्डा अमा चि'आ। एन्‍देरगेका इबड़ा नलख चड्डेम धर्मेसी कैर आसिन मल पॆस्र'उर मइय्याँ बर'ई।

2 तीमोथियुस 3:13

लिकिन मलदौ आलर अरा भुरिंयु आलर दगा चि'अनुम अरा दगा मूख़नुम बगड़ारते किर्रिमबि'ओर।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

याकॊब 1:22

अक्कु ती नीम धर्मेसी कत्‍थन मिनुर लेका मला, अदही लेक्खा ईकू मना। मला होले नीम नीमिम फोक्र'ऊ र'अदर।

याकॊब 1:26

नीकईम तंगन भगतस एन्ने सोचदस, लिकिन तंग्है बइय्यन मल सम्ड़ह'अदस होले, आस तंगन फोकाब'अदस। आसी भगती अन्‍भनियाँ मनो।

1 यॊहन 1:8

नम्है नू पाप मलकी ब'अदत होले, नाम नमानिम ठकदत, अरा नाम मानी लगे मल उज्जालदत।