1 कोरिन्‍थ 3:10 - पुना गच्छरना NT (BSI)

¹⁰ धर्मेस एंगा गे चिच्का औसान लेक्‍खा, ओन्‍टा बॆस मिस्‍त्रीर लेक्‍खा ऎन नेव उइय्कन। अरा नन्ना ओर्तोस अदही म‍इय्याँ कमदस। लिकिन ओर्त ओर्त गे चिहुंक र'अना र'ई का आस एकासे कमदस।

1 कोरिन्‍थ 3:10 ပူးပေါင်းရင်းမြစ်များ

मत्तायोस 24:45

नॆ लूरगर अरा असरा जॊगे जॊंख़स र'अदस। उर्बस आसिन नन्ना जॊंख़र गे ठौका बेड़ा नू तम्‍है ओन्ना-मॊख़नन चि'आ गे असरा नन्‍दस, फिन आस डहरे ऎका गे कालदस।

मत्तायोस 7:24

एका ओर्तर एंग्‍है इबड़ा कत्‍था कुट्ठिन मेन्नर ती अबड़न अन्नेम नन्नर, आर तंग्‍है एड़पन चचड़ी म‍इय्याँ कमचका लुरगर आलस लेक्‍खा र‍'अनर।

लू‍कस 11:35

औंगे चिहुंक र'अके एका बिल्‍ली निम्‍है जिया नू र'ई ऊख़ा अम्‍बो मना काला।

लू‍कस 21:8

आस आरिन बाचस, “चिहुंक र'आ, निमन नीक‍ईम अम्‍बोर ठक'आ। नगदे आलर एंग्‍है नामे ती बर'अरकी ब'ओर, ‘ऎन मसीस हिकदन’ अरा बेड़ा अंड़सा ख़च्‍चकी र'ई, नीम आर ही ख़ॊख़ा अमके काला।

त‍इरकर 18:27

अक्‍कुन अप्‍पोल्लॊस अख़ाया देस काला बिद्दियस ख़ने, इफेसुस ता पत्त'ऊ भइय्योर आसिन काला गे रिझ्रताचर, अरा आसिन परघ'आ गे अख़ाया ता पत्त'ऊ आलर गे चिठी लिखचर। अप्‍पोल्लॊस अख़ाया अंड़सियस ख़ने, धर्मेसी मया ती पत्त'ऊ मंजका आलर गे कोड़हे सहाड़ा नंजस।

रोमी 1:5

धर्मेस येसुस ती एमा मया अरा त‍इरका मन्ना ही हदा चिच्‍चस का आसी नामे ही चड्डे उर्मी जातियर पत्त'ओर ती आसी पॆसकन ननोर।

रोमी 12:3

एन्‍देरगेका धर्मेस एंगा त‍इरका मन्ना ही मया चिच्‍चस, आ आकुस ती ऎन निमन ओर्मारिन आनदन, एकासे नीम निमन बुझ्रना र'ई अत्रु ती कोड़हे अमा सोच'आ। एकासे का धर्मेस निमा ओर्मर गे ऎ बग्‍गे पत्त'अना ही ख़ंजपा ख़ट्टिका चिच्का र'अदस अदही लेक्‍खा निमन लूरगर गने जोक्ख'आ।

रोमी 15:15

अन्नु हूँ ऎन एसन एसन सुरता नन्‍त'आ गे निमा एकदन डिढ नंजकन ती लिखचकन, एन्‍देरगेका धर्मेस एंगा चिच्का ई मया ती

रोमी 15:20

एसन एसन मसीसी पत्त नू मल्ला मेन्‍तारका असानिम ऎन दौ कत्‍थन मेन्‍त'आ बेद्ददन। नन्नर कलीसिया ऒर नंजका अड्डा नू ऎन दौ कत्‍था मेन्‍त'आ मल बेद्ददन।

1 कोरिन्‍थ 3:11

मुन्‍द तिम कम्रका आ नेव आबोन अम्‍बरकी नन्‍ना नेव आबोन नॆ हूँ नना पोल्‍नर। आ नेव येसु मसीस दिम हिकदस।

1 कोरिन्‍थ 9:2

नन्‍नर एंगन तइरकन मल बुझ्रना ती हूँ, ऎन मानिम नू निमा गा त‍इरकन हिकदन। एन्‍देरगेका उर्बस नू नीम एंग्‍है तइरका नलख ही पुरुब र'अदर।

2 कोरिन्‍थ 10:15

ऎम नन्नर ननू नलखन एमा ब'अरकी फुलई मल नन्दम, आद हूँ सिवान ती चाड़ना नलख दिम हिके। अन्नु हूँ एम्है असरा ईद र'ई का, निम्है पत्त'अना पर्दनुम क'ओ अरा एम्है सुसर नलख निम्है मझी नू कोड़हे बींड़रनुम क'ओ।

इफेसुस 2:20

अरा तइरकर अरा धर्मेसी कत्‍था तिंगुर नेव हिकनर, आ नेव ही मइय्याँ नीम कम्रकादर। इय्या कोंड़ा ता पखना मसी येसुस दिम हिकदस।

कोलोस्से 1:29

अदगेम ऎन एंग्है नू सवंग गने नलख ननू आसी पया लेक्‍खा जिया कया ती अर्ज'अदन।

कोलोस्से 4:17

अरा नीम अर्ख़िप्पोसिन आनके का, “एका सुसर'अना उर्बस निंगा चिच्कादस, अदिन चिहुंक लगे पूरा ननके।”

1 थेस्‍सलोनिकॆयर 3:2

अरा ऎम तीमोथियुसिन निम्‍है हेद्दे तइय्कम। आस एम्‍है भईस अरा मसीसी दौ कत्‍था तेंगना नू धर्मेसी जॊंख़स हिकदस। अरा आस निम्‍है पत्त'अना नू निमन बड़ियर ननोस अरा रिझ्रत'ओस, इदगे ऎम आसिन तइय्कम।

1 तीमोथियुस 4:16

निंग्‍है उज्‍जना अरा सिखाब'अना नू चिहुंक र'आ। एन्ने नीन नन्‍ते र'ओय होले निंगन अरा निंग्‍है कत्‍थन मिनू आलारिन हूँ नाड़ना ही ओदहा मनोय।

2 तीमोथियुस 2:15

नीन बिगर लजर'अम धर्मेसी जॊंख़स र'आ ती, मानिम कत्‍थन लहे लहे बॆस लगे सिखाब'ऊ र'आ ती निंगन धर्मेसी मुन्‍दहारे उजगो आल ऎद'आ गे चिहुट र'आ।

याकॊब 3:1

अना एंग्‍है भईरो, नीम अख़दर का ऎम सिख़ाब'ऊ आलम बग्‍गे सकत ती नेंवई नन्‍तार'ओम, औंगे निम्‍है ती बग्‍गे आलर कलीसिया नू सिखाब'ऊ मना गे अमके बेद्दा।

1 पतरस 4:11

ओर्तस गे कत्था मेन्त'अना ही इनाम र'ई होले, आस धर्मेस तान आसी ती ब'अना लेक्खा कत्था मेन्त'अना र'ई। ओर्तस गे सुसर नन्ना ही इनाम र'ई होले, आस धर्मेस चि'अना सवंग ती अदन नन्ना र'ई। ख़ने नीम नन्ना उर्मी कत्था गुट्ठी येसु मसीस संगरा ती धर्मेस गे महबा ओन्द्रना र'ई। आस गेम उर्मी महबा अरा सवंग उर्मी उल्ला मनन नेकअन। आमेन।

2 पतरस 3:15

अरा सुरता नना का, नम्है उर्बासी कयास आलर गे नाड़र'आ गे बेड़न चि'ई। अन्ने दिम नम्है चोन्हा भई पौलुस हूँ धर्मेस तंगा गे चिच्का लूर ती निमा गे लिखचस।

दहदर मंजका कत्‍था 21:14

अरा नगरे ही पचरी बारा गोट नेव पखना ही मइय्याँ कम्रकी रहचा, अरा अबड़ा नू भेंडो ख़द्द मसीसी बारा तइरकर ही नामे लिख्रकी रहचा।

दहदर मंजका कत्‍था 21:19

अरा आ नगरे ही पचरी ही नेव गुट्ठी उर्मी रकम ही कोड़हे दामी पखना ती सिंगरारकी रहचा। पहिल नेव यसब ही रहचा, दोसरा नेव मड़ी ही रहचा, तिसर नेव लालड़ी ही रहचा, चौथा नेव मरकत ही रहचा,