1 कोरिन्‍थ 2:3 - पुना गच्छरना NT (BSI)

³ अरा ऎन लेड़पोंयहा अरा इलिच्‍क'आ अरा बग्‍गे अस्रनुम तिम निम्‍है गने रहचकन।

1 कोरिन्‍थ 2:3 ပူးပေါင်းရင်းမြစ်များ

त‍इरकर 17:1

फिन पौलुस अरा सीलास अम्‍फिपोलिस अरा अपोल्‍लॊनिया नगरे मन्नुम थेस्‍सलोनिकॆ नू बरचर। असन यहूदीर ही ओन्‍टा गोड़हा एड़पा रहचा।

त‍इरकर 18:1

इदही ख़ॊख़ा पौलुस अथॆने नगरेन अम्‍बियस ती कोरिन्‍थ नगरे नू बरचस।

त‍इरकर 18:12

गल्‍लियॊन अख़ाया देस ता राजी ख़ापुस रहचस, आ बारी जोक्‍क यहूदीर जुम्मरर ती पौलुसी बिड़दो मंजर ती आसिन धरचर अरा आसिन नेंव‍ई नन्ना अड्डा नू ओन्‍द्रर।

त‍इरकर 18:6

लिकिन अबड़ा आलर पौलुसिन हिड़'आ अरा निंदा नना हेलरर। ख़ने आस तंग्‍है किचरी ता रीड़ोन ख़ित्तियस ती बाचस, “धर्मेस ती निमा ख़क्‍ख्रना दंडे गे हुदा नीम दिम हिकदर, ऎन गा एंग्‍है नलखन मुंज ख़च्‍चकन। ऎन अक्‍कु ती नन-यहूदीर गुसन क'ओन।”

2 कोरिन्‍थ 10:1

अक्कु ऎन पौलुस मसीसी लुदऊ अरा सोग्‍गे ती निमन ने'आ लगदन। निम्है ती जोक्‍क आलर ब'अनर का, “ऎन निम्‍है मझी नू र'अना बारी सन्नी अरा पयहा र'अदन लिकिन गेच्‍छा नू र'अना बारी निम्है मइय्याँ डिढगर गने र'अदन।”

2 कोरिन्‍थ 10:10

एन्देरगेका एंग्है पत्त नू जोक्‍क आलर एन्ने ब'अनर का, “आसी चिठी गुट्ठी बोझा अरा अरबना र'ई। लिकिन आस एम्है गने र'अदस ख़ने, आस पयहा र'अस अरा कछनख्रना नू सवंगिय मलका बेसे र'अस।”

2 कोरिन्‍थ 13:4

मानिम नू आस पयहा आल कया नू क्रुस नू टोकतारस, अन्नु हूँ धर्मेसी सवंग ती उज्‍जालदस। अन्नेम ऎम हूँ गा आस नू पयहा र'अदम, लिकिन धर्मेसी सवंग ती निमा गे सुसर नना गे आस गने उज्‍जोम।

2 कोरिन्‍थ 13:9

ऎम पयहा र'अना ती हूँ नीम सवंगिय र'अदर, इदगे ऎम रिझ्रदम। अरा ऎम गोहरारदम हूँ का नीम बड़ियर मनोर क'ओर।

2 कोरिन्‍थ 4:1

धर्मेसी सोग्‍गे एम्‍है मइय्याँ मंजा ती एमा ई सुसर'अना ही नलख चीतारा, औंगे ऎम कहियों मल हदियारदम।

2 कोरिन्‍थ 4:16

औंगे ऎम पछली मल किर्दम। बहरी ता एम्‍है मॆद गा खे'आली, लिकिन भितरी ता एम्है बॊलता उल्‍लन ती पत्ती पुना मन्नुम क'ई।

2 कोरिन्‍थ 6:4

लिकिन ऎम धर्मेसी मानिम जॊंख़म एन्ने उर्मी मदहे नू एम्है उज्‍जना ओक्‍कना ती ऎद्ददम। कोड़हे खतीर नन्ना नू, कलपारना नू, कीड़ा नू, सस्ती नू,

2 कोरिन्‍थ 7:15

अरा नीम ओर्मर आसी कत्‍थन एकासे पॆस्रकर अरा इल्‍चुनुम अरा असरनुम आसिन परघाचकर, इदन आस सुरता नन्दस ख़ने, निम्‍है नू आसी चोन्‍हा कोड़हे मनी क'ई।

2 कोरिन्‍थ 7:5

एन्‍देरगेका ऎम मकेदोनिया बरचकम ख़ने हूँ, एमा गे सल्‍ल मल ख़क्ख्रा। लिकिन ऎम उर्मी तरती खिलपत ख़क्खकम, बहरी नग्गानख्रना अरा भितरी इल्चका रहचा।

इफेसुस 6:5

अना बिट्ठी ननू जॊंख़ारो, नीम मसीसिन पॆस्रना बेसे, ई ख़ॆख़ेल ता निम्‍है उर्बारिन मईन अरा इल्‍चनुम ती अरा मानी जिया गने पॆस्र'आ।