1 कोरिन्‍थ 2:15 - पुना गच्छरना NT (BSI)

¹⁵ लिकिन नेम्‍हा बॊलतस तंग्‍है नू र'ऊ आलस उर्मिन दिम बिढ़दस ती बुझ्रदस, लिकिन तान गा नॆख'आ ती हूँ बिढ़्रदस ती बुझ्र'आ पोलदस।

1 कोरिन्‍थ 2:15 ပူးပေါင်းရင်းမြစ်များ

यॊहनस 7:17

नेक‍ईम धर्मेसी मनेन नना बेद्ददस होले, आस ई सिखाब'अना ही पत्त नू अख़'ओस का ईद धर्मेस तरती र'ई का महले ऎन एंग्‍है ती ब'अदन।

त‍इरकर 16:3

पौलुस तीमोथियुसिन तंग्‍है गने संगे मना गे मने नंजस। लिकिन आ चक नू र'ऊ उर्मी यहूदी आलर अख़नर का आसी बंगस युनानी रहचस। औंगे पौलुस आसिन होच्‍चस ती खतना नन्‍ताचस।

1 कोरिन्‍थ 14:37

औंगे एकअम आलस तंगन धर्मेसी कत्‍थन मुन्‍द तिंगुस मलता बॊलतासी इनाम ख़क्‍खका आलस एन्ने सोचदस होले, आस इदन इंझ्रना र'ई का एका कत्‍थन ऎन निमा लिखदन आद उर्बासी पॆसका गुट्ठी हवे।

1 कोरिन्‍थ 3:1

अना भईरो, ऎन एकाबारी कोरिन्‍थ नू रहचकन आ बारी निम्‍है गने नेम्‍हा बॊलतस नू र'ऊ आलर गने ब'अना लेक्‍खा ब'आ पोलकन, लिकिन ख़ॆख़ेल ता आलर अरा मसी नू बॊलोर लेक्‍खा सोच'अरकी दिम ब'आ ऊंग‍कन।

1 कोरिन्‍थ 4:5

औंगे ठंचका बेड़ा ही मुन्‍द नीम नॆख'आदिम नेंवई अमा नना, उर्बासी बरना गूटी पाब ऎरा। आस ऊख़ा नू नूख़्रका कत्‍था गुट्ठिन बिल्‍ली नू ऎद'ओस, अरा आलर ही जिया गुट्ठी ही सोच गुट्ठिन दहदर ननोस। आ बारी धर्मेस तरती ओर्त ओर्त तंग्‍है ओहमन ख़क्‍खोर।

गलातिया 6:1

अना भईरो! नीक‍ईम पाप नन्नुम धर'ओर क'ओर होले, नीम आसिन सोग्‍गे ऎरा ती दौ डहरे नू हो'आ, नीम गा नेम्‍हा बॊलतासी पखड़ मंजका आलर हिकदर। अरा निमन हूँ चिहुंक उइय्या का नीम हूँ बिढ़्रना नू अम्‍बोर खत्र'आ।

फिलिप्‍पी 1:10

होले कोड़हे बॆस एन्देर एन्ने नीम अख़'आ ओंगोर। अरा मसीसी अउरिम बरना उल्ला गूटी नेम्‍हा अरा बिगर बदी ती उज्जा ओंगोर।

कोलोस्से 1:9

औंगे ऎम निम्है पत्त नू मेंजका उल्ला ती ऎम निमा गे गोहरारनन मल अम्‍बदम। अरा नीम नेम्हा बॊलतासी उर्मी लूर अरा ओर्खना गने धर्मेसी मने अबोन अ‍ख़ना ही लूर ती नीदा गे ऎम धर्मेस ती ने'अदम।

1 थेस्‍सलोनिकॆयर 5:21

लिकिन उर्मी कत्‍था गुट्ठिन अरा नलखन बिढ़'आ ती ऎरा। एकदा बॆस लग्‍गो अदिन इंझ्र'आ अरा धर'आ।

इब्रानी 5:14

लिकिन बुधियार मंजकर गे मंडी र'ई। आर हेभरना हेभरना ती दौ अरा मलदौ आबोन चिन्‍हना नू बड़ियर मंजका र'अनर।

1 यॊहन 2:20

लिकिन नीम गा मसीस तरती नेम्हा बॊलतासी पूरकसन ख़क्खादर, अरा नीम ओर्मर मानी आबोन अख़दर।

1 यॊहन 4:1

अना दुलारो, ई सौंसार नू नगदे बग्गे ठकवा धर्मेसी कत्था तिंगुर चॊचका र'अनर। औंगे नेम्हा बॊलतस ती ब'अदन ब'ऊ उर्मी आलारिन अमा पत्त'आ। लिकिन बिढ़'आ ती ऎरा का अबड़ा बॊलता गुट्ठी धर्मेस ती बरचका का मल्ली।