1 कोरिन्‍थ 2:14 - पुना गच्छरना NT (BSI)

¹⁴ नेम्‍हा बॊलतासिन मल ख़क्‍खका आलस धर्मेसी बॊलतस ती बरना मानिम कत्‍था गुट्ठिन मल इंझ्र'ओस, एन्‍देरगेका अबड़ा आसी ऎरना नू बयला कत्‍था हवे। अरा आस अबड़न मल बुझ्रदस, एन्‍देरगेका नेम्‍हा बॊलतस लेका आलर गे धर्मेसी कत्‍था गुट्ठिन बुझ्र'आ गे संगरा नना ओंग्दस।

1 कोरिन्‍थ 2:14 ပူးပေါင်းရင်းမြစ်များ

मत्तायोस 16:23

तहाँ आस किर्र ईरियस ती पतरसिन बाचस, “अना सैतान, एंग्‍है मुन्‍दहारे ती तरकूटी मना। नीन मूड़ना ही अड्डा हिकदय, नीन धर्मेसी सोचना लेक्‍खा मल सोचदय, आलर ही सोचना लेक्‍खा सोचदय।”

यॊहनस 10:20

आर ती नगदे आलर ब'आ लगियर, “आस नू नाद रस्‍सकी र'ई। आस बयहस, आसी कत्‍थन नीम एन्‍देरगे मेन्‍दर?”

यॊहनस 12:37

येसुस आलर ही मुन्‍दहारे कोड़हे बग्‍गे अजगुत नलख ही चिन्‍हा नंजका ती हूँ आर आसिन मल पत्ताचर।

यॊहनस 14:17

आस दिम उर्मी मानिमन दहदर ननू नेम्‍हा बॊलतस हिकदस। आसिन ई ख़ॆख़ेल ता आलर मल इंझर'ओर, एन्‍देरगेका आर आसिन मल ऎरनर महले आसिन बलनर। लिकिन नीम आसिन अख़दर, एन्‍देरगेका आस निम्‍है गने उज्‍जदस अरा निम्‍है नू र'ओस।

यॊहनस 14:26

लिकिन सालत'उस, नेम्‍हा बॊलतस नॆकन बंगस एंग्‍है नामे ती तइय्योस, आस निमन उर्मी कत्‍थन सिखाब'ओस अरा एंग्‍है आनका उर्मी कत्‍थन निमन सुरता नन्‍त'ओस।

यॊहनस 15:26

सालत'उस निम्‍है गुसन बर'ओस। आसिन ऎन बंगस तरती निम्‍है गुसन तइय्योन। आस बंगस गुस्‍ते बरदस अरा मानिमन दहदर ननू नेम्‍हा बॊलतस हिकदस। एकाबारी आस बर'ओस, आ बारी एंग्‍है पत्त नू गोवाह चि'ओस।

यॊहनस 5:44

नीम गा निम्‍है नू ओर्त ओर्तोस ती ओहमन ख़क्‍खा गे बेद्ददर। लिकिन नीम ओर्त लेका धर्मेस ती बरना ओहमन ख़क्‍खा गे मल बेद्ददर। होले नीम एकासे पत्त'आ ओंगोर?

यॊहनस 8:43

ऎन एन्‍देर ब'अदन अदिन नीम एन्‍देरगे बुझुर'आ पोलदर? ईद ई चड्डे का एंग्‍है सिखाब'अनन नीम मल इंझ्रदर।

त‍इरकर 16:14

थुअतीरा नगरे ता लुदिया नामे ही बैजनी किचरी बीसू धर्मेसिन महबा ननू आली अदिन मेना लगिया। पौलुसी कत्‍थन मेना गे धर्मेस अदही जिया बलिन तिसगस।

त‍इरकर 17:18

अरा एपिकूरी अरा स्‍तोईकी धरम ता जोक्‍क सिखाब'उर आसी गने कत्‍था बरता मना हेलरर। अरा जोक्‍कोर बाचर, “ई पोरपोरोस एन्‍देर ब'आ बेद्ददस?” अरा नन्नर बाचर, “ईस गा नन्ना देंवता गुट्ठी ही कत्‍था तिंगुस लगदस।” एन्‍देरगेका पौलुस येसुसी अरा आसी उज्‍जा चो'अना ही पत्त नू तेंगा लगियस।

त‍इरकर 17:32

केचका ही उज्‍जा चो'अना ही पत्त ता कत्‍थन आलर मेंजर ती जोक्‍क आलर अलखा हेलरर। अरा जोक्‍क आलर बाचर, “ई कत्‍था ही पत्त नू ख़ॊख़ा ऎम अउरिम निंग्‍है ती मेनोम।”

त‍इरकर 18:15

लिकिन ईद निम्‍है धरम ही कत्‍था अरा नामे अरा पॆसका ही पत्त ता आनानख्रना हवे। औंगे नीमिम इदन ऎरके। ऎन एन्ने कत्‍था गुट्ठी ही नेंव‍ई नना मल बेद्ददन।”

त‍इरकर 25:19

लिकिन आर तम्‍है धरम ही पत्त नू जोक्‍क कत्‍था गुट्ठी नू अरा येसु नामे ओन्‍टा केचका आलासी पत्त नू आनानख्रर, लिकिन पौलुस येसुसिन उज्‍जा लगदस ब'अदस।

1 कोरिन्‍थ 1:18

क्रूस ही पत्त ता सिखाब'अनन खे'अना ही डहरे नू कालू आलर खईता बुझुरनर। लिकिन नाड़रनन ख़क्‍खू आलर नमा गे आद धर्मेसी सवंग हवे।

1 कोरिन्‍थ 1:21

एकासे का ख़ॆख़ेल तंग्‍है लूर ती धर्मेसिन मल अख़ना लेक्‍खा, तंग्‍है लूर ती धर्मेस इदन नंजकादस। औंगे खईता लेक्‍खा ईथर'ऊ एम्‍‍है दौ कत्‍था तेंगना ती पत्त'उरिन नाड़ा गे धर्मेस मने नंजस।

1 कोरिन्‍थ 1:23

लिकिन ऎम गा क्रुस नू ठोकचका मसीसी पत्त नू तेंगा कुद्दम। ईद यहूदीर गे मूड़ना ही चड्डे र'ई, अरा नन-यहूदीर गे ख‍ईता र'ई।

1 कोरिन्‍थ 1:25

एन्‍देरगेका धर्मेसी बोका मन्ना गा आलर ही लूर ती कोड़हे लूर र'ई, अरा धर्मेसी पयहा मन्‍ना गा आलर ही सवंग ती कोड़हे सवंगिय र'ई।

1 कोरिन्‍थ 15:44

प्रकृति मॆद माड़तार'ई अरा बॊलता ही मॆद उज्‍जा चु'ई। प्रकृति मॆद र'ई होले, बॊलता ही मॆद हूँ र'ई।

1 कोरिन्‍थ 15:46

लिकिन बॊलता ही मॆद मुन्‍द ता मल्‍ला, प्रकृति मॆद गा मुन्‍द ता र'ई, बॊलता ही मॆद ख़ॊख़ा ता र'ई।

1 कोरिन्‍थ 2:12

अक्‍कुन नाम ई ख़ॆख़ेल ता बॊलतन मला, लिकिन धर्मेस ती बरचका बॊलतन ख़क्‍खकादत, इत्रु ती नाम धर्मेस नमा गे सिथिया नू चिच्का दौ जिनिस गुट्ठिन अख़'आ ओंग्दत।

1 कोरिन्‍थ 3:1

अना भईरो, ऎन एकाबारी कोरिन्‍थ नू रहचकन आ बारी निम्‍है गने नेम्‍हा बॊलतस नू र'ऊ आलर गने ब'अना लेक्‍खा ब'आ पोलकन, लिकिन ख़ॆख़ेल ता आलर अरा मसी नू बॊलोर लेक्‍खा सोच'अरकी दिम ब'आ ऊंग‍कन।

याकॊब 3:15

एन्ने लेक्खा लूर धर्मेस ती मल बर'ई, लिकिन ईद सौंसार ता लूर हवे, अरा ईद मॆद ही सुबहा ता हवे, अरा ईद नाद ती बर'ई।

1 यॊहन 2:20

लिकिन नीम गा मसीस तरती नेम्हा बॊलतासी पूरकसन ख़क्खादर, अरा नीम ओर्मर मानी आबोन अख़दर।

1 यॊहन 2:27

लिकिन निमा गे नेम्हा बॊलतस ख़क्ख्रका र'अदस, आस निम्है नू र'अदस। औंगे एकअम आलर ही सिखाब'अना निमा गे चाड़ मलकी। निमा एन्द्रन अख़'आ गे चांड़ र'ई अबड़ा उर्मिन नेम्हा बॊलतस निमा गे सिखाब'अदस। आसी सिखाब'अना मानिम र'ई, ठकवा मल्ली। औंगे आसी सिखाब'अना लेक्खा नीम मसीस नू बन्चका र'आ।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।

यहूदा 1:19

इबड़ा आलर निम्है मझी नू छिंडत'ऊ र'अनर। अरा ईर मॆद सुबहा ही लेक्खा ईकुर र'अनर। ईर नू नेम्हा बॊलतस मल र'अदस।