1 कोरिन्‍थ 2:1 - पुना गच्छरना NT (BSI)

¹ अना भईरो, इकला ऎन धर्मेसी गम आबोन निम्‍है गुसन तेंगा बरचकन ख़ने, ऎन ब'अना नू दौ गने महले कोड़हे लूर गने मल बरचकन।

1 कोरिन्‍थ 2:1 ပူးပေါင်းရင်းမြစ်များ

त‍इरकर 20:21

अरा यहूदी अरा नन-यहूदी आलारिन चेताबचकन का आर जियन किर्त'अना र'ई अरा नम्‍है उर्बस येसु मसीसिन पत्त'अना चांड़ र'ई।

त‍इरकर 22:18

अरा उर्बासिन ईरकन का आस एंगन बाचस, ‘चाँड़हे येरुसलॆम ती उरखा कला, एन्‍देरगेका आर एंग्‍है पत्त नू निंग्‍है गोवाह आबोन मल पत्त'ओर।’

रोमी 16:18

एन्‍देरगेका का एन्ने आलर नम्‍है उर्बस मसीसी मला तम्‍है कूल ब'ई ही तेतर-सुसर नन्नर। अरा एम्‍बा एम्‍बा अरा भुरिय'अना कत्‍था ती बोको जिया आलारिन बेड़ाब'अनर चि'अनर।

रोमी 16:25

धर्मेस गे ओहमा मनन नेकअन। आस दौ कत्‍था ती निमन पत्त'अना नू बड़ियर नना ओंग्दस, एका कत्‍थन ऎन येसु मसीसी पत्त नू निमन तिंकन। ई कत्‍था ही गम हुल्‍लो ती नूख़्रकी रहचा।

1 कोरिन्‍थ 1:17

मसीस एंगन नॊड़रता गे मला, दौ कत्‍थन तेंगा गे तइय्का र'अदस। अरा मसीसी क्रूस अनभनियाँ मल मना गे एंगन ख़ॆख़ेल ता बिगर लूर ती दौ कत्‍थन मेन्‍त'आ गे त‍इय्यस।

1 कोरिन्‍थ 1:6

एन्‍देरगेका मसीसी पत्त ता एम्‍है गोवाह निमा नू पखड़ ईथरकीचा।

1 कोरिन्‍थ 2:13

इबड़ा कत्‍थन ऎम आलर ही लूर सिखाबाचका कत्‍था गुट्ठी ती मला, बॊलतासी सिखाबाचका कत्‍था ती तेंगदम। एन्नेम बॊलता ही मानिम कत्‍था गुट्ठिन बॊलतासी कत्‍था गुट्ठी ती बुझाब'अदम।

1 कोरिन्‍थ 2:4

अरा एंग्‍है ब'अना अरा एंग्‍है तेंगा कुद्दना नू लूर ही लोभाब'अना कत्‍था मल्‍ला, लिकिन‍ नेम्‍हा बॊलतासी सवंग ही ऎदना चि'अना रहचा।

1 कोरिन्‍थ 2:7

ऎम गा धर्मेसी लूरन, नूख़्रका गम आबोन लेका तेंगदम। इदन धर्मेस ख़ॆख़ेल ही ऒरे ती मुन्‍द तिम नाम मसीसी महबा नू हिसा मना गे ठनचस।

2 कोरिन्‍थ 10:10

एन्देरगेका एंग्है पत्त नू जोक्‍क आलर एन्ने ब'अनर का, “आसी चिठी गुट्ठी बोझा अरा अरबना र'ई। लिकिन आस एम्है गने र'अदस ख़ने, आस पयहा र'अस अरा कछनख्रना नू सवंगिय मलका बेसे र'अस।”

2 कोरिन्‍थ 11:6

ऎन भासन चि'अना नू सवंगिय मलदन, अन्नु हूँ लूर नू अन्ने मला। ऎम गा इदन उर्मी तरती उर्मी कत्‍था नू दहदर नंजकादम।

2 थेस्‍सलोनिकॆयर 1:10

आसी महबा तंग्‍है नेम्‍हा आलर नू ऎथ्र'ओ अरा तंगन पत्ताचका आलर ती हैकट मनोस, आसी बरना उल्‍ला ईद मनो। नीम हूँ आर ही गने मेस्र'ओर, एन्‍देरगेका ऎम निमन गोवाह चिच्‍कम अदिन पत्ताचकर।

1 तीमोथियुस 1:11

ई दौ सिखाब'अना उर्मी ती धन्‍य धर्मेसी महबा ही दौ कत्‍था ती बर'ई, एकदा एंगा सोंपरकी र'ई।

2 तीमोथियुस 1:8

औंगे नम्‍है उर्बासी पत्त नू आलारिन तेंगा गे अमा एल्‍चा। अरा ऎन आसी दौ कत्‍था तेंगना ती जेहेल नू र'अदन, ई चड्डे नीन अमा एल्‍चा। लिकिन धर्मेसी सवंग ती दौ कत्‍था गे एंग्‍है गने दुक्‍खे चॊद'आ गे सपड़ार'आ।

1 यॊहन 4:14

अरा ऎम इदन ईरका रहचकम अरा इदही पत्त नू गोवाह चि'अदम का धर्मे बंगस तंग्दासिन ख़ॆख़ेल ही नाड़ुस बेसे तइय्कादस।

दहदर मंजका कत्‍था 1:2

यॊहनस धर्मेसी कत्‍था ही पत्त नू अरा येसु मसीसी गोवाह ही पत्त नू तान ईरका उर्मी ही गोवाह चिच्‍चस।

दहदर मंजका कत्‍था 1:9

ऎन यॊहन निम्‍है भई हिकदन, अरा ऎन निम्है लेक्खा येसुस गने चॊख़रना नू अरा खिलपत चॊदना नू अरा धर्मेसी राजी ही आल मन्ना नू अरा खतिर गने दुक्खे सारना नू निम्है गने मेस्र'ऊ हिकदन। धर्मेसी कत्‍था तेंगना ही चड्डे अरा येसुसी गोवाह र'अना ही चड्डे दंडे ही रूपे नू ऎन पतमॊस नामे टापू नू रहचकन।

दहदर मंजका कत्‍था 19:10

इदन मेंजकन ख़ने, ऎन आसिन ऒड़ लग्गा गे आसी ख़ेडमूली खत्रकन। ख़ने आस एंगन बाचस, “ऎरा, एन्ने अमा नना, ऎन हूँ निंग्‍है गने अरा येसुसी पत्त नू गोवाह चि'ऊ निंग्‍है भईर गने संगे जॊंख़न हिकदन। औंगे धर्मेसिन दिम ऒड़ लग्गा। एन्‍देरगेका नॆ येसुसी पत्त नू नन्नर गे तेंगनर, आर मानिम नू धर्मेसी बॊलतस आर गे चिच्का कत्था गुट्ठिन दिम तेंगनर।”